Бос лауазымға арналған конкурс

Бақылау кеңесі Алматы қаласы Қоғамдық денсаулық сақтау басқармасының шаруашылық жүргізу құқығындағы «Психикалық денсаулық орталығы» коммуналдық мемлекеттік кәсіпорнының директоры лауазымына конкурс жариялайды (бұдан әрі — Конкурс).

1. Жалпы мәліметтер

Кәсіпорынның атауы:
   Алматы қаласы Қоғамдық денсаулық сақтау басқармасының шаруашылық жүргізу құқығындағы «Психикалық денсаулық орталығы» коммуналдық мемлекеттік кәсіпорны (бұдан әрі — Кәсіпорын).

Орналасқан жері:
Қазақстан Республикасы, Алматы қаласы, Бостандық ауданы, Әбіш Кекілбайұлы көшесі, 117А.

Электрондық пошта: cpz.sekr@mail.com
Телефон: +7 775 769 21 00

2. Конкурсты өткізу уақыты мен орны

Өткізу күні:
ресми бұқаралық ақпарат құралдарында немесе уәкілетті органның интернет-ресурстарында жарияланған күннен кейін күнтізбелік он бес күн өткен соң.

Өткізу орны:
Қазақстан Республикасы, Алматы қаласы, Бостандық ауданы, Әбіш Кекілбайұлы көшесі, 117А.

3. Кәсіпорын қызметінің қысқаша сипаттамасы

Халық денсаулығын қорғау жөніндегі мемлекеттік аумақтық бағдарламаларды іске асыру, ересектерге және (немесе) балаларға амбулаториялық-емханалық көмек көрсету.

4. Директордың негізгі лауазымдық міндеттері

Кәсіпорынның өндірістік, қаржы-шаруашылық қызметіне басшылық жасау; қабылданған басқарушылық шешімдерге, ұйым мүлкінің сақталуы мен тиімді пайдаланылуына, сондай-ақ қаржы-шаруашылық қызметінің нәтижелеріне жауап беру.

5. Конкурсқа қатысушыларға қойылатын талаптар

Конкурсқа келесі талаптарға сәйкес келетін тұлғалар жіберіледі:

• «Денсаулық сақтау» бағыты бойынша жоғары білімі және «Денсаулық сақтау менеджменті» («Қоғамдық денсаулық сақтау») мамандығы бойынша сертификатталған курстардан (қайта даярлау) өткені туралы куәлігі бар;
  немесе
• «Денсаулық сақтау» және (немесе) «Бизнес, басқару және құқық» бағыты бойынша жоғары білімі немесе тиісті мамандық бойынша біліктілік берілгені туралы құжаты бар;

сонымен қатар:

• денсаулық сақтау саласында менеджер сертификатының болуы;
• денсаулық сақтау саласындағы басшылық лауазымдарда кемінде 3 жыл жұмыс өтілі.

6. Білуі тиіс

Қазақстан Республикасының Конституциясын, Азаматтық кодексін, Еңбек кодексін, «Халық денсаулығы және денсаулық сақтау жүйесі туралы» Кодексін, Әкімшілік құқық бұзушылық туралы Кодексін, «Мемлекеттік сатып алу туралы» Заңын, «Сыбайлас жемқорлыққа қарсы іс-қимыл туралы» Заңын, «Қазақстан Республикасындағы тілдер туралы» Заңын.

7. Құжаттарды қабылдау мерзімі

Ресми бұқаралық ақпарат құралдарында немесе уәкілетті органның интернет-ресурстарында жарияланған күннен бастап күнтізбелік он бес күн ішінде.

8. Қажетті құжаттар тізбесі

Конкурсқа қатысуға ниет білдірген азаматтар келесі құжаттарды ұсынады:

1. конкурсқа қатысу туралы өтініш;
2. еркін нысанда жазылған өмірбаян (автобиография);
3. қазақ және орыс тілдеріндегі түйіндеме;
4. білімі туралы құжаттардың көшірмелері;
5. еңбек кітапшасының көшірмесі (болған жағдайда) немесе еңбек шарты, жұмысқа қабылдау және жұмыстан шығару туралы бұйрықтардан үзінділер немесе еңбек өтілін растайтын өзге құжаттар;
6. № 075/у нысанындағы медициналық анықтама (ҚР Денсаулық сақтау министрінің м.а. 2020 жылғы 30 қазандағы № ҚР ДСМ-175/2020 бұйрығымен бекітілген);
7. Қазақстан Республикасы Бас прокуратурасының Құқықтық статистика және арнайы есепке алу комитетінен соттылықтың жоқтығы туралы анықтама;
8. сыбайлас жемқорлық құқық бұзушылықтарының бар-жоғы туралы мәлімет.
9. Құжаттарды тапсыру тәртібі

Кандидаттар құжаттарды электрондық түрде келесі электрондық поштаға жолдайды: cpz.sekr@mail.com — құжаттарды қабылдау мерзімі аяқталғанға дейін.

Қатысушы өз біліміне, жұмыс өтіліне және кәсіби даярлық деңгейіне қатысты қосымша ақпаратты (біліктілікті арттыру туралы құжаттар, ғылыми дәрежелер мен атақтар, ғылыми жарияланымдар және өзге де кәсіби қызметін сипаттайтын мәліметтер) ұсына алады.

Дата публикации

20 мая 2026