"Мемлекеттік сатып алу туралы" Қазақстан Республикасы Заңының 3-бабының 21) тармақшасына сәйкес БҰЙЫРАМЫН:
1. Осы бұйрыққа 1-қосымшаға сәйкес қоса беріліп отырған Мемлекеттік сатып алуды жүзеге асыру қағидалары бекітілсін.
2. Осы бұйрыққа 2-қосымшаға сәйкес Қазақстан Республикасы Қаржы министрлігінің кейбір бұйрықтарының күші жойылды деп танылсын.
3. Қазақстан Республикасы Қаржы министрлігінің Мемлекеттік сатып алу және квазимемлекеттік секторының сатып алу заңнамасы департаменті Қазақстан Республикасының заңнамасында белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың Қазақстан Республикасы Қаржы министрлігінің интернет-ресурсында орналастырылуын;
3) осы бұйрық Қазақстан Республикасы Әділет министрлігінде мемлекеттік тіркеуден өткеннен кейін он жұмыс күні ішінде Қазақстан Республикасы Қаржы министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.
4. Осы бұйрық 2025 жылғы 1 қаңтардан бастап қолданысқа енгізіледі және ресми жариялануы тиіс.
| Қазақстан Республикасының Қаржы министрі |
М. Такиев |
| Қазақстан Реcпубликасының Қаржы министрі 2024 жылғы 9 қазандағы № 687 бұйрығына 1-қосымша |
1. Осы Мемлекеттік сатып алуды жүзеге асыру қағидалары (бұдан әрі – Қағидалар) "Мемлекеттік сатып алу туралы" Қазақстан Республикасының Заңына (бұдан әрі – Заң), "Электрондық құжат және электрондық цифрлық қолтаңба туралы", "Ақпараттандыру туралы" Қазақстан Республикасының Заңдарына сәйкес әзірленді және мемлекеттік сатып алуды жүзеге асыру тәртібін айқындайды.
2. Қағидалар мемлекеттік сатып алуды жүзеге асырудың ерекше тәртібіне сәйкес жүзеге асырылатын мемлекеттік сатып алуға қолданылмайды.
3. Осы Қағидаларда Заңның 3-бабында көзделген ұғымдар, сондай-ақ мынадай ұғымдар пайдаланылады:
1) әлеуетті өнім берушінің қаржылық орнықтылық көрсеткіші – осы Қағидалардың 275-тармағында айқындалған тәртіппен қолданылатын Қазақстан Республикасының ақпараттандыру саласындағы заңнамасына сәйкес интеграциялау жолымен алынған мемлекеттік кірістер органдарының немесе Қазақстан Республикасының резиденті емес әлеуетті өнім берушінің тиісті уәкілетті органының ақпараттық жүйелерінің деректеріне сәйкес веб-порталда автоматты түрде айқындалатын әлеуетті өнім берушінің кірістері, төленген салықтары және еңбегіне ақы төлеу қоры бойынша көрсеткіштердің жиынтығы (бұдан әрі-Мемлекеттік кірістер органдары);
2) бастапқы баға – әлеуетті өнім беруші аукцион өткізілгенге дейін ұсынған, аукционға қатысуға өтінімге қоса берілетін, аукцион нысанасының бөлінген сомасынан бес пайыздан аспайтын баға;
3) бірыңғай сатып алу платформасы (бұдан әрі – веб-портал) – мемлекеттік сатып алу саласындағы уәкілетті органның ақпараттық жүйесі, ол мемлекеттік сатып алудың және "Квазимемлекеттік сектордың жекелеген субъектілерінің сатып алуы туралы" Қазақстан Республикасының Заңына сәйкес жүзеге асырылатын сатып алудың электрондық көрсетілетін қызметтеріне қол жеткiзудiң бірыңғай нүктесiн ұсынады;
4) веб-порталға қатысушы – Заңның 16-бабы 3-тармағының 3), 6), 22), 23) және 25) тармақшаларға сәйкес тауарларды, жұмыстарды, көрсетілетін қызметтерді сатып алу жөніндегі өнім берушілерді қоспағанда, веб-порталда тіркеуден өткен тапсырыс беруші, мемлекеттік сатып алуды ұйымдастырушы, бірыңғай ұйымдастырушы, әлеуетті өнім беруші;
5) веб-порталда тіркелу – мемлекеттік сатып алу жүйесі субъектісін веб-портал арқылы мемлекеттік сатып алуға қатысуға жіберу;
6) дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі мемлекеттік кәсіпорындардың, заңды тұлғалардың үлестес тұлғалары – дауыс беретін акцияларының (жарғылық капиталға қатысу үлестерінің) елу және одан да көп пайызы тікелей не жанама түрде дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі мемлекеттік кәсіпорындарға, заңды тұлғаларға тиесілі заңды тұлғалар. Жанама тиесілілік өзге заңды тұлғаның дауыс беретін акцияларының (жарғылық капиталға қатысу үлестерінің) елу және одан да көп пайызының әрбір кейінгі үлестес тұлғаға тиесілі болатынын білдіреді;
7) демпингтік баға – осы Қағидаларда айқындалатын шекті мәннен төмен болып табылатын әлеуетті өнім беруші ұсынған баға;
8) жеке кабинет – мемлекеттік сатып алу рәсімдерін, сатып алуға қатысуларын, сондай-ақ веб-порталда орналастырылған автоматтық хабарламалар мен мәліметтерді алуды жүзеге асыруға арналған пайдаланушының веб-порталдағы автоматтандырылған жұмыс орны;
9) конкурстық комиссия (аукциондық комиссия) – Заңда көзделген конкурс (аукцион) тәсілімен мемлекеттік сатып алу рәсімдерін өткізу үшін ұйымдастырушы, бірыңғай ұйымдастырушы құратын алқалы орган. Конкурстық комиссия (аукциондық комиссия) тақ саннан, бірақ кемінде үш адамнан тұруы тиіс;
10) қазынашылық сүйемелдеу – құрылыс объектілері бойынша құрылыспен байланысты бюджеттік инвестициялық жобаларды іске асыруға бөлінген қаражаттың мақсатты пайдаланылуын, қазынашылық органдарындағы шоттар арқылы жүргізілген төлемдердің барлық кезеңдерінде жобаның барлық қатысушыларының – бас мердігерлердің және қосалқы мердігерлердің салықтарды төлеуінің толықтығын қамтамасыз етуді бақылау;
11) құжаттың электрондық көшірмесі – түпнұсқа құжаттың түрін және ондағы ақпаратты (деректерді) электрондық цифрлық нысанда толығымен көрсететін құжат;
12) құнның ірілендірілген көрсеткіштері – конструктив пен жұмыс түрлерінің өлшем бірлігіне конструктивтік элементтердің сметалық құнының ірілендірілген көрсеткіштері;
