Сальмонеллездің алдын алу шаралары

Сальмонеллез -  Salmonella  тектес бактериялар тудыратын жіті ішек инфекциясы.  

Инфекция көзі – ауру адам, бактерия  тасымалдаушы, сондай-ақ үй құстары мен жануарлар.

Берілу жолы-  адам инфекцияны науқаспен байланыста болған кезде немесе сальмонелламен залалданған тағамдарды тұтыну кезде (негізінен жұмыртқа, құс еті, сүт өнімдері, сондай-ақ көңмен ластанған көкөністер мен жемістер) жұқтырады.

Инкубациялық кезеңі  2 күннен 7 күнге дейін құрайды.

Клиникалық белгілері – сальмонеллез асқазан-ішек жолдарын зақымдап, клиникалық түрде іш өту, дене қызуының көтерілуі, құсу және іштің ауыруымен көрінеді.   

        

Сальмонеллездің жеке профилактикасы тағам гигиенасын сақтаудан және санитариялық талаптарды орындаудан тұрады:

• рұқсат етілмеген  сауда орындарынан ет, ет өнімдерін, құс етін, жұмыртқаны, сүт өнімдерін сатып алмаңыз;
• тез бұзылатын  өнімдерді сақтау шарттарын қатаң  сақтаңыз;
• шикі және піскен ет, балық және көкөністерді өңдеу барысында бөлек асханалық тақтада және бөлек пышақ пайдаланыңыз;
• дүкеннен жұмыртқа сатып алғаннан кейін үйде оларды жуыңыз( сабын-содалы ерітіндісімен) және ұзақ уақыт термиялық өңдеуден өткізіңіз, қауызы бұзылған жұмыртқаны сатып алмау, сыртында қан тамшылары немесе көң іздері бар жұмыртқаны пайдаланбаңыз;
• тағамдардың пайдалану мерзімін және температуралық тәртіпті сақтаңыз. Дайын тағамдарды мүмкіндігінше бірден пайдаланған дұрыс.

 

 

                                                                                    Әуезов ауданының СЭББ

                                                                                                  эпидемиология бөлімінің

                                                                                                  бас маманы

                                                                                                  Р.Ж. Аздекова.