Бос лауазымға арналған конкурс

Алматы қаласы Қоғамдық денсаулық сақтау басқармасының «№ 5 қалалық клиникалық ауруханасы» шаруашылық жүргізу құқығындағы коммуналдық мемлекеттік кәсіпорнының Байқау кеңесі аталған кәсіпорынның директоры лауазымына іріктеу бойынша конкурс (бұдан әрі – Конкурс) жариялайды.

• Конкурс өткізілетін күн: ресми бұқаралық ақпарат құралдарында немесе тиісті саланың уәкілетті органының интернет-ресурстарында жарияланғаннан кейін күнтізбелік он бес күн өткен соң.
• Конкурс өткізілетін орын: Қазақстан Республикасы, Алматы қаласы, Медеу ауданы, Достық даңғылы, 220.
• Кәсіпорынның атауы: Алматы қаласы Қоғамдық денсаулық сақтау басқармасының «№ 5 қалалық клиникалық ауруханасы» шаруашылық жүргізу құқығындағы коммуналдық мемлекеттік кәсіпорны (бұдан әрі – Кәсіпорын).
• Кәсіпорынның орналасқан жері: Қазақстан Республикасы, Алматы қаласы, Медеу ауданы, Достық даңғылы, 220.
• Электрондық пошта: info@gkb5.kz (көшірмесі: gkb5gkb5@mail.ru).
• Телефон: +7 7013232806

Кәсіпорынның негізгі қызметінің қысқаша сипаттамасы:

Халықтың денсаулығын сақтау бойынша мемлекеттік аумақтық бағдарламаларды іске асыру, ересектерге және (немесе) балаларға амбулаториялық-емханалық көмек көрсету. Ересектер мен балаларға мамандандырылған және жоғары технологиялық медициналық көмек көрсету, оның ішінде бірегей бағыттар: оториноларингология (ЛОР) және бет-жақ хирургиясы (БЖХ).

Кәсіпорын директорының негізгі лауазымдық міндеттері:

Кәсіпорынның өндірістік, қаржы-шаруашылық қызметіне басшылық жасау; қабылданған басқарушылық шешімдер, ұйым мүлкінің сақталуы мен тиімді пайдаланылуы, сондай-ақ қаржы-шаруашылық қызметтің нәтижелері үшін жауапты болады.

Білуі тиіс:

Қазақстан Республикасының Конституциясын, ҚР Азаматтық кодексін, ҚР Еңбек кодексін, «Халық денсаулығы және денсаулық сақтау жүйесі туралы» ҚР Кодексін, «Әкімшілік құқық бұзушылық туралы» ҚР Кодексін, «Мемлекеттік сатып алу туралы» ҚР Заңын, «Сыбайлас жемқорлыққа қарсы іс-қимыл туралы» ҚР Заңын, «Қазақстан Республикасындағы тілдер туралы» ҚР Заңын.

Конкурсқа қатысушыларға қойылатын талаптар:

• «Денсаулық сақтау» даярлау бағыты бойынша жоғары білім және «Денсаулық сақтау менеджменті» («Қоғамдық денсаулық сақтау») мамандығы бойынша сертификатталған курстардан (қайта даярлаудан) өткені туралы куәлік;
• Немесе «Денсаулық сақтау» және (немесе) «Бизнес, басқару және құқық» даярлау бағыты бойынша жоғары білім, не тиісті мамандық бойынша біліктілік беру туралы куәлік;
• Денсаулық сақтау саласындағы менеджер сертификатының болуы;
• Денсаулық сақтау саласындағы басқарушылық лауазымдардағы жұмыс өтілі 3 жылдан кем емес.

Құжаттарды қабылдау мерзімі:

Хабарландыру ресми БАҚ-та немесе тиісті саланың уәкілетті органының интернет-ресурстарында жарияланғаннан кейін күнтізбелік он бес күн ішінде.

Қажетті құжаттардың тізбесі:

Конкурсқа қатысуға ниет білдірген азаматтар келесі құжаттарды ұсынады:

1. Конкурсқа қатысу туралы өтініш;
2. Еркін нысанда жазылған өмірбаян;
3. Мемлекеттік және орыс тілдеріндегі түйіндеме (резюме);
4. Білімі туралы құжаттардың көшірмелері;
5. Еңбек кітапшасының (бар болса) немесе еңбек шартының көшірмесі, жұмысқа қабылдау және еңбек шартын тоқтату туралы бұйрықтардан үзінді көшірмелер немесе жұмыс өтілін растайтын өзге де құжат;
6. № 075/е нысанындағы медициналық анықтама (ҚР Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген);
7. ҚР Бас прокуратурасының Құқықтық статистика және арнайы есепке алу жөніндегі комитетінен соттылығының жоқтығы туралы анықтама;
8. Сыбайлас жемқорлық қылмыс жасағандығы немесе жасамағандығы туралы мәліметтер.

Құжаттарды тапсыру тәртібі:

Кандидаттар құжаттарды қабылдау мерзімі аяқталғанға дейін электронды түрде info@gkb5.kz поштасына (көшірмесі: ggkb5@mail.ru) жолдайды.

Конкурсқа қатысушы өзінің біліміне, жұмыс өтіліне және кәсіби даярлық деңгейіне қатысты қосымша ақпаратты (біліктілігін арттыру, ғылыми дәрежелер мен атақтар берілуі туралы құжаттардың көшірмелерін, ғылыми жарияланымдарды, сондай-ақ оның кәсіби қызметін сипаттайтын өзге де мәліметтерді) ұсына алады.

Дата публикации

26 мая 2026