Қазақстан Республикасының «Сыбайлас жемқорлыққа қарсы іс-қимыл туралы» Заңына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» бұйрығына сәйкес БҰЙЫРАМЫН:
- Сыбайлас жемқорлыққа қарсы іс – қимыл жөніндегі жұмысты ұйымдастыруға және сыбайлас жемқорлық тәуекелдеріне ішкі талдау жүргізуге жауапты болып осы салаға жетекшілік ететін Алматы қаласы Жұмыспен қамту және әлеуметтік бағдарламалар басқармасы (бұдан әрі-Басқарма) басшысының орынбасары айқындалсын.
- Сыбайлас жемқорлық тәуекелдеріне ішкі талдау жүргізу бойынша жұмыс тобы осы бұйрықтың 1-қосымшасына сәйкес құрамда (бұдан әрі – Жұмыс тобы) құрылсын.
- Сыбайлас жемқорлық тәуекелдеріне ішкі талдау жүргізу жөніндегі жұмыс жоспары осы бұйрықтың 2-қосымшасына сәйкес бекітілсін.
- Жұмыс тобы Басқарма қызметіндегі сыбайлас жемқорлық тәуекелдеріне ішкі талдауды 2025 жылдың 02 маусымы мен 04 шілдесі аралығында мынадай бағыттар бойынша жүргізсін:
1) талдау объектісінің қызметін қозғайтын нормативтік құқықтық актілерде сыбайлас жемқорлық тәуекелдерін анықтау;
2) персоналды басқару, оның ішінде сыбайлас жемқорлық тәуекелдеріне шалдыққан лауазымдарды айқындау;
3) мүдделер қақтығысын реттеу;
4) мемлекеттік қызметтер көрсету;
5) рұқсат беру функцияларын іске асыру;
6) бюджет және қаржы қаражатын игеру және бөлу;
7) жеке және заңды тұлғалармен шарттар жасасу;
8) ақпараттық жүйелерді әзірлеу және пайдалану;
9) талдау объектісінің ұйымдастырушылық-басқарушылық қызметінен туындайтын өзге де мәселелер.
- Сыбайлас жемқорлық тәуекелдерін анықтау бойынша жүргізілген ақпарат жинау және қорыту жұмыстары аяқталғаннан кейін 2025 жылдың 04 шілдесіне дейінгі мерзімде талдамалық анықтама жасалсын.
- Осы бұйрықтың орындалуын бақылау Басқарма басшысының жетекшілік ететін орынбасарына жүктелсін.
Басшы Б.Жаубасов