Алматының қоғамдық кеңесінде қаланы дамытудың басымдықтары мен перспективалары талқыланды

Алматының қоғамдық кеңесінде қаланы дамытудың басымдықтары мен перспективалары талқыланды. Кездесуге қала әкімі Ерболат Досаев, қоғамдық кеңес мүшелері, депутаттар мен сарапшылар қатысты.
Даму жобасын қала билігі 40 сарапшымен бірлесіп әзірледі, оған урбанистер, сәулетшілер, құрылысшылар және басқалар кірді, 1 шілдеге дейін құжат жалпы талқылауда болды. Қала тұрғындары оған қосымша ретінде 1280-ге жуық ұсыныстар мен түсініктемелер жіберді.
«Осы ұсыныстар мен Сіздердің идеяларыңыздың барлығын тиімді іске асыру Жаңа Қазақстанды дамытудың кепілі болып табылады, онда басты мақсаттар біздің азаматтарымыздың өмір сүру сапасын және олардың әл – ауқатының деңгейін арттыру», - деп атап өтті кездесуде Ерболат Досаев.
Қаланы дамыту жоспары 5 қыркүйекке дейін бекітіледі.
Алматының 2025 жылға дейінгі даму жоспарының негізгі басымдықтары мен 2030 жылға дейінгі орта мерзімді перспективалар жобасы танысу үшін Алматы Даму орталығының сайтында қолжетімді.