Тұрғын үй бағдарламалары

2026–2029 жылдарға арналған тұрғын үй-коммуналдық инфрақұрылымды дамыту тұжырымдамасы аясында бастапқы жарнасы кемінде 10% болған жағдайда, соңғы 6 айда еңбек және (немесе) кәсіпкерлік қызметтен табысы бар барлық кезектегілерге жылдық мөлшерлемесі 2%-дан («2-10-20») және 5%-ға («5-10-20») дейін болатын алдын ала немесе аралық тұрғын үй несиелерін беру қарастырылған.
Аталған бағыттың операторы – «Отбасы банк» АҚ.

Алматы қаласының 35 жасқа дейінгі жастарын тұрғын үймен қамтамасыз ету мақсатында қала әкімдігі 2017 жылдан бастап бюджеттік ұйымдардың неғұрлым танымал мамандықтары арасында жеңілдетілген тұрғын үй қарыздарын беру бойынша қала жастарына қолдау көрсетіп келеді.