Наурызбай ауданында жаяу жүргіншілер аллеясы, балалар және спорт алаңдары салынады

«Халықтың бюджетке қатысуы» бағдарламасының аясында тұрғындар өз аудандарын қалай абаттандыру туралы шешім қабылдады. Аумақ көгалдандырылады, орындықтар, спорттық құрылғылар қойылады, жарықтандыру желілері тартылады.

Ауданда барлығы осындай 47 жобаны жүзеге асыру жоспарлануда. Қала әкімі Ерболат Досаевтың ұсынысы бойынша Наурызбай ауданының бюджеті биыл 500 млн теңгеге ұлғайтылып, 1,3 млрд теңгені құрады.

«Халықтың бюджетке қатысуы» бағдарламасының мақсаты – Алматыны дамыту және абаттандыру үшін қала тұрғындарының бастамалары мен ұсыныстарын пайдалану.