13) мемлекеттік сатып алу саласындағы жұмыс тәжірибесінің тізілімі (бұдан әрі – жұмыс тәжірибесінің тізілімі) – Қазақстан Республикасы Қаржы министрінің 2024 жылғы 26 қыркүйектегі № 646 бұйрығымен бекітілген Мемлекеттік сатып алу саласында тізілімдерді қалыптастырудың және жүргізудің қағидаларында (Нормативтік құқықтық актілерді мемлекеттік тіркеу тізілімінде № 35143 болып тіркелген) (бұдан әрі – Мемлекеттік сатып алу саласында тізілімдерді қалыптастырудың және жүргізудің қағидалары) айқындалған тәртіппен веб-порталда қалыптастырылатын, әлеуетті өнім берушілердің жұмыс тәжірибесінің болуын растайтын мәліметтер мен құжаттарды қамтитын электрондық деректер базасы;
14) мемлекеттік сатып алу туралы шарт (бұдан әрі – шарт) – осы Қағидаларда көзделген жағдайларды қоспағанда, тапсырыс беруші мен өнім беруші арасында веб-портал арқылы жасалған, электрондық цифрлық қолтаңбалармен куәландырылған азаматтық-құқықтық шарт;
15) толық бітіріп берілетін құрылыс туралы шарт – жобалау, іздестіру, құрылыс-монтаждау (кеңейту, жаңғырту, техникалық қайта жарақтандыру, реконструкциялау, реставрациялау, күрделі жөндеу) жұмыстарын және басқа да жұмыстарды орындауды, сондай-ақ жобалар мен көрсетілетін техникалық қадағалау қызметтеріне ведомстводан тыс кешенді сараптама жүргізуді қоспағанда, көрсетілген жұмыстарға ілеспе тауарларды беруді және қызметтер көрсетуді қамтитын, объектіні салу және оны пайдалануға беру жөніндегі кешенді жұмыстар нысанасы болып табылатын, шарт;
16) төленген салықтардың көрсеткіші – мемлекеттік кірістер органдарының ақпараттық жүйелерінің деректері бойынша, осы Қағидалардың 57-тармағы 2) тармақшасының екінші бөлігіне сәйкес есептелетін алдыңғы жылдың алдындағы үш жылдың ішінде әлеуетті өнім берушінің кірістерінің сомасына төленген салықтардың сомасының пайыздық қатынасы;
17) уәкілетті өкіл – веб-порталға қатысушының бірінші басшысының тиісті шешімімен веб-порталда барлық іс-қимылдарды атқаруға, соның ішінде Қазақстан Республикасының заңнамасына сәйкес электрондық құжаттардың көшірмелерін куәландыруға уәкілеттілік берілген веб-порталға қатысушының қолданушысы;
18) форматтық-логикалық бақылау – веб-порталда белгіленетін, веб-порталды пайдаланушылардың Қазақстан Республикасының мемлекеттік сатып алу туралы заңнамасын сақтауын қамтамасыз етуге бағытталған бағдарламалық шектеулер кешені;
19) электрондық құжат – өзіндегі ақпарат электрондық цифрлық нысанда ұсынылған және электрондық-цифрлық қолтаңба арқылы куәландырылған құжат;
20) электрондық сауда алаңы – уәкілетті органмен келісім бойынша бірыңғай оператор айқындайтын талаптарға сәйкес келетін, сатып алуға қатысушыларға электрондық дүкен арқылы веб-порталдың қызметтеріне қолжеткізуді ұсынатын мемлекеттік емес ақпараттық жүйе;
21) электрондық цифрлық қолтаңба – электрондық цифрлық қолтаңба құралдарымен жасалған және электрондық құжаттың шынайылығын, оның тиесілігін және мазмұнының өзгермегенін растайтын электрондық цифрлық нышандар терімі.
Ескерту. 3-тармаққа өзгеріс енгізілді - ҚР Қаржы министрінің 09.12.2024 № 809 (01.01.2025 бастап қолданысқа енгізіледі) бұйрығымен.
4. Осы Қағидаларда пайдаланатын басқа да ұғымдар Қазақстан Республикасының қолданыстағы заңнамаға сәйкес қолданылады.
5. Осы Қағидалардың 11-тармағында көзделген жағдайларды қоспағанда, тапсырыс беруші мемлекеттік сатып алуды жүзеге асыру туралы шешімді мемлекеттік сатып алудың бекітілген немесе нақтыланған жылдық жоспары (мемлекеттік сатып алудың алдын ала жоспары) негізінде қабылдайды.
6. Заңның 6-бабының 2-тармағына сәйкес тапсырыс беруші тиісті бюджет (даму жоспары), Қазақстан Республикасының заңнамасына сәйкес Арнайы мемлекеттік қорынан бөлінген ақша немесе жеке қаржыландыру жоспары негізінде осы Қағидаларға 1-қосымшаға сәйкес нысан бойынша мемлекеттік сатып алудың жылдық жоспарын әзірлейді және бекітеді.
Бұл ретте, мемлекеттік сатып алуды жүзеге асыру мерзімдері мен көлемі белгіленген тәртіппен бекітілген инвестициялық ұсыныста, техникалық-экономикалық негіздемеде, жобалау (жобалау-сметалық) құжаттамасында көрсетілген қаржыландыру мерзімдері мен көлемдеріне сәйкес келуге тиіс.
Ескерту. 6-тармақ жаңа редакцияда - ҚР Қаржы министрінің 28.07.2025 № 396 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
7. Тиісті бюджеттік комиссияның оң ұсынысы негізінде тапсырыс беруші тиісті бюджет бекітілгенге (нақтыланғанға) дейін осы Қағидаларға 1-қосымшаға сәйкес нысан бойынша мемлекеттік сатып алудың алдын ала жылдық жоспарын әзірлеуге және бекітуге құқылы.
Мемлекеттік кәсіпорындар, дауыс беретін акцияларының (жарғылық капиталға қатысу үлестерінің) елу пайыздан астамы мемлекетке тиесiлi заңды тұлғалар болып табылатын тапсырыс берушілер даму жоспары немесе жеке қаржыландыру жоспары бекітілгенге дейін мемлекеттік сатып алудың алдын ала жылдық жоспарын әзірлеуге және бекітуге құқылы.
Көрсетілген жағдайларда мемлекеттік сатып алудың алдын ала жылдық жоспары тиісті бюджет (даму жоспары) немесе жеке қаржыландыру жоспары бекітілгенге дейінгі сатыларда да, нақтыланғанға дейінгі сатыларда да жеке әзірленеді және бекітіледі.
8. Мемлекеттік сатып алудың алдын ала жылдық жоспары мемлекеттік сатып алудың жылдық жоспары бекітілгенге (нақтыланғанға) дейін қолданылады.
9. Мемлекеттік сатып алудың алдын ала жылдық жоспарында көзделген мемлекеттік сатып алу туралы мәліметтер мемлекеттік сатып алудың жылдық жоспарына ауысады.
10. Тапсырыс беруші тиісті бюджет (даму жоспары) немесе жеке қаржыландыру жоспары бекітілген (нақтыланған) күннен бастап он жұмыс күні ішінде мемлекеттік сатып алудың жылдық жоспарын бекітеді (нақтылайды).
11. Заңның 16-бабы 3-тармағының 3), 6), 21) 22), 23) және 24) тармақшаларына сәйкес жүзеге асырылатын мемлекеттік сатып алу туралы мәліметтер мемлекеттік сатып алудың жылдық жоспарына (мемлекеттік сатып алудың алдын ала жылдық жоспарына) енгізілуге жатпайды.
