Ералы Тоғжанов: Басты міндетіміз – төтенше жағдайлардың алдын алу

Ақтөбе облысының әкімі Ералы Тоғжановтың төрағалығымен өңірде су тасқынына қарсы іс-шараларды іске асыру мәселелері бойынша жиын өтті.

Қазіргі уақытта облыстағы үш ірі су қоймасы – Ақтөбе, Сазды және Қарғалыда көктемгі су тасқынын өткізуге сыйымдылық қоры жеткілікті. Су тасқыны салдарының алдын алу және жою үшін инертті материалдардың қажетті қорлары дайындалды.

«Су қоймалары бойынша өзекті мәселелер жоқ, бірақ еріген су ағынының табиғи арналары бақылауда болуы керек, олар бойынша нақты шаралар қабылдануы тиіс. Су тасқыны кезеңіне дайындықты және оның өтуін қадағалап отыру қажет. Басты міндетіміз – төтенше жағдайлардың алдын алу», - деп атап өтті өңір басшысы.

Ералы Тоғжанов Ақтөбе қаласы мен облыс аудандарының әкімдерін тыңдады.

Ақтөбе қаласының әкімі Мұрат Жөребеков облыс орталығының аумағында су тасқынына қарсы іс-шаралар бекітілген жұмыс жоспарына сәйкес жүргізіліп жатқанын баяндады. Жауын-шашын мен арналарды қайта тазарту, жаңаларын орнату, қолданыстағы бөгеттерді нығайту және салу, Сазды өзенінің жағалауын топырақ үйіндісімен көтеру жұмыстары жалғасуда. Қаланың су басу қаупі бар аудандарында қар қайтадан шығарылады. 28 ақпаннан бастап арнайы техниканың саны артады, деп хабарлады М.Жөребеков. Бүгінде барлығы 154 мың текше метр қар арнайы полигондарға шығарылған.

Облыс әкімі Ақтөбе қаласы мен 12 ауданның әкімдеріне ТЖ департаментімен бірлесіп, еріген және тасқын сулардың жоғары көлемін өткізу үшін көпірлерді, арықтарды, өзен арналарын, гидротехникалық құрылыстар мен бөгеттерді дайындауды тоқтатпай, су тасқыны жағдайының тұрақты мониторингін күшейтуді тапсырды.