2026 жылғы 16 наурызда Алматыда қоғамдық нысандар құрылысы бойынша қоғамдық тыңдаулар өтеді

2026 жылғы 16 наурызда «Кітапхана аймағын, санитарлық-гигиеналық бөлмелерді және жедел тамақтану павильондарын қамтитын қоғамдық пайдаланудағы нысандарды салу және пайдалану» жобасы бойынша ашық жиналыс түрінде қоғамдық тыңдаулар өтеді.

Алматы қаласының Кәсіпкерлік және инвестициялар басқармасы аталған жоба материалдары бойынша қоғамдық тыңдаулардың өткізілетінін хабарлайды. Жоба нысандары мына мекенжайларда орналасқан: Алматы қаласы, Алмалы ауданы, Жібек жолы көшесі, 81/10 телімі және Алматы қаласы, Әуезов ауданы, 7-шағынаудан, 2/8 телімі.

Қоғамдық тыңдаулар 2026 жылғы 16 наурыз күні сағат 11:00-де Алматы қаласы, Байзақов көшесі, 303 мекенжайындағы конференц-залда өтеді.

Сұрақтар мен ұсыныстар info@almaty.upp.kz электрондық поштасына қабылданады. Байланыс телефоны: 8 777 477 77 78, жауапты тұлға – Сапарғали Руслан.