12. Мемлекеттік сатып алудың жылдық жоспары (Мемлекеттік сатып алудың алдын ала жылдық жоспары) мынадай мәліметтерді қамтиды:
1) мемлекеттік сатып алудың сәйкестендіру коды;
2) мемлекеттік сатып алуды жүзеге асыру үшін бөлінген сомаларды, оның ішінде қосылған құн салығын есепке алмағанда алдын ала төлемнің (аванстың) мөлшерін қоса алғанда, анықтамалыққа сәйкес тауарлардың, жұмыстардың, көрсетілетін қызметтердің номенклатурасын;
3) мемлекеттік сатып алуды жүзеге асыру тәсілі мен мерзімдері;
4) Заңның 17-бабында көзделген жағдайларда, әрбір қаржы жылына бөлінген және көзделген сомалар шегінде, графикке сәйкес және жылдар бойынша бөле отырып, тауарлар жеткізудің, жұмыстар орындаудың, қызметтер көрсетудің мерзімдері;
5) Заңның 27-бабына сәйкес мемлекеттік сатып алуды жүзеге асыру шарттары;
6) мемлекеттік сатып алу нысанасының белгісі.
13. Заңның 10-бабының 1-тармағына сәйкес мемлекеттік сатып алу мынадай тәсілдердің бірімен жүзеге асырылады:
1) конкурс;
2) аукцион;
3) баға ұсыныстарын сұрату;
4) бір көзден алу;
5) электрондық дүкен арқылы.
Бұл ретте, осы тармақтың 1) тармақшасында көзделген конкурс тәсілімен мемлекеттік сатып алу осы Қағидаларда көзделген ерекшеліктермен жүзеге асырылады, оның ішінде:
1) біліктілікті алдын ала іріктеумен жүргізілетін конкурс;
2) рейтингтік-балдық жүйе пайдаланылатын конкурс;
3) толық бітіріп берілетін құрылыс бойынша конкурс.
Тізбесі мен көлемін Заңның 27-бабының 7-тармағына сәйкес уәкілетті орган бекітетін шағын және орта кәсіпкерлік субъектілерінен сатып алынатын тауарларды, жұмыстар мен көрсетілетін қызметтерді мемлекеттік сатып алу осы Қағидаларда айқындалған тәртіппен осы тармақтың 1), 2) және 3) тармақшаларда көзделген тәсілдермен жүзеге асырылады.
14. Мемлекеттік сатып алудың жылдық жоспарын (мемлекеттік сатып алудың алдын ала жылдық жоспарын) әзірлеу кезінде тапсырыс беруші Заңның 6-бабының 3-тармағына сәйкес тауарларды, жұмыстарды, көрсетілетін қызметтерді олардың біртекті түрлері және оларды жеткізу (орындау, көрсету) орны бойынша лоттарға бөлуге міндетті, бұған мыналар жатпайды:
1) өзара байланысты жұмыстар, көрсетілетін қызметтер кешенін көздейтін жұмыстарды, көрсетілетін қызметтерді сатып алу;
2) осы Қағидаларға 2-қосымшаға сәйкес тізбе бойынша тауарларды, жұмыстарды, көрсетілетін қызметтерді сатып алу;
Тауарларды жеткізудің, қызметтерді көрсетудің кемінде бес орны болған жағдайда лотта тауарларды жеткізудің, қызметтерді көрсетудің бірнеше орындарын көрсетуге жол беріледі.
15. Мемлекеттік сатып алудың жылдық жоспарын бюджетке (даму жоспарына), Қазақстан Республикасының заңнамасына сәйкес Арнайы мемлекеттік қорынан бөлінген ақшаға немесе шарттар жасасу талап етілетін экономикалық сыныптаманың (шығыстар баптары) жиынтық ерекшеліктері бойынша жеке қаржыландыру жоспарына сәйкес келмейтін көлемде бекітуге (нақтылауға) жол берілмейді.
Егер қаржыландыру көзі республикалық және жергілікті бюджеттерден тұратын болса, тапсырыс беруші бөлінген қаражаттың бар екенін растайтын тиісті бюджет комиссиясының және (немесе) мәслихаттың шешімін веб-порталға орналастырады.
Ескерту. 15-тармақ жаңа редакцияда - ҚР Қаржы министрінің 28.07.2025 № 396 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
16. Тапсырыс беруші мемлекеттік сатып алудың жылдық жоспары (мемлекеттік сатып алудың алдын ала жылдық жоспары) бекітілген күннен бастап бес жұмыс күні ішінде Қазақстан Республикасының мемлекеттік құпиялар туралы заңнамасына сәйкес мемлекеттік құпияларды құрайтын және (немесе) Қазақстан Республикасының Үкіметі айқындаған таратылуы шектелген қызметтік ақпаратты қамтитын мәліметтерді қоспағанда, оны веб-порталда орналастыруға міндетті.
17. Тапсырыс берушілер мемлекеттік сатып алудың жылдық жоспарына осы Қағидалардың 28-тармағымен көзделген жағдайларды қоспағанда, айына екі реттен асырмай өзгерістер және (немесе) толықтырулар енгізуге құқылы.
18. Тапсырыс беруші мемлекеттік сатып алудың жылдық жоспарына (мемлекеттік сатып алудың алдын ала жылдық жоспарына) өзгерістер және (немесе) толықтырулар енгізу туралы шешім қабылданған күннен бастап бес жұмыс күні ішінде Қазақстан Республикасының мемлекеттік құпиялар туралы заңнамасына сәйкес мемлекеттік құпияларды құрайтын және (немесе) Қазақстан Республикасының Үкіметі айқындаған таратылуы шектелген қызметтік ақпаратты қамтитын мәліметтерді қоспағанда, енгізілген өзгерістерді және (немесе) толықтыруларды веб-порталда орналастыруға міндетті.
19. Заңның 16-бабы 3-тармағының 3), 6), 21, 22), 23) және 24) тармақшаларына сәйкес тауарларды, жұмыстарды, көрсетілетін қызметтерді сатып алуды қоспағанда, бекітілген (нақтыланған) мемлекеттік сатып алудың жылдық жоспарында (мемлекеттік сатып алудың алдын ала жылдық жоспарында) көзделмеген тауарларды, жұмыстарды, көрсетілетін қызметтерді сатып алуға жол берілмейді.
20. Конкурс, аукцион тәсілімен мемлекеттік сатып алуды жүзеге асырған кезде бірыңғай оператор Заңның 15-бабы 5-тармағының талаптарын ескере отырып, мемлекеттік сатып алу қорытындылары шығарылғанға дейін әлеуетті өнім берушілердің конкурстық баға ұсыныстарының (бастапқы бағаларының) құпиялылығын қамтамасыз етеді.
