Бекітілген желілік кестеге сәйкес, 2026 жылдың жартыжылдығында аудан әкімі Түрксіб ауданы тұрғындарымен 2 есептік кездесу өткізді.
2026 жылғы 20 ақпанда Алматы телекоммуникация және машина жасау колледжінде аудан әкімінің тұрғындармен бірінші кездесуі өтті. Кездесуге 175 адам қатысты, олардың 18-і сөз сөйледі. Тұрғындар тарапынан 50 мәселе көтерілді, оның ішінде 39 мәселе (78%) шешімін тапты, 11 мәселе (22%) бойынша түсіндірме берілді.
2026 жылғы 5 мамырда Сүйінбай даңғылы, 505 мекенжайында орналасқан №32 жалпы білім беретін мектепте аудан әкімінің тұрғындармен екінші кездесуі өтті. Кездесуге 200 адам қатысып, 10 тұрғын сөз сөйледі. Кездесу барысында 39 мәселе көтерілді, оның ішінде 30 мәселе (77%) шешімін тапты, 4 мәселе (11%) бойынша түсіндірме берілді, 5 мәселе (12%) орындалу сатысында.
Тұрғындармен өткен кездесулерде ең көп көтерілген мәселелер коммуналдық шаруашылық пен абаттандыру саласына қатысты болып, олардың үлесі жалпы көтерілген мәселелердің 34%-ын құрады.
28%-ын қоғамдық көлік, сауда нысандары, қаңғыбас жануарларды аулау және жол белгілерін орнату мәселелері құрады.
Жалпы мәселелердің 24%-ы жолдар мен тротуарларды жөндеуге қатысты болса, 14%-ы әлеуметтік сипаттағы мәселелер болды.
Өткізілген барлық кездесулердің қорытындысы бойынша іс-шаралар жоспары әзірленді. Кездесулер барысында берілген тапсырмалардың орындалуы Түрксіб ауданы әкімі аппаратының тұрақты бақылауында.
Кездесулерге қала басқармаларының, қоғамдық ұйымдардың, ауданның коммуналдық қызметтерінің және құқық қорғау органдарының өкілдері қатысты.