Қастерлі отанымызға қалтқысыз қызмет ету және оны қорғау – әрбір азаматтың қасиетті борышы.
Патриотизм, Отанға деген сүйіспеншілік, қай кезде де ұлтымыздың негізгі тірегі болды. Халқымыз сын сағатта туған елге деген перзенттік парызды бәрінен биік қоя білген.
Бүгінгі күні барлық өңірлерде күзгі әскерге шақыру науқаны ұйымдастырылуда. Әскери қызметке байланысты толғандырып жүрген мәселелерді талқылау мақсатында азаматтық қоғам институттарымен өзара іс-қимыл жөніндегі уәкілетті тұлғалардың және «Сердца матерей» қоғамдық бірлестігінің қолдауымен а.ж. 16 қыркүйек күні кездесу ұйымдастырылды.
Шараға 18 жасқа толған студенттердің ата-аналары шақыртылды.
Шара барысында Ақтөбе гарнизонының, Қорғаныс істері жөніндегі департаменті, ҚР Ұлттық Ұланы 30238, 6655 әскери бөлімдерінің мамандары әскери қызметтің негізгі бағыттарын түсіндіріп, ата-аналардың толғандырып жүрген сұрақтарына жауап берді.