Ақтөбеде су тасқынынан зардап шеккен отбасылардың балаларына мерекелік шара ұйымдастырылды

 

Бүгін Халықаралық балаларды қорғау күніне орай М.Оспанов атындағы Батыс Қазақстан медицина университеті жатақханасында«Балалардың күлкісі —көркі, сәні әлемнің» атты мерекелік шара өтті.

Шараға аталған оқу орны мен Қ.Жұбанов атындағы Ақтөбе университеті жатақханасында уақытша тұрып жатқан су тасқынынан зардап леккен отбасылардың балалары қатысты. Сондай-ақ, облыстық қоғамдық штаб төрағасы Гүлқасима Сүйінтаева, штаб мүшесі Ербол Данағұлов, өңірде өтіп жатқан «Aktobe Open»халықаралық турнирін ұйымдастырушы, Қазақстан шахмат федерациясыныңвице-президенті Марат Есенов, Өзбекстаншахмат федерациясының төрағасыныңорынбасары Хусан Турдалиев, белгілі гроссмейстер Владимир Дворковичтің зайыбы, FIDE-нің президенті Аркадия Дворковичтің анасы Галина Дворкович, сондай-ақ штаб мүшелері мен ата-аналар, мектептердіңбасшылары қатысты.

Облыстық қоғамдық штаб төрағасы Гүлқасима Сүйінтаева су тасқыны салдарынан зардапшеккен отбасылардың балаларын мерекеменқұттықтай отырып, олардың ата-аналарына өз ризашылығын білдірді.

«Көріп, білгеніміздей мұнда тұрып жатқан әр отбасында кемі 3-4 баладан тәрбиеленуде. Бұл орайда аналардың еңбегі зор. Сондықтан бүгінгі шарада барша балаларды мерекемен құттықтай отырып, олардың оқуда озат, өнерлі де талантты, отбасында еркін әрі бақытты болуын тілеймін. Міне, оқу жылы аяқталып, балалар алаңсыздемалысқа шықты. Енді осы демалысты сәтті әрі тиімді өткізулеріңе тілектестік білдіремін!», - деді ол.  

Мерекелік шарада балаларға түрлі ойындар, флешмобтар, конкурстар ұйымдастырылып, аниматорлар кішкентайлардың көңілін көтерді. Мереке иелері ән айтып, би билеп, асфальтқа сурет салды. Барлық балаға естелік сыйлықтар мен балмұздақтар үлестірілді. Балалармен қатар шарада ересектер де көңіл көтеріп, бір серпіліп қалды. Балаларының мәз-мейрам болғанын көрген ата-аналар шараныұйымдастырушыларға алғыстарын жаудырды.

Шара барысында Қазақстан шахмат федерациясының вице-президенті Марат Есенов бастаған топ әр отбасыға естелік сыйлық ретінде шахматтар табыстады.

Айта кету керек, мерекелік концерттерді #47, 71, 77, 66 мектептер ұйымдастырса, спорттықжарыстарды Сазды балалар-жасөспірімдер спорт мектебі өткізді. Сондай-ақ облыстықжастар саясаты басқармасының өкілдеріжатақхананың кішкентай тұрғындарынакараоке-батлл ұйымдастырды.