Қосымша білім

Орта білім беру саласындағы мемлекеттік саясатты және білім беруді дамыту бағдарламасын іске асыру, қосымша білім беру саласындағы мемлекеттік көрсетілетін қызметтер стандарттарының талаптарын орындауды қамтамасыз ету, қоғамда сыбайлас жемқорлыққа қарсы мәдениетті қалыптастыру және «Жеке және заңды тұлғалардың өтініштерін қарау тәртібі туралы «Қазақстан Республикасы Заңының сақталуын қамтамасыз ету.

Қазақстан Республикасының Конституциясын, Қазақстан Республикасының  2007 жылғы 27 шілдедегі «Білім туралы» Заңын, Қазақстан Республикасының 2002 жылғы 8 тамыздағы «Қазақстан Республикасындағы Бала құқықтары туралы» Заңын, Қазақстан Республикасының 2011 жылғы 11 қазандағы «Діни қызмет және діни бірлестіктер туралы» Заңын, Қазақстан Республикасының 2004 жылғы 9 шілдедегі «Кәмелетке толмағандар арасындағы құқық бұзушылықтың алдын алу және балалардың қадағалаусыз және панасыз қалуының алдын алу туралы» Заңын басшылыққа алады.

Бөлімнің негізгі міндеттері:

• тәрбие жұмысының озық тәжірибесін жинақтау және тарату;
• жеке тұлғаның шығармашылық, рухани және физикалық мүмкіндіктерін, адамгершілік пен салауатты өмір салтының негіздерін дамыту, балалардың даралығын дамытуға жағдай жасау арқылы интеллектті дамыту;
• балаларға қатысты зорлық-зомбылық пен қатыгездіктің, балалар еңбегінің ең нашар түрлерінің алдын алу, өмірлік қиын жағдайға тап болған балаларға көмек көрсету, балалардың өмір сүру сапасын жақсарту үшін жағдай жасауға жәрдемдесу;
• балалардың музыка, өнер мектептерінде, оқушылар үйлерінде қосымша білім алуын қамтамасыз ету;
• шығармашылық конкурстарды, акцияларды, фестивальдерді және тәрбиелік маңызы бар басқа да іс-шараларды ұйымдастыру және өткізуді қамтамасыз ету;
• оқу-тәрбие процесін ұйымдастыру мәселелері бойынша ата-аналармен жұмысты ұйымдастыру, оның ішінде қамқоршылық кеңестердің жұмысы арқылы өзара іс-қимылды қамтамасыз ету;
• білім беру ұйымдарында психологиялық-педагогикалық қолдау қызметінің жұмысын ұйымдастыру;
• кәмелетке толмағандар арасында және оларға қатысты құқық бұзушылықтардың алдын алу жөніндегі жұмысты ұйымдастыру;
• балалардың панасыздығы мен қараусыздығының алдын алу;
• білім беру ұйымдарында үйірмелер мен спорт секцияларының, клубтардың жұмысын ұйымдастыру.