2023 жылғы 23 қарашадағы № 4/524-709      Мемлекет мұқтажы үшін жер учаскелерін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығарудың басталуы туралы

2023 жылғы 23 қарашадағы № 4/524-709

 

  

Мемлекет мұқтажы үшін жер учаскелерін

алып қоюға байланысты жер учаскелерін немесе

өзге де жылжымайтын мүлікті мәжбүрлеп иеліктен

шығарудың басталуы туралы

 

 

Қазақстан Республикасы Жер кодексінің 84 бабына, Қазақстан Республикасының «Мемлекеттік мүлік туралы» Заңына сәйкес Алматы қаласының әкімдігі ҚАУЛЫ ЕТЕДІ:

1. Ортақ пайдалануындағы объектілердің құрылысы үшін (автобус паркі) Зина Сахитжановна Ахметовадан, жер учаскелерін мемлекет мұқтажы үшін алып қоюға байланысты жер учаскелерін немесе өзге де жылжымайтын мүлікті мәжбүрлеп иеліктен шығару басталсын:

1) кадастрлық нөмірі 20-314-047-060, ауданы 0,2661 га мекенжайы бойынша орналасқан: Жетісу ауданы, Северное кольцо көшесі, 141/1 үй;

2) кадастрлық нөмірі 20-314-047-065, ауданы 0,1832 га мекенжайы бойынша орналасқан: Жетісу ауданы, Северное кольцо көшесі, 147/2 учаске;

3) кадастрлық нөмірі 20-314-047-066, ауданы 3,0693 га, мекенжайы бойынша орналасқан: Жетісу ауданы, Северное кольцо көшесі, 147/1 үй;

4) кадастрлық нөмірі 20-314-047-067, ауданы 0,0212 га, мекенжайы бойынша орналасқан: Жетісу ауданы, Северное кольцо көшесі, 147/3 учаске;

5) кадастрлық нөмірі 20-314-047-068, ауданы 3,7198 га, мекенжайы бойынша орналасқан: Жетісу ауданы, Северное кольцо көшесі, 147 үй.

2. Мәжбүрлеп иеліктен шығару мерзімі 2024 жылдың 31 желтоқсанына дейін белгіленсін.
3. Меншік иелері жүгінетін орын Алматы қаласы, Бостандық ауданы, Абай даңғылы, 90, 801 кеңсе болып белгіленсін.
4. Алматы қаласы әкімінің аппараты осы қаулыны қабылданған күнінен бастап үш жұмыс күні ішінде Алматы қаласы әкімдігінің интернет-ресурсын қоса алғанда, жергілікті бұқаралық ақпарат құралдарында жариялауды қамтамасыз етсін.
5. Алматы қаласы Жер қатынастары басқармасы:

1) заңнамамен белгіленген тәртіпте меншік иесін хабардар етсін және меншік иесіне жер учаскесі өтемақысын төлеуді қамтамасыз етсін;

2) жер учаскелерін немесе өзге де жылжымайтын мүлікті мемлекет мұқтажы үшін мәжбүрлеп иеліктен шығару бойынша іс-шараларды аяқтағаннан кейін жер учаскелерін Алматы қаласы Қалалық мобилділік басқармасының теңгеріміне берсін;

3) Қазақстан Республикасының заңнамасымен қарастырылған өзге де  қажетті шараларды қабылдасын. 

6. Осы қаулының орындалуын бақылау Алматы қаласы әкімінің жетекшілік ететін орынбасарына жүктелсін.

 

 

Алматы қаласының әкімі                                                                         Е. Досаев

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Дата публикации

25 ноября 2023