Ақтөбе облысы әкімі аппараты басшысының орынбасары тағайындалды

Ануар Болатұлы Асылов Ақтөбе облысы әкімі аппараты басшысының орынбасары лауазымына тағайындалды.

Ол 1992 жылы Ақтөбе қаласында дүниеге келген, білімі - жоғары: 2014 жылы Малайзия Сеги университетін бітірген.

Еңбек жолын «Ақтөбе» Әлеуметтік-кәсіпкерлік корпорациясында қарапайым маманнан бастап басқарма төрағасының бірінші орынбасары лауазымына дейін көтерілген.

2021 – 2022 жылдары Ақтөбе облысының индустриялық-инновациялық даму басқармасы басшысының орынбасары қызметін атқарды.