GOV.KZ – Мемлекеттік органдардың цифрлық ресурстарының бірыңғай платформасы
«Таза Қазақстан» республикалық экологиялық бағдарламасы аясында Алматыда көгалдандыру және қоршаған ортаның сапасын жақсарту бағытындағы жүйелі жұмыстар жалғасып жатыр. Бұл туралы қалалық Экология және қоршаған орта басқармасының өкілдері айтты.
2026 жылы шамамен 550 мың жасыл желек егу жоспарланған. Оның ішінде биіктігі 5-6 метрден асатын 7,2 мыңнан астам ірі ағаш, 500 мыңнан астам бұта және кесілген 40 мыңға жуық ағаштың орнына биіктігі 2-2,5 метр болатын көшеттер отырғызылады.
Көктемгі кезеңде 19 мыңға жуық жасыл желек егу көзделіп отыр. Оны шамамен 3,7 мың ірі көлемді ағаш және кесілген 15 мың ағаштың орнына егілетін тал бар.
Қазіргі уақытта 6 мыңнан астам жасыл желек егілді, оның ішінде 2,6 мың ірі ағаш және 4 мыңға жуық көшет отырғызылған.
Сонымен қатар, «Таза Қазақстан» бағдарламасы аясында Садықов көшесінің бойына биіктігі 5-6 метр болатын 80 ірі көлемді ағаш егу жоспарланып отыр.
«Көгалдандыру жұмыстары климаттық ерекшелік пен қалалық ортаны дамыту басымдықтарын ескере отырып, кезең-кезеңімен жүргізіледі. Негізгі назар өсімдіктердің жерсіну деңгейін арттыруға, төзімді түрлерді таңдауға және тұрғындар үшін жайлы жасыл кеңістік қалыптастыруға бағытталған», — деді Алматы қаласы Экология және қоршаған орта басқармасы басшысының орынбасары Мадияр Көжекеев.
Алматыда Мемлекет басшысының 2,5 млн ағаш егу жөніндегі тапсырмасын іске асыру жалғасып келеді. Бұл туралы Алматы қаласының әкімі Дархан Сатыбалды Қазақстан Республикасы Президенті жанындағы Орталық коммуникациялар қызметінде өткен брифинг барысында журналист сұрағына жауап бере отырып мәлімдеді.
Әкімнің айтуынша, көгалдандыру бағдарламасы 2030 жылға дейін есептелген және бүгінгі таңда жоспарланған көлемнің жартысы орындалған. Келесі кезең аясында қалада қосымша шамамен 1,3 млн ағаш пен бұта егу көзделіп отыр.
Алматы әкімі қалада көгалдандыруға қатысты тәсілдер қайта қаралып жатқанын атап өтті. Атап айтқанда, сандық көрсеткіштерге ғана емес, егілетін материалдың сапасына да басымдық беріліп отыр.
«Біз егу технологиясын өзгертеміз және ірі көлемді ағаштарды қолдануға көшеміз. Сарапшылармен бірлесіп, қалалық экология мен жоғары көлік жүктемесі жағдайында жақсы бейімделетін ағаш түрлері іріктеліп жатыр. Алдағы уақытта санға емес, жасыл желектің сапасы мен төзімділігіне басымдық беріледі», – деді қала басшысы.
Алматы үшін экологиялық күн тәртібі басым бағыт саналады және ол тұрғындардың тұрмыс сапасын арттыру мен орнықты мегаполис қалыптастырудың негізгі шарты ретінде қарастырылады. Бұл туралы Орталық коммуникациялар қызметінің алаңында өткен брифинг барысында Алматы қаласының әкімі Дархан Сатыбалды мәлімдеді.
Әкімнің айтуынша, 2026 жылдың соңына дейін 2-ЖЭО-ні табиғи газға көшіру жұмыстары аяқталады. Келесі кезеңде бу-газ технологиясын енгізе отырып, 3-ЖЭО-ті қайта жаңғырту жоспарланған. Бұл жылу көздерінен шығатын зиянды заттар көлемін 92%-ға дейін азайтуға мүмкіндік береді.
2027 жылға қарай жеке тұрғын үйлер 100% табиғи газбен қамтылады. Ал 2028 жылға қарай қалалық бағыттарда экологиялық таза қоғамдық көлікке толық көшу жоспарланған. Бұл ауа сапасын жақсартып, қаланың тұрақты дамуына жол ашатын маңызды қадам болмақ.
