Алматы қаласы Әуезов ауданы әкімі аппаратының көріктендіру бөлімі туралы ЕРЕЖЕ

Алматы қаласы Әуезов ауданы әкімі

 аппаратының көріктендіру бөлімі туралы

ЕРЕЖЕ

 

                                   1.Жалпы ережелер

1. Аудан әкімі аппаратының көріктендіру бөлімі (бұдан әрі мәтін бойынша – Бөлім) «Алматы қаласы Әуезов ауданы әкімінің аппараты» коммуналдық мемлекеттік мекемесінің құрылымдық бөлімшесі болып табылады.
2. Бөлім өз қызметінде Қазақстан Республикасының Конституциясын, Қазақстан Республикасының «Қазақстан Республикасының Президенті туралы», «Қазақстан Республикасының Парламенті және оның депутаттарының мәртебесі туралы», «Қазақстан Республикасының Үкіметі туралы» Конституциялық заңдарын, Қазақстан Республикасының Еңбек кодексін, Қазақстан Республикасының «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы», «Әкімшілік рәсімдер туралы», «Құқықтық актілер туралы», «Жеке және заңды тұлғалардың өтініштерін қарау тәртібі туралы», «Қазақстан Республикасындағы жергілікті мемлекеттік басқару және өзін-өзі басқару туралы», «Мемлекеттік сатып алу туралы» заңдарын, Қазақстан Республикасының нормативтік құқықтық актілерін, Президенттің, мәслихаттың, әкімдіктің және Алматы қаласының әкімінің, аудан әкімінің актілерін, Алматы қаласының аумағын көріктендіру ережелерін, Алматы қаласының жасыл желектерін күтіп ұстау және қорғау ережелерін. «Алматы қаласы Әуезов ауданы әкімінің аппараты» коммуналдық мемлекеттік мекемесі туралы ереже мен осы Ережені басшылыққа алады.
3. Бөлімнің құрылымы мен штат санын Қазақстан Республикасының заңнамасында белгіленген тәртіппен аудан әкімі бекітеді.
4. Бөлім:

        1) басшы;

        2) бас маман;

        3) бас маман;

        4) бас маман;

        5) бас маманнан тұрады.

 

2. Бөлімнің негізгі міндеттері, функциялары, құқықтары мен міндеттері
3. Міндеті: аудан аумағын санитарлық тазалау бойынша жұмыстарды жүргізуді ұйымдастыру, үйлестіру және бақылау.

     Функциялары:

     1) жер үсті және жер асты өткелдерін күтіп ұстау және олар бойынша қызмет көрсету;

     2) арық желілерін күтіп-ұстау;

     3) көшелердің жүру бөлігін және жаяу жүргіншілер тротуарларын санитарлық тазалау;

    4) аялдама пункттерін күтіп-ұстау және санитарлық тазалау;

    5) жергілікті және қалалық сенбіліктерді ұйымдастыру және өткізу;

    6) бекітілген кестеге сәйкес ҚТҚ уақтылы әкетілуін қамтамасыз ету;

    7) биодәретханаларды орнату;

    8) заңсыз тасталған қоқыс үйінділерін анықтау және жою;

    9) өзен арнасына іргелес аумақтарды тазарту;

   10) көгалдар мен жабайы өсетін шөптерді шабу жұмыстарын жүргізу.

6. Міндеті: жасыл аймақтарды, саябақтарды және гүлзарларды күтіп ұстау және қорғау бойынша жұмыстардың жүргізілуін ұйымдастыру, үйлестіру және бақылау.                                 

   Функциялары:

  1) апатты ағаштарды кесу және санитарлық кесу жұмыстарын жүргізу;

  2) көшеттерді өтемдік және бастамашылық сипатта отырғызу жұмыстарын ұйымдастыру;

  3) гүлдер отырғызу жұмыстарын ұйымдастыру;

  4) жасыл желектерді химиялық және биологиялық өңдеу жұмыстарын жүргізу;

  5) жасыл аймақтарды тазарту бойынша жұмыстарды жүргізу;

  6) көгалдарды отырғызу және тұқым себу, шым салу жөніндегі жұмыстарды ұйымдастыру.

7. Міндеті: бөлім қызметіне жалпы басшылық жасау, өз құзыреті шегінде жетекшілік ететін бағыттар бойынша белгілі бір іс-шаралардың орындалуын қамтамасыз ету және бөлімнің тиісті құжат айналымын қамтамасыз ету.  

  Функциялары:

   1) елді мекендерді сыртқы жарықпен үздіксіз қамтамасыз ету бойынша жұмыстардың жүргізілуін ұйымдастыру және бақылау;

  2) мыналарды қажет ететін көшелерді зерттеу:

  -ағымдағы, орташа және күрделі жөндеу, сондай-ақ көше-жол желілерінің жаңа құрылысы;

  - жаяу жүргіншілер тротуарларын салу;

  - арық желілері;

  - жөндеуді қажет ететін көпірлер мен өткелдер;

  - жағалауды бекіту жұмыстарын жүргізуді қажет ететін өзен арналары;

  - сыртқы жарықтандыру желілерін ағымдағы жөндеу және жаңаларын салу;

  - гүлзарлар мен басқа да жасыл аймақтарды көгалдандыру және ағымдағы жөндеу;

  - жаяу жүргіншілер аймағын күрделі және ағымдағы жөндеу. 

