Мемлекет Басшысы Қ.К. Тоқаевтың төрағалығымен 2021 жылы 21 қазанда өткен Қазақстан халқы Ассамблеясы Кеңесі отырысы хаттамасының 2.3.2-тармағына сәйкес Қазақстан Республикасының Мәдениет және спорт министрлігіне (бұдан әрі – Министрлік) Ақпарат және қоғамдық даму, Білім және ғылым министрліктерімен бірлесіп, білім беру ұйымдарында, балалар мен жастар аудиториясына бағдарланған баспа өнімдерінде орналастыру мақсатында патриотизмге, бірлік пен келісімге үндейтін ұлттық образдардың үздік көрнекі графикалық бейнелерін анықтау бойынша конкурс ұйымдастыру тапсырылды.
Министрлік Мәдениет комитеті төрағасының 2022 жылғы 16 қыркүйектегі №56 бұйрығымен бекітілген «Ұлттың ұлы ұстындары» республикалық шығармашылық конкурсын (бұдан әрі – Байқау) жариялады.
Осыған орай, байқаудың ережелері мен қағидаларын және байқауға қатысты толық ақпаратты қосымшаға сәйкес жолдаймыз.