Солярийлерге қойылатын санитариялық-эпидемиологиялық талаптар.

          Солярийлерге қойылатын санитариялық-эпидемиологиялық талаптар.

Бүгінгі таңда солярийлерге баратын адамдардың саны артуда, осыған байланысты солярий қызметінің дұрыс жүргізілуіне аса көңіл бөлген жөн. Солярий кабиналарында ультракүлгін шамдар немесе ультракүлгін сәулелену аппараттары қолданылады. Ультракүлгін шамдар немесе ультракүлгін сәулелену аппараттары бөлетін ультракүлгін сәулелердің адам ағзасына тигізетін пайдасы мен зияны бар.

Ультракүлгін сәулелер-бұл тістер мен сүйектердің беріктігіне жауап беретін және денені қатерлі ісіктен қорғайтын Д витаминінің жалғыз көзі. Д витаминінің жетіспеушілігі рахитке, остеопорозға әкеледі. Ультракүлгін сәулелер псориаз, безеу, атопиялық дерматит сияқты тері аурулары бар адамдарға пайдалы әсер етеді. Тыныс алу органдарының аурулары – бронхит, ринит, аденоидтар үшін гелиотерапия ұсынылады. Ультракүлгін сәулеленудің оң психологиялық әсері бар. Ғылым бұл организмде жүретін химиялық процестердің нәтижесі екенін дәлелдеді. Ауа-райының қолайсыздығында, қыста жарық пен ультракүлгін сәулелерінің аздығынан эндорфиннің жетіспеушілігі пайда болады. Жарық әсерінен пайда болатын зат миға денеде бәрі жақсы екенін білдіретін зат ол- "бақыт гормоны"деп аталады. Тотығу сеанстары осы гормонның өндірілуіне ықпал етеді, көңіл-күйді жақсартады, жұмысқа қабілеттілікті арттырады, депрессияны жеңілдетеді. Осыған орай, нормативтік құқықтық актілерді мемлекеттік тіркеудің тізіліміне барлық аппараттардың (солярийлердің) техникалық паспорттары мен нұсқаулықтары, сондай-ақ олардың қауіпсіздігін растайтын құжаттары болған кезде солярийлерде әртүрлі үлгідегі жоғары және төмен қысымды ультракүлгін шамдар тік немесе көлденең орналасқан ультракүлгін сәулелену аппараттарын (солярийлерді) олардың кез келген комбинациясында пайдалануға жол беріледі. Солярийлерді пайдалануға арналған үй-жай сағатына 3-4-еселік ауа алмасатыратын механикалық іске қосылатын сору-сыртқа тарату желдеткішімен жабдықталады. Солярий кабинасы орналасқан үй-жайдың ауа температурасы +18 +24 °C, бірақ +28 Цельсий градустан (бұдан әрі – °C) аспайды. Солярийдің шамдарын ауыстыру журналда міндетті түрде белгілей отырып, техникалық паспортта көрсетілген нормативті сағат орындалған жағдайда жүргізіледі. Келесі ауыстыру туралы ақпарат солярий кабинетінің клиенттеріне қолжетімді болуы және көрінетін жерде орналасуы тиіс. Істен шыққан шамдар жойылуы үшін арнайы ұйымдарға жіберіледі.  Әрбір сеанстан кейін келуші жанасқан солярий кабинасының барлық үстіңгі беттері дезинфекциялау құралдарымен өңделеді. Тік солярийді қолданған кезде келушілерге жеке сүлгі мен аяқ киім ұсынылады.

Cолярийге бірінші рет барар алдында маманмен кеңесуді ұсынамыз. Белгілі бір ауруларда солярий мүлдем қарсы, мысалы, қалқанша безі, жүрек, кейбір гинекологиялық және тері аурулары және т.б.