«Біз қалдықтарды басқару жүйесін жетілдіріп, полигондарда көму тәжірибесінен терең өңдеу мен энергия өндіру арқылы кәдеге жаратуға көшеміз. Алматыда қалдықтарды басқару саласы көму тәсілінен терең өңдеу және энергетикалық кәдеге жаратуға кезең-кезеңімен ауысып жатыр. Жылына 80 мың тоннаға дейін пластик өңдейтін және жылына 150 мың тонна макулатураны өңдейтін зауыттар салу жоспарланған. Қайта өңдеуге жарамсыз қалдықтар энергия өндіру үшін жағылады. Ол үшін тәулігіне 2 мың тонна қалдықты өртейтін қоқыс жағу зауытын салу көзделіп отыр. Аталған шараларды іске асыру 2030 жылға қарай коммуналдық қалдықтарды өңдеу және кәдеге жарату үлесін 37% пайызға дейін арттыруға мүмкіндік береді», – деп мәлімдеді Дархан Сатыбалды
Алматы қаласында «Таза Қазақстан» республикалық акциясы аясында ерекше экологиялық-шығармашылық бастама – «Эко-шырша Алматы» атты ашық байқау жарияланды. Жоба Алматы қаласы әкімдігінің қолдауымен іске асырылып отыр. Бұл байқау қалалық ортада экологиялық сананы көтеруді, шығармашылық әлеуетті арттыруды және жаңа жылдық мерекелерді жауапкершілікпен атап өтуге бағытталған жаңа мәдени дәстүр қалыптастыруды көздейді.
Байқау экодизайн бағытындағы шығармашылықты қолдап, мегаполистің экологиялық мәдениетін арттыруды және тұрмыстық қалдықтарды қайта қолдану идеясын кеңінен насихаттауды мақсат етеді. Бұл бастаманың түпкі мәні – тұтынушылық мәдениетін қайта қарастырып, тұрмыстық қалдықтарға жаңа өмір сыйлау арқылы қоғамдағы экологиялық ойлауды дамыту. Осы мақсатта қатысушыларға қайта өңделетін материалдар мен тұрмыстық қалдықтарды пайдалана отырып, Алматының рухын, динамикасын және заманауи келбетін бейнелейтін ерекше арт-шырша жасау ұсынылады.
Ұйымдастырушылардың айтуынша, қала әкімдігінің жобалық кеңсесінің қолдауымен жүзеге асырылып жатқан бұл жаңа бастама Алматыда экологиялық тұрғыдан таза әрі шығармашылыққа негізделген жаңа жылдық мерекелік дәстүр қалыптастыруға бағытталған. Аталған бастама суретшілерді, дизайнерлерді және қаланың болашағына бейжай қарамайтын барлық қала тұрғындарын біріктіруді көздейді. Олардың пікірінше, ұсынылатын эко-шыршалар – жай ғана өнер туындысы емес, заманауи тұрақты қаланың қандай болуы керектігін айқындайтын маңызды манифест.
Байқауға шығармашылық пен экобелсенділікке бейім барлық азаматтар қатыса алады. Атап айтқанда, суретшілер, дизайнерлер, сәулетшілер, қолөнершілер, шығармашылық топтар, экологиялық қауымдастықтар.
Әрбір қатысушы биіктігі 2-2,5 метр аралығындағы, тек тұрмыстық қалдықтар, қайта өңделетін материалдар, екінші реттік шикізат қолданылған арт-шырша жобасын дайындауы тиіс. Материалды таңдауда еркіндік берілгенімен, экологиялық қауіпсіздік және қайта пайдалануға жарамдылық басты критерийлер болып есептеледі.
Қатысушыларды ынталандыру мақсатында байқау аясында қаржылай қолдау қарастырылған:
● Алғашқы іріктеуден өткен 15 финалистке өз жобасын жүзеге асыру үшін 100 000 теңге көлемінде грант беріледі;
● Финалдық кезеңде үздік деп танылған авторлар
✔ I орын – 400 000 теңге
✔ II орын – 300 000 теңге
✔ III орын – 200 000 теңге көлемінде ақшалай сыйлықтарға ие болады.
Сонымен қатар, 6 авторға әрқайсысына 100 000 теңге көлемінде арнайы ынталандыру сыйлығы болады.
Бұл сыйлықтар жас таланттарды қолдауға, экодизайн саласында жаңа идеялардың пайда болуына және шығармашылық бәсекелестікті арттыруға бағытталған.
