Қоғамдық көлік

Ауданда күн сайын 900-ден астам автобус пен троллейбус 51  бағыт бойынша қызмет көрсетеді (46 автобус және 5 троллейбус). Сондай-ақ, ауданда "Әділет Авто" ЖШС (27, 60 бағыттар бойынша қызмет көрсетеді) және "№1 Алматы электроавтобус паркі" ЖШС (206 бағыт бойынша қызмет көрсетеді) 2 автобус паркі тіркелген.

Қала тұрғындарының көптеген өтініштері бойынша №92 бағыт 20 жаңа 12 метрлік автобуспен нығайтылып, 2019 жылдың 19 қазанында жаңартылған жылжымалы құрам көшелерге шықты. Сондай-ақ, 2019 жылдың 14 қарашасында Яссауи көшесінен бастап Шығыс айналма жолына дейінгі ұзындығы 10 шақырымнан асатын Төле би магистралды көшесімен 10 бірлік көлігі бар №206 бағыт іске қосылды. Бұл бағыттың ерекшелігі электр автобустар электр қуатымен жұмыс істейді және қала экологиясына зиян келтірмейді. Автопарк басшылығы ағымдағы жылдың соңына дейін тағы 7 электр автобусын іске қосуды жоспарлап отыр.

Қала әкімінің Таугүл шағынауданының тұрғындарымен кездесуінде Шәймерденов көшесімен Новая көшесіне дейін №98 автобус бағытын ұзарту мәселесі көтерілді. Бұл мәселені шешу мүмкін емес, өйткені Шәймерденов көшесінің ені көліктің үлкен көлемдеріне байланысты осы бағыт бойынша автобустардың бұрылуына мүмкіндік бермейді. Осы бағыт бойынша №104 бағыттағы автобус қызмет көрсетеді.

Сондай-ақ, "Мәскеу"метро станциясы бар. 2021 жылы "Сарыарқа" және "Достық" метрополитенінің тағы 2 станциясын ашу жоспарлануда.

16 наурыздан бастап қоғамдық көліктер әр ауысымнан кейін кешке химиялық ерітіндімен өңделеді және қауіпсіздік техникасына сәйкес түнде есіктері жабылады (химиялық өңдеуден кейін қауіпсіздік техникасы бойынша көлік 3 сағатқа оқшаулануы керек). Күндіз автобустар әр айналымнан кейін дезинфекциялық ерітіндімен өңделеді, яғни күніне кемінде 5 рет өңделеді. Қоғамдық көліктің жұмыс уақыты кешкі сағат 19.00-ге дейін шектелді.

Төтенше жағдай режимі кезінде жолаушылар ағыны 90%ға қысқарды, бұл тиісінше қоғамдық көлік санын 60%ға қысқартты.

21 мамырдан бастап азаматтарға ыңғайлы болуы үшін автобустардың 90% желіге шығып, Бағыттар бойынша жұмыс кешкі сағат 21.00-ге дейін ұзартылды.

Санитарлық нормалардың сақталуына жолаушылардың өздері жауап береді. СЭС қызметкерлері құқық қорғау органдарымен бірлесе отырып, қоғамдық көліктегі тексеруді ұйымдастырады.