Алматы қаласы мәслихатының «Ленинград қаласындағы қоршау кезеңінде қаланың кәсіпорындарында, мекемелері мен ұйымдарында жұмыс істеген және «Ленинградты қорғағаны үшін» медалімен немесе «Қоршаудағы Ленинград тұрғыны» белгісімен наградталған Алматы қаласында тұратын азаматтарға Санкт-Петербург қаласына баруға кететін шығындарды өтеуге арналған әлеуметтік көмек туралы» 2020 жылғы 9 қазандағы № 488 шешіміне сәйкес (бұдан әрі - Шешім) Алматы қаласында Санкт – Петербург қаласына және кері қарай жол жүру құнын 100% өтеу түрінде әлеуметтік көмек (бұдан әрі - әлеуметтік көмек) көрсетіледі.
Анықтама: Ленинград қаласының кәсіпорындарында, мекемелері мен ұйымдарында блокада кезеңінде жұмыс істеген және «Ленинградты қорғағаны үшін» медалімен немесе «блокадалық Ленинградтың тұрғыны» белгісімен марапатталған, Санкт-Петербург қаласына барғаннан кейін Алматы қаласында тұратын азаматтарға өтініш пен жол жүру құжаттарын ұсынған кезде екі жаққа бару өтеледі.
Мемлекеттік басқару жүйесін орталықсыздандыруға және әлеуметтік көмек көрсету жөніндегі функцияларды Алматы қаласы аудандарының жергілікті атқарушы органдарына (әкімдердің аудандық аппараттарына) беруге байланысты шешімге осы мемлекеттік қызметті көрсетуге құқылы уәкілетті органның ұйғарымы бойынша нақтылау енгізу қажет.
Құжаттарды қабылдауды және әлеуметтік көмекті төлеуді қала әкімінің аудандық аппараттары ЕДБ арқылы өтініш берушілердің шоттарына жүргізеді.
Жобаны қаржыландыру Алматы қаласы бюджетінің қаражаты шеңберінде жүзеге асырылады және ол қабылданған жағдайда 2023 жылдың соңына дейін қосымша қаражат талап етілмейді.
Жоба мемлекет тарапынан қосымша әлеуметтік қолдау шараларымен қамтамасыз етуге мүмкіндік береді.