Байқау қорытындысы бойынша ең үздік эко-шыршалар қалалық фестивальдің арт-аллеясында көпшілік назарына ұсынылады. Фестиваль кезінде қала тұрғындары мен қонақтары ерекше өнер туындыларымен танысып қана қоймай, экологиялық мәдениетке қатысты пайдалы ақпарат алып, тұрақты даму идеяларына жақындай түседі.
Шығармаларды бағалаумен арнайы шығармашылық индустрия өкілдерінен, экодизайн саласының мамандарынан, экологтардан, серіктес ұйымдардың өкілдерінен және танымал дизайнерлерден құрылған кәсіби қазылар алқасы айналысады.
Олар жұмыстарды композиция, идеяның жаңашылдығы, қолданылған материалдардың экологиялық сипаты, көркемдік шешімі және қалалық кеңістікке сәйкестігі бойынша бағалайды.
Бұл бастама қаланың шығармашылық әлеуетін ашуға, жас таланттарды қолдауға, сондай-ақ Алматыны Қазақстандағы жасыл инновациялар орталығына айналдыруға бағытталған қадамдардың бірі.
Байқауға өтінімдер 18 желтоқсанға дейін қабылданады. Толық ақпарат пен байқауға қатысу ережелерімен төменде көрсетілген сілтеме арқылы танысуға болады.
https://docs.google.com/document/d/1jeMoWCcg3PBdnnzLdPSH5jRQbu_88czB/edit?usp=drivesdk&ouid=110611780211072053156&rtpof=true&sd=true
Байланыс нөмірі: 87751021313 – А. Жантурина
Алматыда ауа сапасын жақсартуға бағытталған кешенді жұмыс жалғасуда. Қалалық шығарындылардың шамамен 60 пайызы автокөліктерден шығатындықтан, осы бағытқа ерекше көңіл аударылып отыр. Бұл туралы қаланың Экология және қоршаған орта басқармасының өкілдері айтты.
Атмосфералық ауаны қорғау жөніндегі шаралар жоспары аясында экологиялық қызмет мамандары полиция департаментімен бірлесіп жолда рейдтер жүргізуде. «Eco Almaty» ЖШС-нің жылжымалы зертханалары көлік құралдарының шығарындылар деңгейін оқиға орнында өлшейді.
Айта кетейік, 2025 жылы Eco Almaty және «Ренессанс плюс» компаниясының қызметкерлері 186 мыңнан астам өлшем жүргізіп, 20 мыңға жуық хаттама жасады. Салынған айыппұлдардың жалпы сомасы 653 млн теңгеден асты.
Жоспар аясында қатты отынды қолданатын қоғамдық тамақтану орындары – кәуапханалар мен моншаларды анықтау бойынша жұмыстар да қолға алынған. Бұл бағыттағы жұмыстар жалғасып жатыр.
Еске сала кетейік, Алматыда «Алматы қаласының аумағында атмосфералық ауаны қорғау саласындағы арнайы экологиялық талаптарды енгізу туралы» жаңа ережелер жобасы әзірленген. Құжат қазір келісу рәсімінен өтіп жатыр. Ереже халық пен бизнеске қолдау шараларын енгізуге, экологиялық технологияға көшуге және автопаркті жаңартуға құқықтық негіз қалыптастырады.
Ережелер қабылданғаннан кейінгі нәтиже жан-жақты болмақ. Негізгі ластаушы ретінде автопарк басты экологиялық бақылауға алынады. Бұрын реттеуге шамалы тартылған III санаттағы кәсіпорындар да жаңа талаптарға бағынады: олар экологиялық нормаларды сақтауға және тексеруден өтуге міндетті. Сонымен қатар ауа сапасын жедел бақылауға мүмкіндік беретін бірыңғай мониторинг жүйесі құрылып, тұрғындарға ашық деректер ұсынылады. Қалада LEZ аймақтар пайда болады. Бұл көлік қозғалысына экологиялық талаптар енгізілетін аумақтар, олардың мақсаты – ауа ластануын азайту және қалалық ортаны жақсарту.
Эколог күніне орай Алматы қаласында қайта өңделген пластиктен жасалған алғашқы ақпараттық тақтайша орнатылды. Бұл бастама экология мен тұрақты даму мәселелеріне қоғам назарын аударуға бағытталған.
Тақтайшада ағаш туралы мәліметтер, яғни оның түрі, жасы және ерекшеліктері көрсетілген. Әзірге мұндай тақтайша Мақатаев көшесі мен Назарбаев даңғылының қиылысында орналасқан 1888 жылы отырғызылған емен ағашының жанында орнатылды. Болашақта әлемнің жетекші мегаполистерінің тәжірибесіне сүйене отырып, қаладағы көпжылдық ағаштардың басым бөлігі осындай тақтайшамен жабдықталмақ.
