Алматы қаласы Діни бірлестіктерінің көшбасшылары клубы мүшелерінің кезекті жиналысы өтті

Ағымдағы жылғы 12 қараша күні ҚР Білім және ғылым министрлігі Ғылым комитеті Философия, саясаттану және дінтану институтында Алматы қаласы Діни бірлестіктерінің көшбасшылары клубы мүшелерінің кезекті жиналысы өтті. Іс-шара философия ғылымдарының кандидаты, Алматы қаласы әкімінің діни бірлестіктермен байланыс жөніндегі бас инспекторы Иванов Владимир Александровичті еске алуға арналды.
⠀
Кезекті жиналыс Философия, саясаттану және дінтану институтының директоры, әлеуметтану ғылымдарының докторы Серік Сейдумановтың, Алматы қаласы Дін істері жөніндегі басқармасының басшысы Нұрлан Қиқымовтың, қаладағы барлық конфессия көшбасшыларының, сондай-ақ Институт қызметкерлері мен В. Ивановтың туыстарының қатысуымен өтті.
Іс-шара барысында қатысушылар В. Ивановтың діни бірлестіктер мен мемлекеттік органдардың диалогының орнығуына, конфессияаралық келісімнің нығаюына және дінтану ғылымдарының дамуына қосқан орасан зор үлесін атап өтті.
⠀
Сонымен қатар, қатысуышылар эксперттік пікір алмасу барысында діни бірлестіктер мен дін саласын зерттеуші ғылыми құрылымдар арасындағы ынтымақтастықты дамыту мәселесіне де тоқталды.
⠀
Жиналыс соңында Клуб мүшелері мен институт қызметкерлері аталған бағыттағы шаралардың бұдан әрі тұрақты түрде өтуіне ниет білдірді.