Жөндеу жұмыстары уақытша тоқтап тұрған нысандарға жұмыс сапарымен бардық.

Қала мәслихатының депутаттарымен бірлесіп Алмалы ауданындағы бірқатар ұзақ уақыт салынатын құрылыс нысандарының ағымдағы жай-күйімен таныстық.

Қала бойынша 1988 жылдан бастап әр уақытта

«жөндеу жұмыстары уақытша тоқтатылған» 17 құрылыс нысаны бар.

Құрылыс нормаларына сәйкес, объектіні салу жөніндегі жұмыстар тоқтатылған немесе 6 айдан астам мерзімге тоқтатылған кезде объектіні консервациялау орындалады. Яғни, құрылыс үшін пайдаланылған объект пен аумақ,  негізгі құрылымдардың беріктігін, тұрақтылығын және сақталуын қамтамасыз ететін күйге келтірілуі керек. Нысан халық пен қоршаған орта үшін қауіпсіз болуы керек.

Бұл жұмыстарды консервациялаудың бүкіл кезеңі ішінде құрылыс салушы (Тапсырыс беруші) немесе ол уәкілеттік берген ұйым қамтамасыз етеді. Бұл ретте алаңның қоршауын ақаусыз күйде ұстау керек, алаңға өтетін жолдар мен өтпелер жабық болуы тиіс.

Бүгінгі таңда 18-ден 14 нысан бойынша техникалық тексеруге және ұсынымдарды орындауға нұсқамалар берілді, 1 нысанда тексеру жұмыстары басталады, 2 нысанды бұзу туралы сот шешімі бар, 1 нысан қала балансына көшті.

Айта кету керек, жақын арада нысанның заңсыз мәртебесіне байланысты, ұзақ уақыт салынатын құрылыс нысандарының бірі – Достық даңғылы 170/1 үй бойындағы ғимаратты бұзу жұмыстары басталды.