Облыс әкімі Өзбекстанның Қазақстандағы елшісімен кездесті
Ақтөбе облысының әкімі Оңдасын Оразалин Өзбекстан республикасының Қазақстан республикасындағы төтенше және өкілетті елшісі Саидикрам Ниязходжаевпен кездесті. Әңгімелесу кезінде Ақтөбе облысы мен Өзбекстан арасындағы сауда-экономикалық, мәдени-гуманитарлық ынтымақтастықты дамыту сұрақтары талқыланды.
Облыс әкімі мемлекет басшыларының арқасында ілгері дамып жатқан Қазақстан мен Өзбекстан, соның ішінде өңірлер арасындағы дәстүрлі жылы әрі достық қарым-қатынасты атап өтті.
О.Оразалин: «Біздің көшбасшыларымыздың арқасында мемлекеттеріміз арасындағы саяси байланыстар сапалы жаңа деңгейге шықты, бұл өз кезегінде іскерлік өзара байланыстардың дамуына және Қазақстан мен Өзбекстан өңірлері арасындағы өзара іс-қимылдың кеңеюіне жаңа серпін берді»,- деп атап өтті.
Осы жылдың бірінші тоқсанының қорытындысы бойынша Ақтөбе облысы мен Өзбекстан арасындағы тауарайналым 29,3 млн. долларды құрады. Сонымен қатар, ауылшаруашылығының машина құрылысы, тігін және трикотаж бұйымдарын шығару, фармацевтика салаларында екіжақты қарым-қатынасты дамыту үшін үлкен әлеует бар екені атап өтілді.
Соған байланысты, қосымша автомобиль мен теміржолдың өткізу бекеттерін, жаңа әуе рейстерін ашу және т.б. сияқты өңіраралық ынтымақтастықты әрі қарай табысты дамытуға септігін тигізетін сұрақтар қаралды.
Өзбекстанның Қазақстандағы төтенше және өкілетті елшісі: «Қазақстан екіжақты қарым-қатынаста біздің стратегиялық әріптес болып табылады. Республикалардың өңірлері арасындағы екіжақты байланысты қалыптастыру, дамыту жұмыстары жүргізілуде. Әрине, Ақтөбе облысы зерттеліп жатыр. Индустрияның да, агроөнеркәсіптің де экономикалық әлеуеті жоғары. Бізге сонысы қызық. Бизнестің көп өкілі қазақстандық серіктестермен ынтымақтас болуға мүдделі»,- деп атап өтті.
Қазіргі таңда облыс аумағында өзбек капиталы бар 31 кәсіпорын тіркелген.
Ақтөбе облысы әкімінің баспасөз қызметі