Қала әкімі Ерболат Досаев қаланы жайлы және ыңғайлы етуге шақырады

«Алматы қаласының 2025 жылға дейінгі даму жоспарының және оның орта мерзімді перспективаларының негізгі басымдықтары» құжатының жобасы талқылауға дайын. Жобаның мақсаты жайлы, инклюзивті және қауіпсіз қалалық орта құру болып табылады.

«Бұл – Алматыны жақсы білетін және жақсы көретін, оның өзгеруін, одан әрі дамуын және сапалы өсуін қалайтын 40 - тан астам тәуелсіз сарапшылар жұмыс жасаған біздің ұсыныстарымыз», — делінген қала әкімінің Алматы тұрғындарына үндеуіне.

Өз пікіріңізбен бөлісіңіз және 1 шілдеге дейін кері байланыс қалдыра аласыз, сілтеме осында.