21. Заңның 6-бабының 10-тармағына сәйкес тапсырыс беруші мемлекеттік сатып алу қорытындылары шығарылғанға дейін:
1) Қазақстан Республикасының заңнамасына сәйкес тиісті бюджетті, бюджет жобасын нақтылау (түзету) кезінде болған, бекітілген (нақтыланған) мемлекеттік сатып алудың жылдық жоспарында (мемлекеттік сатып алудың алдын ала жылдық жоспарында) көзделген тауарларды, жұмыстарды, көрсетілетін қызметтерді сатып алуға арналған шығыстар қысқартылған;
2) Қазақстан Республикасының заңнамасына сәйкес мемлекеттік органның стратегиялық жоспарына, тапсырыс берушінің бюджетіне (даму жоспарына) немесе жеке қаржыландыру жоспарына бекітілген (нақтыланған) мемлекеттік сатып алудың жылдық жоспарында (мемлекеттік сатып алудың алдын ала жылдық жоспарында) көзделген тауарларды, жұмыстарды, көрсетілетін қызметтерді сатып алу қажеттігін жоққа шығаратын өзгерістер мен толықтырулар енгізілген жағдайларда, мемлекеттік сатып алуды жүзеге асырудан бас тартуға құқылы.
Осы тармақтың бірінші бөлігінің 2) тармақшасында көзделген жағдайда, бюджетті (даму жоспарына сәйкес ақшаны), Қазақстан Республикасының заңнамасына сәйкес Арнайы мемлекеттік қорынан бөлінген ақшаны немесе жеке қаржыландыру жоспарына сәйкес ақшаны басқа тапсырыс берушіге қайта бөлуге, сол сияқты мемлекеттік сатып алудың жылдық жоспарына (мемлекеттік сатып алудың алдын ала жылдық жоспарына) ағымдағы жылы осындай тауарларды, жұмыстарды, көрсетілетін қызметтерді сатып алуға бағытталған өзгерістер мен толықтырулар енгізуге жол берілмейді.
Ескерту. 21-тармақ жаңа редакцияда - ҚР Қаржы министрінің 28.07.2025 № 396 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
22. Тапсырыс беруші не ұйымдастырушы өткізілетін мемлекеттік сатып алуға қатысатын тұлғаларды осы Қағидалардың 21-тармағында көрсетілген шешім қабылдаған күннен бастап бес жұмыс күні ішінде қабылданған шешім туралы хабардар етуге міндетті.
23. Қазақстан Республикасы Үкіметінің шешімімен ұлттық режимнен алып қоюлар белгіленген тауарларды, жұмыстарды, қызметтерді мемлекеттік сатып алулар:
1) қазақстандық тауар өндірушілердің не көлік құралдары мен ауыл шаруашылығы техникасын өндірушілердің өкілдерінің (дистрибьюторларының немесе дилерлерінің) тізілімінде;
2) сенімді бағдарламалық қамтамасыз ету және электрондық өнеркәсіп өнімдерінің тізілімінде орналасқан жеке және заңды тұлғалар арасында жүзеге асырылады.
Әлеуетті өнім берушінің осы тармақтың 1) тармақшасында қойылатын талаптарға сәйкестігін веб-портал индустриялық даму саласындағы уәкілетті органның және (немесе) "Атамекен" Қазақстан Республикасының Ұлттық кәсіпкерлер палатасының деректері негізінде автоматты түрде айқындайды.
Әлеуетті өнім берушінің осы тармақтың 2) тармақшасында қойылатын талаптарға сәйкестігін веб-портал сенімді бағдарламалық қамтамасыз ету мен электрондық өнеркәсіп өнімдерінің тізілімін қалыптастыратын электрондық өнеркәсіп саласындағы уәкілетті органның деректері негізінде автоматты түрде айқындайды.
Ұсынылған өтінімдердің болмауына байланысты мемлекеттік сатып алу өтпеді деп танылған жағдайда, мұндай мемлекеттік сатып алу барлық әлеуетті өнім берушілер арасында Заңның 10-бабында айқындалған бәсекелестік тәсілдермен жүзеге асырылады.
Ескерту. 23-тармаққа өзгеріс енгізілді - ҚР Қаржы министрінің 24.06.2025 № 321 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
24. Тапсырыс берушілер мемлекеттік сатып алудың жылдық жоспарында (мемлекеттік сатып алудың алдын ала жылдық жоспарында) :
1) құрылыс-монтаждау жұмыстарын;
2) Қазақстан Республикасы Үкіметінің шешімімен ұлттық режимнен алып қоюлар белгіленген тауарларды мемлекеттік сатып алуды жүзеге асыру кезінде қосылған құн салығын есепке алмағанда, мемлекеттік сатып алуды жүзеге асыру үшін бөлінген соманың отыз пайызы мөлшерінде алдын ала төлемді (аванс) көрсетеді.
25. Мемлекеттік сатып алуды жүзеге асыру кезінде, оның ішінде өзге тауарлар, жұмыстар, көрсетілетін қызметтер бойынша алдын ала төлемді (авансты) көрсетуді тапсырыс беруші бюджет заңнамасына сәйкес қаржыландырудың болуына қарай дербес көрсетеді.
26. Құрылыс-монтаждау жұмыстарын мемлекеттік сатып алуды жүзеге асыру кезінде тапсырыс берушілер веб-порталда мемлекеттік сатып алудың жылдық жоспарында (мемлекеттік сатып алудың алдын ала жылдық жоспарында) жобаның ведомстводан тыс кешенді сараптамасының оң қорытындысымен жобалау-сметалық құжаттаманы орналастырады. Бұл ретте, бұл талап толық бітіріп берілетін кешенді құрылыс бойынша мемлекеттік сатып алуды жүзеге асыруға қолданылмайды.
27. Жобалау (жобалау-сметалық) құжаттамасын әзірлеу жөніндегі жұмыстарды мемлекеттік сатып алуды жүзеге асыру кезінде тапсырыс беруші веб-порталда осы объект бойынша жобалау-іздестіру жұмыстарының құнын есептеуді орналастырады.
28. Осы Қағидалардың 17-тармағының талабы:
1) дауыс беретін акцияларының (жарғылық капиталға қатысу үлестерінің) елу пайызынан астамы мемлекетке тиесілі мемлекеттік кәсіпорындардың, заңды тұлғалардың және олармен үлестес заңды тұлғалардың мемлекеттік сатып алуды жүзеге асыруы;
2) бақылау іс-шараларының нәтижелері бойынша, оның ішінде камералдық бақылау нәтижелері бойынша анықталған бұзушылықтарды жою туралы нұсқамалардың, хабарламалардың орындалуы;
3) бөлінетін бюджеттік бағдарламаларды бөлу, сондай-ақ Қазақстан Республикасының заңнамасына сәйкес тиісті бюджетті нақтылау (түзету) кезінде мемлекеттік сатып алуды жүзеге асыру;
4) осы Қағидалардың 172-тармағы бірінші бөлігінің 1) тармақшасында және 355-тармағы бірінші бөлігінің 1) тармақшасында көзделген шешімді қабылдау;
5) өкілдік шығыстарға байланысты тауарларды, көрсетілетін қызметтерді сатып алу;
6) өткізілген мемлекеттік сатып алу қорытындылары бойынша үнемдеу есебінен тауарларды, жұмыстарды, көрсетілетін қызметтерді сатып алу;
7) Қазақстан Республикасының заңнамасына сәйкес Арнайы мемлекеттік қорынан бөлінген ақша есебінен мемлекеттік сатып алуды жүзеге асыру;
8) тапсырыс берушінің мемлекеттік сатып алу рәсімдерін ұйымдастыруға және өткізуге арналған тапсырмасын қарау нәтижелері бойынша әзірленген ескертулерді жою, сондай-ақ ұйымдастырушының (бірыңғай ұйымдастырушының) ұсыныстары мен ұсынымдарын қабылдау мақсатында тапсырыс берушінің мемлекеттік сатып алудың жылдық жоспарына өзгерістер және (немесе) толықтырулар енгізуі жағдайларында қолданылмайды.
