Мемлекеттік құқық бөлімінің 2022 жылдың 5 айлық есебі
2022 жылдың 5 айында Алматы қаласы әкімдігінің жанындағы Наурызбай ауданы бойынша кәмелетке толмағандардың ісі және олардың құқықтарын қорғау жөніндегі ведомствоаралық комиссияның 3 отырысы өткізілді.
Алматы қаласы Наурызбай ауданы бойынша мемлекеттік органдардың нашақорлыққа және есірткі бизнесіне қарсы іс-қимылға бағытталған қызметін үйлестіру жөніндегі ведомствоаралық штабының 6 отырысы өткізілді.
Мемлекеттік-құқықтық бөлімінің қызметкерлері Наурызбай аудандық полиция басқармасымен бірлесіп "жүк автомобильдерінің қозғалысына тыйым салынады", "тоқтауға тыйым салынады" жол белгілерін ескермейтін автокөлік жүргізушілерін анықтау мақсатында аудан бойынша рейдтер жүргізуден жыл басынан бері 30-дан астам автокөлік жүргізушісі әкімшілік жауапкершілікке тартылды.
Аудан тұрғындарының қауіпсіздігі мен қылмыс деңгейін төмендету үшін бейнебақылау камераларын орнату қажет орындардың тізімі жасалып, Алматы қаласы ПД жіберілді.
Алматы қаласының атқарушы, құқық қорғау және арнайы органдарының деструктивті діни ағымдарға бейім тұлғаларды анықтау бойынша өзара іс-қимыл меморандумын іске асыру барысында Наурызбай ауданында 2022 жылдың басынан бері 26 адам анықталды.
Наурызбай ауданында өз бетінше иеленіп алынған жер учаскелерін анықтау жөніндегі жұмыс тобы 10 жер учаскесін тексерді, қазіргі уақытта Алматы қаласы Жер қатынастары басқармасына жіберу үшін материалдар дайындалу үстнде.
Бөлім ұдайы аудан Әкімі аппаратының белгіленген тәртіпке сәйкес сотта, сонымен қатар басқа да мемлекеттік органдарда аудан Әкімі аппаратының құқықтық мәселесіне қатысты сұрақтары бойынша мүддесін қорғайды.
Наурызбай ауданы әкіміне күнделікті тіркелген құқық бұзушылықтар саны және оларды ашу бойынша жиынтық ақпарат беріліп отырады.