Бұл қадам қала тұрғындарының экологиялық санасын қалыптастыруға бағытталған ауқымды бағдарламаның бір бөлігі. Республикалық «Таза Қазақстан» бастамасы мен «Алматы – біздің ортақ үйіміз» қалалық бағдарламасы аясында шаһарда қоқысты сұрыптап жинау жүйесін енгізу және саналы тұтыну мәдениетін дамыту бойынша тұрақты түрде экологиялық іс-шаралар мен акциялар өткізіліп келеді.
Алматы қаласы әкімдігі жанындағы жобалық кеңсенің қолдауымен ашылған алғашқы Экохаб базасында (Марков көшесі, 44) жиналған пластик қақпақтардан салпыншақтар, тіреуіштер, тақтайшалар, шахмат тақталары мен фигуралар, сондай-ақ, көше жиһаздарының элементтері сынды пайдалы әрі сәндік бұйымдар жасалып отыр.
Алматыда гүлді көгалдандыруда көпжылдық өсімдіктердің үлесі артты
Қызғалдақтан лавандаға дейін: Алматы көпжылдықтар палитрасын кеңейтеді
2025 жылы Алматыда 120 мың шаршы метрден астам аумақта қалалық аумақты көгалдандыру жоспарлануда, оның 64% - ын көпжылдық өсімдіктер алады-бұл алдыңғы маусымдарға қарағанда бір жарым есе көп. Көпжылдықтардың үлесі өсуде, бұл қалалық көгалдандырудың неғұрлым тұрақты және экологиялық ұтымды моделіне көшуді көрсетеді.
2024 жылдың күзгі маусымында қосымша 15000 шаршы метр баданалы дақылдар отырғызылды, олар қазіргі уақытта қала тұрғындарын гүлденуімен қуантуда. Қолайлы ауа-райы жағдайында қызғалдақтар мамыр айының ортасына дейін гүлдейді.
Раушан, эхинацея, лилейник, лаванда, шалфей, мискантус және гортензия сияқты көпжылдық өсімдіктер қалалық жағдайларға өте төзімді, күтімі аз және ұзақ гүлденуді қамтамасыз етеді, бұл отырғызу материалын жыл сайын ауыстыру қажеттілігін азайтады. Оларды отырғызу 15 сәуірден 15 мамырға дейін жүзеге асырылады.
Қаланы көгалдандыру симметрияны, айқын пішіндер мен композицияларды қамтитын бекітілген тұжырымдама бойынша жүргізіледі. 2025 жылы бағдарлама аясында 6 000-нан астам тік көгалдандыру элементтерін, соның ішінде жарықтандыру тіректері мен жол айрықтарына орнату жоспарланған.
Жоба Алматының барлық аудандарында іске асырылуда, жұмыстарға 300-ден астам маман мен 70 бірлік техника, соның ішінде суару жуғыш машиналар мен шағын механикаландыру техникасы жұмылдырылды.
Көпжылдық өсімдіктерге көшу жыл сайынғы отырғызу материалын ауыстыру шығындарын азайтып қана қоймайды, сонымен қатар жасыл кеңістіктердің сыртқы факторларға - ауаның ластануына, температураның өзгеруіне және ылғалдың жетіспеушілігіне төзімділігін арттырады. Бұл жайлы және тұрақты қалалық ортаны құру жолындағы маңызды қадам.
Алматыда Ұлы Отан соғысындағы Жеңістің 80 жылдығына орайластырылған ауқымды жалпықалалық экоакция өтті. Іс – шара «Таза Қазақстан» және «Алматы-біздің ортақ үйіміз» бағдарламалары аясында 50 мыңнан астам қала тұрғындарын, бизнес өкілдерін, мәслихат депутаттарын, спортшыларды, әртістерді біріктірді.
Акцияның негізгі іс-шаралары қаланың сегіз ауданының әрқайсысында өтті. Акцияға 1 мыңнан астам техникамен қамтамасыз етілген коммуналдық қызметтердің 2 мыңнан астам қызметкері қатысты. Алматы әкімдігі қатысушыларға қажетті құрал-жабдықтарды: қолғап, сөмкелер, күректер мен тырмаларды, сондай-ақ көгалдандыру үшін ағаш көшеттерін ұсынды. Барлығы «Жеңіс» фирмалық кепкаларын, футболкаларын және естелік ленталарын алды, бұл іс-шараға ерекше бірлік пен патриотизм атмосферасын берді.
