Облыс әкімі Бас мүфти Наурызбай қажы Тағанұлымен кездесті
Бейсенбі, 17 наурыз күні Ақтөбе облысының әкімі Оңдасын Оразалин Бас мүфти Наурызбай қажы Тағанұлымен кездесті.
Қазақстан мұсылмандары діни басқармасының төрағасы аталмыш мекеменің ағымдағы қызметінің негізгі бағыттары мен алдағы кезеңдегі жоспарлары жайында айтып берді.
Тараптар сондай-ақ өңірдегі діни ахуалды талқылап, тұрақты екенін атап өтті.
Кездесу соңында облыс әкімі жақындап келе жатқан қасиетті Рамазан айымен құттықтап, еліміздің тұрақтылығы жолында қызмет етіп жүрген дін өкілдеріне алғысын білдірді.
Ақтөбе облысы әкімінің баспасөз қызметі