Ескерту. 28-тармақ жаңа редакцияда - ҚР Қаржы министрінің 28.07.2025 № 396 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
29. Тапсырыс беруші, ұйымдастырушы, бірыңғай ұйымдастырушы не бірыңғай оператор Заңның 6-бабының 10-тармағында көрсетілген шешім қабылданған күннен бастап бес жұмыс күні ішінде конкурс, аукцион, баға ұсыныстарын сұрату тәсілдерімен мемлекеттік сатып алуға қатысу кезінде әлеуетті өнім берушілердің енгізілген өтінімдерін қамтамасыз етуді қайтарады.
Ескерту. 29-тармақ жаңа редакцияда - ҚР Қаржы министрінің 09.12.2024 № 809 (01.01.2025 бастап қолданысқа енгізіледі) бұйрығымен.
30. Қазақстан Республикасының заңнамасына сәйкес Арнайы мемлекеттік қорының қаражаты есебінен қаржыландырылатын мемлекеттік сатып алу осы тарауда және Заңның 6-бабында көзделген талаптар сақтала отырып жүзеге асырылады.
Ескерту. 30-тармақ жаңа редакцияда - ҚР Қаржы министрінің 28.07.2025 № 396 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
31. Тапсырыс беруші мен ұйымдастырушы бір тұлға ретінде әрекет ететін жағдайларды қоспағанда, мемлекеттік сатып алуды ұйымдастыру және өткізу рәсімдерін орындау үшін тапсырыс беруші ұйымдастырушыны және тапсырыс берушінің алда болатын мемлекеттік сатып алуда мүдделерін білдіретін лауазымды адамын айқындайды.
32. Тапсырыс беруші мемлекеттік сатып алуды ұйымдастыру және өткізу рәсімін орындауға жауапты өз құрылымдық бөлімшесінің немесе лауазымды тұлғасының атынан ұйымдастырушы бола алады.
33. Тапсырыс беруші ұйымдастырушы етіп тапсырыс берушінің ведомстволық бағынысты мемлекеттік мекемесін айқындай алады
34. Тапсырыс беруші тапсырыс берушіге ведомстволық бағынысты бірнеше мемлекеттік мекеме үшін ұйымдастырушы ретінде әрекет ете алады.
35. Тапсырыс беруші тапсырыс берушіге ведомстволық бағынысты бірнеше мемлекеттік мекеме үшін олардың арасынан ұйымдастырушыны айқындай алады.
36. Бюджеттік бағдарламаның әкімшісі өзіне ведомстволық бағынысты мемлекеттік мекеме, өзіне қатысты мемлекеттік басқару органы болып табылатын заңды тұлға не Бюджеттік бағдарламаның әкімшісі өзіне қатысты мемлекеттік басқару органы болып табылатын заңды тұлғамен үлестес тұлға үшін ұйымдастырушы ретінде әрекет ете алады.
Бюджеттік бағдарламаның әкімшісі өзіне қатысты мемлекеттік басқару органы, ведомстволар мен ведомстволық бағынысты ұйымдар болып табылатын бірнеше заңды тұлғалар үшін олардың арасында ұйымдастырушыны айқындай алады.
Мемлекеттік кәсіпорын онымен үлестес тұлғалар үшін ұйымдастырушы бола алады.
Дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі заңды тұлға онымен үлестес тұлғалар үшін ұйымдастырушы бола алады.
37. Тапсырыс беруші мен ұйымдастырушы бір тұлғада әлеуетті өнім берушілер, тиісті комиссиялар және сарапшы болатын жағдайларды қоспағанда, ұйымдастырушы оны тапсырыс берушімен өзара қарым-қатынаста ұсынатын лауазымды адамды айқындайды. Ұйымдастырушының өкілі мемлекеттік сатып алуды ұйымдастыру және өткізу рәсімдерін орындауға жауапты құрылымдық бөлімшенің қызметкерлері қатарынан айқындалады.
38. Орталықтандырылған мемлекеттік сатып алуларды бірыңғай ұйымдастырушылармен жүзеге асырылады.
39. Уәкілетті орган, олар бойынша бірыңғай ұйымдастырушылар мемлекеттік сатып алуды жүзеге асыратын тауарлардың, жұмыстардың, көрсетілетін қызметтердің тізбелерін айқындайды.
40. Бірыңғай ұйымдастырушы ерекше тәртіпті қолдана отырып, мемлекеттік әлеуметтік тапсырыста көзделген қызметтерді, кәсіпкерлік қызмет субъектісі болып табылмайтын жеке тұлғаға жеке меншік құқығымен тиесілі тұрғынжайды мемлекеттік сатып алуларды қоспағанда, уәкілетті орган айқындайтын тауарлардың, жұмыстардың, көрсетілетін қызметтердің тізбесі бойынша орталықтандырылған мемлекеттік сатып алуды жүзеге асырады.
41. Мемлекеттік сатып алуды бірыңғай ұйымдастырушы осы Қағидаларда айқындалған тәртіппен осындай мемлекеттік сатып алуды өткізумен бірыңғай ұйымдастырушының келісімі болған жағдайда, осы Қағидалардың 40-тармағында көзделген тізбелерге енгізілмеген тауарларды, жұмыстарды, көрсетілетін қызметтерді сатып алуға тапсырыс берушілердің өтінімдері бойынша орталықтандырылған мемлекеттік сатып алуды жүзеге асырады.
42. Тапсырыс беруші орталықтандырылған мемлекеттік сатып алуды жүзеге асыру туралы шешім қабылданған күннен бастап бес жұмыс күні ішінде веб-портал арқылы бірыңғай ұйымдастырушыға осы Қағидалардың 8-тарауының 2-параграфында көзделген мәліметтер мен құжаттарды қамтитын мемлекеттік сатып алуды жүргізуге арналған өтінімді жібереді.
43. Бірыңғай ұйымдастырушы тапсырыс берушіден мемлекеттік сатып алуды жүргізуге өтінім келіп түскен күннен бастап бес жұмыс күні ішінде оны мынадай шешімдердің бірін қабылдай отырып, Заңның, осы Қағидалардың Қазақстан Республикасы заңнамасының өзге де нормаларының талаптарына сәйкестігі тұрғысынан қарайды:
1) мемлекеттік сатып алуды жүргізуге арналған өтінім Заңның, осы Қағидалардың, Қазақстан Республикасы заңнамасының өзге де нормаларының талаптарына сәйкес келмеген жағдайда, бас тарту себебін көрсете отырып, мемлекеттік сатып алуды жүргізуге арналған өтінімді қабылдамайды;
2) мемлекеттік сатып алуды жүргізуге арналған өтінім Заңның, осы Қағидалардың, Қазақстан Республикасы заңнамасының өзге де нормаларының талаптарына сәйкес келген жағдайда осындай өтінімді растайды
44. Бірыңғай ұйымдастырушы осы Қағидалардың 43-тармағының 1) тармақшасында көзделген шешімді қабылдаған жағдайда, тапсырыс беруші үш жұмыс күні ішінде көрсетілген сәйкессіздіктерді жояды және бірыңғай ұйымдастырушының өтінімді қабылдамауының себебі осы мемлекеттік сатып алуды Қазақстан Республика заңнамасына сәйкес жүзеге асыруға мүмкіндік бермейтін жағдайлар болып табылатын жағдайларды қоспағанда, бірыңғай ұйымдастырушыға орталықтандырылған сатып алуды жүргізуге арналған өтінімді қайта жібереді. Бұл ретте бірыңғай ұйымдастырушы тапсырыс берушінің қайта жіберілген өтінімін бес жұмыс күні ішінде қарайды.