Бұл күні қала бойынша 16 жерде 439 ағаш отырғызылды, мысалы, липа, емен, алма ағашы, қайың, писсарди, каштан, терек, күл және шырша. Бұл жұмыс аясында отырғызудың заманауи әдістері мен технологиялары қолданылады, ағаштарды қолдау үшін қайың діңдерінің тіректері, жапырақты ағаштарға арналған базальды суару жүйелері орнатылады. Бұл тұқымдар кездейсоқ таңдалмайды: олар көшелерді безендіреді, барынша төзімді және күрделі күтімді қажет етпейді, тез тамыр алады.
Қала әкімінің орынбасары Бейбіт Шаханов бұл жыл басынан бергі екінші ауқымды экологиялық акция екенін және оның ерекше маңызы барын атап өтті. «Біз акцияны Ұлы Отан соғысындағы Жеңістің 80 жылдығына орайластырдық. Бұл батырларды еске алу ғана емес, сонымен қатар барлық қала тұрғындарын ортақ іске біріктіру шарасы – Алматыны таза, жасыл және жайлы ету мүмкіндігі» -, деді ол.
Іс-шараларға бизнес өкілдері, мектепоқушылары, колледждер мен университеттердің студенттері, мәслихат депутаттары, спортшылар, әртістер, жалпы алғанда 50 мыңнан астам қала тұрғындары қатысты.
№2 Балалар қалалық клиникалық ауруханасы сияқты медициналық ұйымдардың ұжымдары өз белсенділіктерін көрсетті, онда директор мен қызметкерлер мекеменің бүкіл аумағын тазалап, қоршауларды бояды және көгал шабды, бұл тек аурухана қабырғаларында ғана емес, сонымен қатар іргелес жерлерде де тазалықтың маңыздылығын атап өтті.
Акцияға бизнес өкілдері де қосылды. Мысалы, «Тастақ» базарының кәсіпкерлері өз аумақтарында ғана емес, Прокопьев көшесінен Түркебаев көшесіне дейінгі Төле би көшесі сияқты іргелес көшелерде де тазалау жұмыстарын ұйымдастырды. «Саламат» сауда базары да науқанға белсене араласты. Travellers Coffee тазалық пен тәртіпті сақтай отырып, көктемгі тазалау жұмыстарын жүргізді.
Түрксіб ауданының «Сейпа» ПКСК төрағасы Ольга Коршунова атқарылған жұмыстар туралы былай деді: «Біз әр тұрғын үйлер қызметкерлері мен тұрғындарының бірлескен күш-жігерімен аумақтарды тазалап, жеміс ағаштарын отырғызып, шөп шауып, барлық көршілеріміз үшін жайлы және жасыл кеңістік құрдық.»
Қазақстандық эстрада жұлдыздарының, спортшылар мен блогерлердің қатысуы ерекше назар аударды, олар өз үлгісімен басқаларды шабыттандырып қана қоймай, тазалауға белсенді қатысты.
«Тазалық бізден басталады. Біз, осы қаланың тұрғындарымыз, Алматыға қамқор болуымыз керек. Қонақтар оның таза әрі әдемі қала екенін көрсін», - деді Қазақстан Республикасының Еңбек сіңірген қайраткері Нұрлан Абдуллин.
Асылбек Еңсепов, музыканттың пікірі: «Алматы таза болсын, бүкіл Қазақстан таза болсын! Біз туған жерімізді таза ұстауымыз керек.»
Жанар Айжанова, қазақстандық әнші және актрисаның пікірі: «Бүгінгі күн ерекше-ол Жеңістің 80 жылдығына орайластырылған. Мен бірде-бір қалалық сенбілікті жіберіп алмауға тырысамын, өйткені Алматы-біздің ортақ үйіміз.»
Қазақстандық спортшылар Ислам Сәтбаев, 2024 жылғы Олимпиаданың қола жүлдегері ретінде белсенділік танытты.
«Біз «Таза Қазақстан» экологиялық науқанына қатысамыз. Біз спортшылар ретінде қазақстандықтарды нәтижелермен, жеңістермен қуантып қана қоймай, сүйікті Алматы қаласын жақсартуға тырысамыз. Өйткені, тазалық бізден басталады және бұл науқан қаламыздағы экологиялық жағдайды жақсартуға көмектеседі», - деп өз ойымен бөлісті.
