Сальмонеллездің алдын алу шаралары

Сальмонеллез - бұл  асқазан-ішек жолына әсер ететін жедел жұқпалы ауру. Инфекцияның қоздырғыштары Salmonella тұқымдасына жататын микроорганизмдер болып табылады.

Инфекция көзі – ауру адам немесе үй жануарлары, сондай-ақ бактерия  тасымалдаушылар болып табылады.

Берілу жолы-  адам инфекцияны науқаспен байланыста болған кезде немесе сальмонелламен залалданған тағамдарды тұтыну кезде (негізінен жұмыртқа, құс еті, сүт өнімдері, сондай-ақ көңмен ластанған көкөністер мен жемістер) жұқтырады.

Инкубациялық кезеңі  2 күннен 7 күнге дейін құрайды.

Клиникалық белгілері – іштің қатты ауырсынуы, дене қызуының көтерілуі, іш өту, жүрек айнуы және құсу.  

Сальмонеллезді алдын-алу үшін іс-шаралар:

• рұқсат етілмеген  сауда орындарынан ет, ет өнімдерін, құс етін, жұмыртқаны, сүт өнімдерін сатып алмаңыз;
• тез бұзылатын  өнімдерді сақтау шарттарын қатаң  сақтаңыз;
• шикі және піскен ет, балық және көкөністерді өңдеу барысында бөлек асханалық тақтада және бөлек пышақ пайдаланыңыз;
• дүкеннен жұмыртқа сатып алғаннан кейін үйде оларды жуыңыз( сабын-содалы ерітіндісімен) және ұзақ уақыт термиялық өңдеуден өткізіңіз, қауызы бұзылған жұмыртқаны сатып алмау, сыртында қан тамшылары немесе көң іздері бар жұмыртқаны пайдаланбаңыз;
• тағамдардың пайдалану мерзімін және температуралық тәртіпті сақтаңыз. Дайын тағамдарды мүмкіндігінше бірден пайдаланған дұрыс.