Сыбайлас жемқорлық тәуекелдеріне ішкі талдау қорытындылары туралы талдамалық анықтама

2023 жылдың 2 жартыжылдығы бойынша «Алматы қаласы Наурызбай ауданы әкімінің аппараты» КММ қызметіне жүргізілген сыбайлас жемқорлық тәуекелдеріне ішкі талдау қорытындылары туралы талдамалық анықтама

«Алматы қаласы Наурызбай ауданы әкімінің аппараты» КММ (әрі қарай – әкім аппараты) қызметіне сыбайлас жемқорлық тәуекелдеріне ішкі талдауы (әрі қарай – СЖТІТ) Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 19 қазандағы № 12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік Қағидаларына сәйкес жүргізілді.

СЖТІТ аудан әкімінің 2023 жылғы 27 қарашадағы № 225 н/қ өкімі негізінде мемлекеттік-құқықтық бөлімінің басшысымен жүргізіліп, СЖТІТ жүргізілуіне басшылық, үйлестіру және жауапкершілік әкім аппараты басшысына жүктелді.

СЖТІТ келесі бағыттар бойынша жүргізілді:

1) талдау объектісінің қызметін қозғайтын нормативтік құқықтық актілерде сыбайлас жемқорлық тәуекелдерін анықтау;

2) талдау объектісінің ұйымдастырушылық-басқарушылық қызметінде сыбайлас жемқорлық тәуекелдерін анықтау.

СЖТІТ 2023 жылғы 4 - 8 желтоқсан аралығында жүргізіліп, талданатын кезең 2023 жылғы 2 жарты жылдық белгіленген.

СЖТІТ жүргізу барсысында қаралған құжаттар

  1. Аудан әкімінің аппараттық және көшпелі жиындарының хаттамалары.
  2. Аудан әкімімен тұрғындарды және заңды тұлғалардың өкілдерін қабылдау туралы хаттамалар.
  3. Аудан әкімінің шешімдері мен өкімдері.
  4. Бөлімдердің ережелерімен қызметшілердің лауазымдық нұсқаулықтары.

Жүргізілген СЖТІТ нәтижелері бойынша келесі тәуекелдер анықталды

  1. Аудан әкімі мен әкім аппараты қызметкерлерімен азаматтарды және заңды тұлғалардың өкілдерін қабылдау тәртібін реттейтін мемлекеттік органның құқықтық актісі жоқ, қабылдаулар әкім аппаратының қызметкерлерімен ретсіз түрде жүргізіледі, мемлекеттік органның басшысымен келісілмей, қабылдаулардың нәтижелері туралы мемлекеттік органның басшысын хабардар етуге міндеті жүктелген құрылымдық бөлімше жоқ, сыбайлас жемқорлық тәуекел болып табылады.

Азаматтарды және заңды тұлғалардың өкілдерін қабылдауды өткізу кезінде әкім аппараты қызметкерлерінің өзара іс-қимылын қамтамасыз ететін және қабылдау тәртібін реттейтін мемлекеттік органның құқықтық актісін қабылдау қажет.

  1. Мемлекеттік-құқықтық бөлімі туралы ережеде, сондай-ақ оның қызметкерлерінің лауазымдық нұсқаулықтарында «Алқабилер туралы» Қазақстан Республикасының Заңына сәйкес алқабиге кандидаттардың бастапқы, резервтік және қосымша тізімдерін дайындау және жасау функциясы бекітілген. Алайда бұл функция жоғарыда аталған заңға енгізілген өзгерістерге сәйкес әкім аппаратының құзыретінен алынып тасталды, мемлекеттік-құқықтық бөлімнің ережесінде, сондай-ақ оның қызметкерлерінің лауазымдық нұсқаулықтарында бұл функцияның болуы сыбайлас жемқорлық тәуекелі болып табылады және қызметкерлердің өкілеттіктерін теріс пайдалануына әкелуі мүмкін.

Жаңа құқықтық актілерді бекіту арқылы мемлекеттік-құқықтық бөлімі туралы ережеден, сондай-ақ оның қызметкерлерінің лауазымдық нұсқаулықтарынан бұл функцияны алып тастау қажет.

  1. Аудан әкімінің орынбасары Орынбеков А.У. мердігерлер дайындаған орындалған жұмыстардың актілерін тұрақты негізде бекітеді, алайда бұл функцияны аудан әкімі тиісті өкім шығару арқылы жүктелуі тиіс; тиісті құқықтық актінің болмауы сыбайлас жемқорлық қаупін тудырады, себебі әкімнің орынбасарына бұл өкілеттік берілмеді.

Атқарылған жұмыстардың актілерін бекіту өкілеттігін аудан әкімінің орынбасарына беру туралы аудан әкімінің тиісті өкімін шығару қажет.

 

 

 

 

 

 

 

 

 

 

 

 

 

 

 

 

 

 

 

 

 

 

Дата публикации
22 декабря 2023