45. Бірыңғай ұйымдастырушы осы Қағидалардың 43-тармағының 2) тармақшасында көзделген шешімді қабылдаған жағдайда, бірыңғай ұйымдастырушы бес жұмыс күні ішінде осы Қағидалардың 115-тармағында көзделген шешімді қабылдайды.
46. Заңның 11-бабының 1-тармағына сәйкес әлеуетті өнім берушілерге және (немесе) тартылатын қосалқы мердігерлерге (бірлесіп орындаушыларға) мынадай біліктілік талаптары қойылады:
1) құқық қабілеттілігінің (заңды тұлғалар үшін), азаматтық әрекетке қабілеттілігінің (жеке тұлғалар үшін) болуы;
2) қаржылық тұрғыдан орнықты болуы және республикалық бюджет туралы заңда тиісті қаржы жылына белгіленген айлық есептік көрсеткіштің алты еселенген мөлшерінен асатын салықтық берешегінің болмауы;
3) банкроттық не таратылу рәсіміне жатқызылмауы;
4) мемлекеттік сатып алу туралы шарт бойынша міндеттемелерді орындау үшін жеткілікті материалдық, еңбек және қаржы ресурстарының болуы, сондай ақ қызметкерлердің алдында жалақы төлеу бойынша мерзімі өткен берешегі жоқ сондай ақ қызметкерлердің алдында жалақы төлеу бойынша мерзімі өткен берешегі жоқ болуы;
5) жұмыс тәжірибесінің болуы.
Мемлекеттік сатып алуды жүзеге асыру мақсаттары үшін жұмыс тәжірибесі мемлекеттік сатып алу шеңберінде орындалған шарттар және олар туралы мәліметтер мемлекеттік органдардың ақпараттық жүйелерінде бар өзге де шарттар бойынша ғана ескеріледі.
Заңды тұлғалар қайта ұйымдастырылған жағдайда (қосылу, бірігу) қайта ұйымдастырылатын заңды тұлғалардың бірінің ең көп жұмыс тәжірибесі ескеріледі.
47. Жұмыстардың не көрсетілетін қызметтердің жекелеген түрлерін орындау үшін қосалқы мердігерлер (бірлесіп орындаушылар) тартылған жағдайда олардың біліктілік талаптарына сәйкестігін растайтын құжаттар олар орындайтын жұмыстардың, көрсетілетін қызметтердің түрлеріне ұсынылады.
48. Осы Қағидалардың 46-тармағы 4) және 5), қаржылық орнықтылыққа ие болу бөлігінде 2) тармақшаларда көзделген біліктілік талаптары тартылатын қосалқы мердігерлерге (бірлесіп орындаушыларға) қолданылмайды.
49. "Рұқсаттар және хабарламалар туралы" Қазақстан Республикасының Заңына (бұдан әрі – Рұқсаттар және хабарламалар туралы заңы) сәйкес орналасуға рұқсат алу, хабарлама жіберу қажет тауарларды, жұмыстарды, көрсетілетін қызметтерді мемлекеттік сатып алуды жүзеге асырған жағдайда ұйымдастырушы және (немесе) тапсырыс беруші әлеуетті өнім берушілерге тиісті рұқсаттың (хабарламаның)болуы туралы талапты белгілеуге міндетті.
50. Айналысуы үшін рұқсат алу, хабарлама жіберу қажет болатын қызмет түрлерін жүзеге асыратын әлеуетті өнім берушінің құқық қабілеттілігі Қазақстан Республикасының ақпараттандыру туралы заңнамасына сәйкес мемлекеттік органдардың ақпараттық жүйелері арқылы расталады.
51. Мемлекеттік органдардың ақпараттық жүйелерінде мәліметтер болмаған жағдайда, әлеуетті өнім беруші Қазақстан Республикасының заңнамасына сәйкес алынған (жіберілген) тиісті рұқсаттың (хабарламаның) нотариат куәландырған немесе электрондық көшірмесін ұсынады.
52. Шарт бойынша міндеттемелерді орындау қажеттігінен тікелей туындамайтын осындай рұқсатының (хабарлама жіберудің) және (немесе) рұқсат беру құжатының кіші түрінің болуы бойынша талаптарды белгілеуге жол берілмейді.
53. Әлеуетті өнім берушінің қаржылық орнықтылығы түріндегі біліктілік талабы:
1) егер тиісті мемлекеттік сатып алудың (лоттың) бөлінген сомасы республикалық бюджет туралы заңда тиісті қаржы жылына белгіленген айлық есептік көрсеткіштің төрт мың еселенген мөлшерінен асатын болса, тауарларды;
2) егер тиісті мемлекеттік сатып алудың (лоттың) бөлінген сомасы республикалық бюджет туралы заңда тиісті қаржы жылына белгіленген айлық есептік көрсеткіштің жиырма мың еселенген мөлшерінен асатын болса, жұмыстарды;
3) егер тиісті мемлекеттік сатып алудың (лоттың) бөлінген сомасы тиісті қаржы жылына арналған республикалық бюджет туралы заңда белгіленген айлық есептік көрсеткіштің сегіз мың еселенген мөлшерінен асатын болса, көрсетілетін қызметтерді мемлекеттік сатып алуға қатысатын әлеуетті өнім берушілерге қойылады.
54. Әлеуетті өнім берушінің қаржылық орнықтылығы түріндегі біліктілік талабы мемлекеттік сатып алудың (лоттың) бөлінген сомасына қарамастан:
1) техникалық-экономикалық негіздемені, жобалау (жобалау-сметалық) құжаттамасын және қала құрылысы жобаларын әзірлеу жөніндегі жұмыстарды;
2) объектілер құрылысының жобаларына ведомстводан тыс кешенді сараптама жөніндегі жұмыстарды;
3) техникалық қадағалау және (немесе) жобаларды басқару жөніндегі инжинирингтік қызметтерді мемлекеттік сатып алу жүзеге асырылған жағдайларда қойылады.