Нариман Құрбанов пен Александра Ле де акцияны қолдап, туған қаласында тазалықты сақтаудың маңыздылығын атап өтті.
Қаланың барлық сегіз ауданында іс-шаралар тақырыптық безендірумен, шағын концерттермен және шеберлік сыныптарымен мерекелік атмосферада өтті. Акцияның патриоттық рухын көрсететін әскери әндер шырқалды. Бірлескен күш-жігердің нәтижесінде полигондарға шығарылған 10 мың текше метрге жуық қоқыс жиналды. Сондай-ақ, бағаналар мен қоршауларды сырлау, арық желісін тазарту, жасыл аймақтарды қалпына келтіру және ағаштар мен бұталарды санитарлық кесу жұмыстары жүргізілді.
Бұл күні Алматының барлық сегіз ауданында Жеңістің 80 жылдығына орай Ұлы Отан соғысы ардагерлерінің аллеялары салтанатты түрде ашылды. 28 панфиловшы-гвардияшылар атындағы саябақта өткен орталық іс-шараға қала әкімі Ерболат Досаев, Ұлы Отан соғысының ардагерлері, олардың туыстары, Қазақстанның еңбек сіңірген әртістері мен қоғам өкілдері қатысты. Салтанатты рәсім барысында биіктігі 6 метр липа ағашы тұқымының 29 атаулы ағашы отырғызылды, бұл бостандық үшін күрескен батырларды еске алуды білдіреді. Қала бойынша ашық аллеяларға барлығы 200 липа отырғызылды, бұл ардагерлердің ерлігін құрметтеудің символына айналды.
Алматылықтар экологиялық бағдарлама аясында бір айда 20 мыңнан астам қажетсіз киім тапсырды.
«Таза Қазақстан» республикалық бағдарламасы және «Алматы – біздің ортақ үйіміз» қалалық науқаны аясында қалалық ортаны жақсартуға және қалдықтарды тұрақты өңдеуге бағытталған кезекті жоба іске қосылды.
Тоқыма қалдықтарын жинау, сұрыптау және қайта өңдеуге бағытталған FABRIKA жобасы бір айдың ішінде алғашқы нәтиже көрсетті. Бүгінгі таңда қалада 18 арнаулы контейнер орнатылды, жақында тағы 22 контейнер орнату жоспарланған. Болашақта жобаның қамту ауқымы Алматының басқа аудандарына да кеңейтіледі.
Іске қосылған сәттен бастап 20 000 килограмнан астам тоқыма жиналды, ол сұрыпталып, қала аумағында қайта өңделеді. Бұл материалдардан өнеркәсіпте қолданылатын қайта өңделген талшық пен сүрту шүберектері жасалады. Сонымен қатар, жиналған киімнің шамамен 13%-ы қайырымдылық ұйымдарына беріледі, себебі олар әлі де пайдалануға жарамды.
Экологиялық бағалаулар бойынша қазірдің өзінде жиналған көлемді қайта өңдеу 74 000 килограмнан астам CO₂ эквивалентінің ауаға таралуын болдырмауға мүмкіндік береді – бұл мөлшердегі көмірқышқыл газын бір жылда 3 730-дан астам ағаш сіңіре алар еді.
Қазақстандағы осындай ауқымдағы алғашқы бастама FABRIQA жобасы Алматы қаласының Экология және қоршаған орта басқармасының қолдауымен жүзеге асырылған. Жоба экологиялық тұрақты шешімдердің тиімді әрі әлеуметтік маңызы бар екенін көрсетіп отыр. Мақсаты – ай сайын 120 000 килограмға дейін тоқыма қалдықтарын жинап, олардың полигонға тасталуын азайту және қала тұрғындарын саналы тұтыну мен қайта өңдеу мәдениетіне тарту.
«Таза Қазақстан» республикалық акциясы аясында қалада кәсіпорындар мен бизнес-субъектілердің ағаш отырғызуын көздейтін «қала үшін ағаш» акциясы өткізілді. Акция «Баум тоғайы» аумағында өткізілді. Акцияға «Медеу» ГРПП КММ инспекторлық құрамы, «Нархоз» Университетінің экология факультетінің студенттері, сондай-ақ бірқатар қалалық кәсіпорындар: «Атакент» СОО, «АДК» СОО, «Алма-ата» СОО қатысты. Бұл іс-шара сирек кездесетін және құрып кету қаупі төнген жеміс ағаштарының көбеюіне және сақталуына ықпал етеді.