Сыбайлас жемқорлыққа қарсы іс – қимыл агенттігі департаментінің өкілдерімен 2022-2026 жылдарға арналған сыбайлас жемқорлыққа қарсы саясат Тұжырымдамасын талқылау бойынша кездесу
Ағымдағы жылдың 13 сәуірінде Алматы қаласы Қалалық мобилділік басқармасының алаңында Сыбайлас жемқорлыққа қарсы іс–қимыл Агенттігінің Алматы қаласы бойынша Департамент өкілдерімен 2022-2026 жылдарға арналған сыбайлас жемқорлыққа қарсы саясат тұжырымдамасын талқылау бойынша кездесу өткізілді.
Кеңес барысында сыбайлас жемқорлыққа қарсы іс-қимылға бағытталған алдын алу іс-шараларын іске асыру және тиімділігін арттыру мәселелері талқыланды және 2022-2026 жылдарға арналған сыбайлас жемқорлыққа қарсы саясат тұжырымдамасы негізгі ережелері таныстырылды.
Басқарма қызметкерлеріне Қазақстан Республикасы Сыбайлас жемқорлыққа қарсы іс-қимыл Агенттігінің Сыбайлас жемқорлыққа қарсы жүргізіп жатқан жұмысы туралы бейнеролик көрсетілді.
Сондай-ақ, басқарма қызметкерлеріне сыбайлас жемқорлық фактілері туралы хабарлаған немесе сыбайлас жемқорлыққа қарсы іс-қимылда өзге де жолмен жәрдемдескен адамдарды көтермелеу қағидалары түсіндірілді.
