«ХАЛЫҚТЫҢ ҚАТЫСУ БЮДЖЕТІ» БАҒДАРЛАМАСЫН ІСКЕ АСЫРУ
Сіздер «Халықтың қатысу бюджеті» қалай жұмыс істейтінін жақсы білесіздер. Бұл жай ғана бағдарлама емес, бұл – қала тұрғындарына өз идеялары арқылы қалалық инфрақұрылымды жақсартуға мүмкіндік беретін тікелей құрал.
Бұл жоба адамдарды жергілікті мәселелер төңірегінде біріктіріп, көршілерді белсенді талқылауға тартады. Тұрғындар аула, саябақ немесе скверді қалай тиімді абаттандыру керектігін егжей-тегжейлі талқылап, кейін онлайн дауыс беру арқылы жеңімпаз жобаларды таңдайды.
2025 жылы «Халықтың қатысу бюджеті» аясында ауданда тұрғындардың 45 жобасы бойынша абаттандыру жұмыстары жүзеге асырылды.
2026 жылы 19 жоба іске асырылады. Оның ішінде 11 жоба аулаларды жөндеуге, 8 жоба қоғамдық кеңістіктерді абаттандыру мен көгалдандыруға бағытталған.
«Халықтың қатысу бюджеті» бойынша кез келген сұрақтар бойынша «Open Almaty» әкімдігінің Қоғамдық қабылдауында 224 39 29 (ішкі 203) немесе 1308 телефондары арқылы, сондай-ақ budget.open-almaty.kz сайтында кеңес алуға болады.