   3) тиісті өтінімдерді уәкілетті мемлекеттік органдарға жіберу және осы бағыттағы жұмыстардың орындалуын бақылау.

   4) Мыналар бойынша ұсыныстар енгізу және жобаларды іске асыру; :

   - жасыл аймақтарды, жаяу жүргіншілер мен велосипед жолдарын көгалдандыру;

   - саябақтар мен гүлзарларды көгалдандыру;

   - өзен арналарының жағалау сызықтарын нығайту;

   - субұрқақтарды қайта құру және салу.

   5) төтенше жағдайлардың туындауының алдын алу және оларды жою мақсатында жұмыстарды ұйымдастыру және жүргізу;

    6) аудан аумағындағы арық желілері мен жаңбыр қабылдайтын люктердің жағдайына мониторинг жүргізу және оларды қалпына келтіру және жөндеу бойынша тиісті ұсыныстар енгізу.

   7) уәкілетті органдарға объектілерді заңсыз салуды анықтауға және алдын алып, жолын кесу бойынша жәрдем көрсету:

          - жер учаскелерін өз бетімен басып алу;

          - пайдаланылмайтын жер учаскелері бойынша.

   8) мемлекеттік бағдарламалар бойынша бюджеттік өтінімді жасау, дайындау және ресімдеу, техникалық ерекшеліктер мен есептерді жасау;

   9) Қазақстан Республикасының қолданыстағы заңнамасында белгіленген мерзімде жеке және заңды тұлғалардың өтініштерін қарау;

   10) хаттамалық тапсырмаларды уақтылы орындау, кіріс және шығыс қызметтік хат-хабарларды қарау;

   11) жетекшілік ететін бағыттар бойынша талдамалы ақпаратты әзірлеуді жүзеге асыру және қалыптастыру;

   12) атқарылған жұмыс туралы тоқсан сайынғы және жылдық есепті дайындау және жүргізу;

   13) әлеуметтік желілермен жұмыс істеу.

8. Құқықтары мен міндеттері:

          әкімдіктің құрылымдық бөлімшелерінен, мемлекеттік органдардан Бөлім құзыретіне жататын қажетті ақпаратты, материалдарды сұрату және алу;

          өз құзыреті шегінде заңдарды, Президент жарлықтарын, Қазақстан Республикасы Үкіметінің қаулыларын, аудан және қала әкімдерінің ауданды көріктендіру мәселелері бойынша шешімдері мен өкімдерінің орындалу барысын бақылауды жүзеге асырады, оларды іске асыру бойынша материалдар дайындайды;

          аудан аумағын көріктендіру мәселелері бойынша жеке және заңды тұлғалардың хаттары мен өтініштерін, қызметтік хат-хабарларды қарау;

бөлім құзыретіне жататын мәселелер бойынша аудан әкімінің кеңестеріне, басқа да мемлекеттік органдар өткізетін кеңестерге және басқа да іс-шараларға қатысу;

          бөлім құзыретіне жататын мәселелер бойынша аудан әкімінің қарауына ұсыныстар енгізу;

         тиісті еңбек жағдайларын қамтамасыз ету және бөлім қызметкерлерінің біліктілігін арттыру;

         өз лауазымдық міндеттерін орындау кезінде аудан әкімі аппаратының, бөлімшелерінің, қызметтерінің мамандарын тарту;

        осы Ережемен бөлімге жүктелген міндеттерді, функциялар мен құқықтарды сапалы және уақтылы орындау.

 

3. Бөлім қызметін ұйымдастыру
4. Бөлім заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес оның негізгі міндеттері мен функцияларын іске асыру үшін қажетті өкілеттіктерге ие.
5. Мемлекеттік органның құрылымдық бөлімшесін Қазақстан Республикасының заңнамасында белгіленген тәртіппен қызметке тағайындалатын және қызметтен босатылатын басшы басқарады.
6. Бөлім басшысы Бөлім қызметіне жалпы басшылықты жүзеге асырады және Бөлімге жүктелген міндеттердің орындалуына және оның функцияларын жүзеге асыруға дербес жауапты болады.
7. Бөлім басшысы аппарат басшылығына құрылымдық бөлімшенің құрылымы мен штат кестесі бойынша ұсыныстар береді.
8. Бөлім құзыретіне кіретін мәселелер бойынша Бөлім атынан басқа бөлімдерге жіберілетін құжаттарға Бөлім басшысы, ал болмаған жағдайда - оны алмастыратын тұлға қол қояды.

Дата публикации

27 августа 2020