55. Әлеуетті өнім берушінің қаржылық орнықтылығы түріндегі біліктілік талабы Заңның 27-бабына сәйкес мемлекеттік сатып алуға қатысатын әлеуетті өнім берушілерге, сондай-ақ әлеуетті өнім берушілерден Қазақстан Республикасы Премьер-Министрінің орынбасары – Еңбек және халықты әлеуметтік қорғау министрі 2023 жылғы 30 маусымдағы № 284 "Мүгедектігі бар адамдарға ұсынылатын техникалық көмекші (орнын толтырушы) құралдардың, арнаулы жүріп-тұру құралдарының және көрсетілетін қызметтердің сыныптауышы" бұйрығымен бекітілген (Нормативтік құқықтық актілерді мемлекеттік тіркеу тізілімінде № 32984 болып тіркелген) мүгедектігі бар адамдарға ұсынылатын техникалық көмекші (орнын толтырушы) құралдардың, арнаулы жүріп-тұру құралдарының және көрсетілетін қызметтердің сыныптауышына сәйкес мүгедектігі бар адамдарды протездік-ортопедиялық көмекпен, техникалық көмекші көмекпен мен оңалтудың жеке бағдарламасына сәйкес мүгедектігі бар адамдарды қамтамасыз ету үшін тауарлар мен көрсетілетін қызметтерді сатып алу кезінде, сондай-ақ "Салық және бюджетке төленетін басқа да міндетті төлемдер туралы (Салық кодексі)" Қазақстан Республикасы Кодексінің (бұдан әрі – Салық кодексі) 293-бабы 1-тармағының 6) тармақшасында көрсетілген әлеуетті өнім берушілерге олардан Электрондық өнеркәсіп пен бағдарламалық қамтылымның сенім білдірілген өнімінің тізілімінен тауарлар мен көрсетілетін қызметтерді сатып алу кезінде қолданылмайды.
Ескерту. 55-тармақ жаңа редакцияда – ҚР Қаржы министрінің 17.06.2025 № 306 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
56. Әлеуетті өнім берушінің қаржылық орнықтылығын мемлекеттік кірістер органдарының мынадай мәліметтері негізінде веб-порталмен автоматты түрде айқындалады:
1) кірістер;
2) төленген салықтар;
3) негізгі құралдар;
4) еңбек ақы төлеу қоры.
57. Әлеуетті өнім беруші, егер ол жиынтығында мынадай шарттарға сәйкес келсе, қаржылық орнықты деп танылады:
1) әлеуетті өнім берушінің кірістері мемлекеттік кірістер органдарының ақпараттық жүйелерінің деректеріне сәйкес өткен жылдың алдындағы үш жылдағы мемлекеттік сатып алуды жүзеге асыру үшін бөлінген соманың кемінде екіден бір бөлігін құрайды;
2) төленген салықтардың көрсеткіші мемлекеттік кірістер органдарының ақпараттық жүйелерінің деректеріне сәйкес өткен жылдың алдындағы үш жылдағы әлеуетті өнім беруші кірістерінің кемінде үш пайызын құрайды.
Салық төленген күнтізбелік жыл төленген салық күні болып есептеледі.
Осы Қағидалардың мақсаттары үшін төленген салықтар көрсеткішінің есебі мемлекеттік кірістер органдарының ақпараттық жүйелерінің мәліметіне сәйкес мынадай формула бойынша айқындалады:
ТСК = ТС / КС х 100%,
мұнда:
ТСК – төленген салықтардың көрсеткіші;
ТС – есептелетін үш жылдық кезең ішінде төленген салықтарының сомасы;
КС - есептелетін үш жылдық кезең ішінде әлеуетті өнім берушінің кіріс сомасы;
3) әлеуетті өнім берушінің негізгі құралдарының құны мемлекеттік кірістер органдарының ақпараттық жүйелерінің деректеріне сәйкес өткен жылдың алдындағы үш жылдағы мемлекеттік сатып алуды жүзеге асыру үшін бөлінген соманың кемінде он бестен бір бөлігін құрайды, бірақ тиісті қаржы жылына бекітілген айлық есептік көрсеткіштің төрт жүз мың еселенген мөлшерінен аспайды;
4) әлеуетті өнім берушінің жұмыскерлеріне еңбекақы төлеу қоры мемлекеттік кірістер органдарының ақпараттық жүйелерінің деректеріне сәйкес өткен жылдың алдындағы үш жылдағы мемлекеттік сатып алуды жүзеге асыру үшін бөлінген соманың кемінде он бестен бір бөлігін құрайды, бірақ тиісті қаржы жылына бекітілген айлық есептік көрсеткіштің төрт жүз мың еселенген мөлшерінен аспайды.
58. Тауарларды мемлекеттік сатып алуға қатысатын әлеуетті өнім беруші, егер ол жиынтығында осы Қағидалардың 57-тармағының 1) және 2) тармақшаларында көзделген шарттарға сәйкес келсе, қаржылық орнықты деп танылады.
58-1. Салық кодексінің 293-бабы 1-тармағының 6)-тармақшасында көрсетілген және тауарларды мемлекеттік сатып алуға қатысатын әлеуетті өнім беруші, егер ол осы Қағидалардың 57-тармағының 1)-тармақшасында көзделген шартқа сәйкес келсе, қаржылық орнықты деп танылады.
Ескерту. 58-1-тармақпен толықтырылды – ҚР Қаржы министрінің 17.06.2025 № 306 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
59. Жанар-жағармай материалдарын бөлшек және көтерме саудада өткізу бойынша мемлекеттік сатып алуға қатысатын әлеуетті өнім беруші, сондай-ақ индустриялық қызметті мемлекеттік қолдау саласындағы уәкілетті органмен көлік құралдарын және (немесе) ауыл шаруашылығы техникасын өнеркәсіптік құрастыру туралы келісім жасасқан әлеуетті өнім беруші, егер оның осы Қағидалардың 57-тармағының 2) тармақшасына сәйкес есептелетін төленген салықтардың көрсеткіші оның кірістерінің кемінде бір пайызын құраса, қаржылық орнықты деп танылады.
60. Көрсетілетін қызметтерді мемлекеттік сатып алуға қатысатын әлеуетті өнім беруші, егер ол жиынтығында осы Қағидалардың 57-тармағының 1), 2) және 4) тармақшаларында көзделген шарттарға сәйкес келсе, қаржылық орнықты деп танылады.
60-1. Салық кодексінің 293-бабы 1-тармағының 6)-тармақшасында көрсетілген және көрсетілетін қызметтерді мемлекеттік сатып алуға қатысатын әлеуетті өнім беруші, егер ол жиынтығында осы Қағидалардың 57-тармағының 1) және 4)-тармақшаларында көзделген шарттарға сәйкес келсе, қаржылық орнықты деп танылады.
Ескерту. 60-1-тармақпен толықтырылды – ҚР Қаржы министрінің 17.06.2025 № 306 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
61. Сақтандыру (қайта сақтандыру) ұйымының қызметін жүзеге асыратын әлеуетті өнім беруші сақтандыру қызметтері бойынша көрсетілетін қызметтерді мемлекеттік сатып алуға қатысу кезінде, егер ол жиынтықта осы Қағидалардың 57-тармағы 1) және 4) тармақшаларында көзделген шарттарға сәйкес келсе, қаржылық орнықты деп танылады.
62. Қаржы лизингі бойынша қызметтерді мемлекеттік сатып алуға қатысатын әлеуетті өнім беруші, егер ол жиынтығында осы Қағидалардың 57-тармағының 1) және 4) тармақшаларында көзделген шарттарға сәйкес келсе, қаржылық орнықты деп танылады.
