9 айда Алматының негізгі капиталына 750 млрд теңгеден астам инвестиция бағытталды

2021 жылдың тоғыз айының қорытындысы бойынша Алматы қаласының негізгі капиталына 752,8 млрд.теңге инвестиция бағытталды, бұл 2020 жылдың ұқсас кезеңімен салыстырғанда 24%-ға жоғары (608,2 млрд теңге). Атап айтқанда, сыртқы инвестициялар көлемі 115,2 млрд теңгені құрады немесе бір жыл бұрынғыға қарағанда 22%-ға жоғары (94,7 млрд теңге).

Салалар бөлінісінде инвестициялардың ең көп үлесі жылжымайтын мүлікпен жасалатын операцияларға 46,7% (351,9 млрд теңге), көлік және қоймалауға 12% (90,7 млрд теңге), өнеркәсіпке 10% (75,4 млрд теңге), басқа салаларға 41,3% (310,5 млрд теңге) тиесілі.

Қаржыландыру көздері бойынша: бюджет қаражаты – 61,4 млрд теңге немесе 16,3%; өз қаражаты – 500,2 млрд теңге немесе 66,4%; банк кредиттері – 38,1 млрд теңге немесе 5,1%; басқа қарыз қаражаты – 91,7 млрд теңге немесе 12,2%, оның ішінде резидент еместер 2,2 млрд теңге құрады.