2026 жылы Алмалы ауданында инфрақұрылымды дамытуға, аумақтарды абаттандыруға және тұрғындардың өмір сүру сапасын арттыруға бағытталған кешенді іс-шараларды іске асыру жоспарлануда.
Абаттандыру және көгалдандыру бағытында:
•Жасөспірімдер театры алдындағы скверді жөндеу, абаттандыру және көгалдандыру;
•Гагарин даңғылы бойындағы бульвардың жаяу жүргіншілер аймақтарын абаттандыру;
•50 мыңнан астам бұта мен 400 ірі көлемді ағаш отырғызу (Гагарин даңғылы, Қарасай батыр көшесі, ТЮЗ сквері);
•34,2 мыңға жуық ағашқа санитарлық кесу жұмыстарын жүргізу жоспарланған.
«Халық қатысатын бюджет» бағдарламасы аясында 2026 жылы 19 жобаны іске асыру көзделген. Оның ішінде 11 жоба аула аумақтарын жөндеуге, 8 жоба қоғамдық кеңістіктерді абаттандыру мен көгалдандыруға бағытталған.
Инженерлік инфрақұрылым саласында:
•«Алматылық жылу желілері» ЖШС күшімен 19 мекенжай бойынша 8,8 км жылу желілерін реконструкциялау;
•«Алматы Су» МКК тарапынан 5 мекенжай бойынша жалпы ұзындығы 2,4 км сумен жабдықтау және су бұру желілерін реконструкциялау (оның ішінде 2 жоба – сумен жабдықтау, 1,4 км; 3 жоба – су бұру, 1 км);
•«Алатау Жарық Компаниясы» АҚ тарапынан 22 мекенжай бойынша 93,3 км электр желілерін реконструкциялау;
•«QazaqGaz Аймақ» АҚ тарапынан 9 мекенжай бойынша жалпы ұзындығы 17,1 км газ желілерін реконструкциялау жоспарлануда.
Білім беру саласында:
•№16 мектепке 300 орындық қосымша ғимаратты пайдалануға беру;
•№124 жалпы білім беретін мектепте сейсмикалық күшейтумен күрделі жөндеу жұмыстарын аяқтау;
•№128 мектеп бойынша жобалық-сметалық құжаттаманы дайындау.
Мектепке дейінгі білім беру саласында:
•№10 балабақшада күрделі жөндеу жұмыстарын аяқтау;
•Тастақ шағын ауданында жаңа балабақша салу;
•тағы төрт балабақшаға (№13, №21, №43 және Мауленов көшесіндегі «Теремок» балабақшасы) күрделі жөндеуге жобалық-сметалық құжаттама әзірлеу.
Денсаулық сақтау саласында:
•№1 перзентхананы;
•бір ауысымда 500 адам қабылдайтын жаңа емхананы (Айтеке би көшесі мен Масанчи көшесінің қиылысы) салу жоспарлануда.
Сонымен қатар, Тастақ шағын ауданында мүмкіндігі шектеулі жандарға арналған көпфункционалды спорт орталығын салу көзделген.