Кене вирустық энцефалитінің алдын алу және сақтану шаралары

Кене вирустық энцефалиті (КВЭ) - қызбамен, интоксикациямен және бас миының және/ немесе ми мен жұлынның сұр затының зақымдалуымен сипатталатын табиғи ошақты вирустық инфекция. Адамдар мен жануарлар энцефалитпен иксод кенелерінің шағуы арқылы ауырады. Маусымдық кезеңі - көктемгі- күзгі кезең. Инкубациялық кезең әдетте 10-14 күнге созылады, бір күннен 60 күнге дейін өзгереді. Берілу жолдары: трансмиссивті (кене шағуы), сирек алиментарлы (ешкі мен сиырдың шикі сүтін тұтыну). Адамнан адамға берілу мүмкін емес. Спецификалық емес профилактика арнайы қорғаныс костюмдерін пайдалануды қамтиды (ұйымдастырылған контингенттер үшін) немесе жаға мен манжеттерге кенелердің кіріп кетуіне жол бермейтін қолайлы киім. • көйлектің жағасы денеге тығыз орналасуы керек, капюшоны бар куртка дұрысырақ. • көйлек шалбардың ішіне салынып, жеңі ұзын болу керек, жең манжеттері денеге тығыз орналасады. • шалбар етікке немесе ботинкаға салынады, шұлықтарда тығыз резеңке болу керек. • бас және мойынды орамалмен немесе қалпақпен жабу. • киім ашық, бір түсті болу керек. • орманда серуендеу үшін ең қолайлы киім- әртүрлі типтегі комбинезондар. Кенелерден қорғау үшін дененің ашық жерлеріне және киімге жағылатын репелленттерді қолданыңыз. Репелленттерді қолданар алдында нұсқауларды оқып шығу керек. Кене энцефалитінің алдын алудың нақты шаралары • кене энцефалитіне қарсы профилактикалық егулер эндемиялық аймақтарда жұмыс істейтін немесе оларға баратын белгілі бір кәсіп иелеріне (іскерлік саяхатшылар, құрылыс отрядындағы студенттер, туристер, демалысқа, бақша учаскелеріне баратын адамдар) жүргізілдеді. • серопрофилактика (кене вирустық энцефалитінің эндемиялық аймағында кене шағуына байланысты емделуге жүгінген, вакцинацияланбаған адамдар үшін тек денсаулық сақтау мекемелерінде жүргізіледі). Жұмысқа немесе қолайсыз аймақтарға демалысқа баратын барлық адамдар вакцинациялануы керек.