63. Шағын кәсіпкерлік субъектісіне жататын және жұмыстарды мемлекеттік сатып алуға қатысатын әлеуетті өнім беруші, егер ол жиынтығында осы Қағидалардың 57-тармағының 1), 2) және 4) тармақшаларында көзделген шарттарға сәйкес келсе, қаржылық орнықты деп танылады.
64. Техникалық-экономикалық негіздемені, жобалау (жобалау-сметалық) құжаттамасын және қала құрылысы жобаларын, сондай-ақ объектілер құрылысы жобаларына ведомстводан тыс кешенді сараптама жүргізу жөніндегі жұмыстарды әзірлеу жөніндегі жұмыстарды мемлекеттік сатып алуға қатысатын әлеуетті өнім беруші, егер ол жиынтығында осы Қағидалардың 57-тармағының 1), 2) және 4) тармақшаларында көзделген шарттарға сәйкес келсе, қаржылық орнықты деп танылады.
65. "Салық және бюджетке төленетін басқа да міндетті төлемдер туралы" Қазақстан Республикасының Кодексін (Салық кодексі) қолданысқа енгізу туралы" Қазақстан Республикасының 2017 жылғы 25 желтоқсандағы № 121-VI ҚРЗ Заңының (бұдан әрі – Салық кодексін қолданысқа енгізу туралы заң) 57-4-бабына сәйкес арнаулы салық режимін қолданатын және микрокәсіпкерлік немесе шағын кәсіпкерлік субъектілері деп танылатын, салық төлеуден босатылған әлеуетті өнім берушілер, егер олардың осы Қағидалардың 57-тармағының 2) тармақшасына сәйкес есептелетін, төленген салықтарының көрсеткіші оның кірістерінің кемінде үш пайызын құраса, 2020 жылғы 1 қаңтардан бастап 2023 жылғы 1 қаңтар аралығындағы кезеңге қаржылық орнықты деп танылады.
Бұл ретте жоғарыда көрсетілген тұлғалардың салық төлеуден босатылған кезеңіне есептелген салық сомасы төленген салықтардың көрсеткішін есептеу кезінде төлем ретінде есепке алынады.
Мұндай тұлғалардың мәртебесін мемлекеттік кірістер органдарының мәліметтері негізінде веб-портал автоматты түрде айқындайды.
66. Тікелей шарт жасасу арқылы бір көзден алу тәсілімен мемлекеттік сатып алуға қатысатын әлеуетті өнім берушінің қаржылық орнықтылығы түріндегі біліктілік талабын тапсырыс беруші Заңның 5-бабында көзделген мемлекеттік сатып алуды жүзеге асыру қағидаттарын сақтай отырып айқындайды.
Бұл ретте тікелей шарт жасасу арқылы бір көзден алу тәсілімен мемлекеттік сатып алуға қатысатын әлеуетті өнім беруші, егер ол осы Қағидалардың 56-тармағының 1) тармақшасында көзделген талаптарға сәйкес келсе, қаржылық орнықты деп танылады.
67. Қайта ұйымдастырылған заңды тұлғаның (құқық мирасқорының) қаржылық орнықтылығы көрсеткіштерін біріктіру, қосу жолымен веб-порталда біріктіру жағдайларын қоспағанда, мемлекеттік кірістер органдарының мәліметтері веб-порталда үш жылдық кезеңнің соңғы есептелетін жылы үшін күнтізбелік жыл ішінде бір рет осы мәліметтер қолданылған жылдың алдындағы 1 қазаннан кешіктірілмей веб-порталда жаңартылады.
Заңның 11-бабы 1-тармағының 2) тармақшасына сәйкес мемлекеттік сатып алуды жүзеге асыру мақсаттары үшін негізгі құралдар мен еңбекақы төлеу қоры бойынша көрсеткіштерді қоспағанда, қаржылық орнықтылық көрсеткіштерін біріктіруге жол берілмейді.
Бұл ретте, қайта ұйымдастырылған заңды тұлғаның (құқықтық мирасқордың) қаржылық орнықтылығы көрсеткіштерін жаңарту Экономикалық қызмет түрлерінің жалпы жіктеуіші құрылымының бірінші деңгейінде (секциясында) өткен жылдың алдындағы үш жыл ішінде (үздіксіз) қайта ұйымдастырылатын заңды тұлғалар қызметінің негізгі түрі сәйкес келген жағдайда жүзеге асырылады.
Осындай қайта ұйымдастырылған заңды тұлға (құқықтық мирасқор) туралы мемлекеттік кірістер органдарының мәліметтері веб-порталда әлеуетті өнім берушінің өтініші негізінде жаңартылады.
67-1. Осы Қағидалардың мақсаттары үшін қайта ұйымдастырылған заңды тұлғаның (құқық мирасқорының) қаржылық орнықтылық көрсеткіші егер қайта ұйымдастырылатын заңды тұлғалардың біреуінде Заңның 7-бабы 1-тармағының 3), 5), 6) және 7) тармақшаларында көзделген шектеулер болған жағдайда жаңартылмайды.
Ескерту. Қағидалар 67-1-тармақпен толықтырылды - ҚР Қаржы министрінің м.а. 04.03.2025 № 102 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
68. Мемлекеттік кіріс органдары оларды асыра бағалауға әкеп соғатын қаржылық орнықтылық көрсеткіштерінің төмендеу, сондай-ақ бұрмалану және (немесе) көрсетілмеу фактілерін анықтаған жағдайларда, оның ішінде әлеуетті өнім берушілер салық есептілігінің қосымша нысандарын ұсыну және (немесе) салық декларацияларын кері қайтарып алу жолымен уәкілетті орган:
1) мемлекеттік кірістер органдарының нақты деректеріне сәйкес, оларды асыра бағалау жағдайларын қоспағанда, осындай әлеуетті өнім берушілер бойынша мәліметтерді веб-порталда түзетеді;
2) өткен жылдың алдындағы үш жыл кезеңінде камералдық бақылау нәтижелері бойынша анықталған қаржылық орнықтылық көрсеткіштерін негізсіз арттыруға әкеп соғатын салық заңнамасын бұзушылықтарды жою туралы мемлекеттік кірістер органдарының хабарламалары бойынша бұзушылықтар жойылғанға дейін осындай әлеуетті өнім берушілердің қаржылық орнықтылық көрсеткіштерін веб-порталда көрсетпейді;
3) Заңның 8-бабында көзделген жағдайларда мұндай әлеуетті өнім берушілерді мемлекеттік сатып алуға жосықсыз қатысушылардың тізіліміне енгізу жөнінде шаралар қабылдайды.
69. Республикалық бюджет туралы заңда тиісті қаржы жылына белгіленген он еселенген айлық есептік көрсеткіштен асатын мөлшердегі салық берешегін веб-портал мемлекеттік кірістер органдарының мәліметтері негізінде автоматты түрде айқындайды.
70. Әлеуетті өнім берушінің банкроттық не тарату рәсіміне қатысы жоқтығы бөлігінде біліктілік талабына сәйкестігі банкроттық не тарату рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпарат арқылы айқындалады.
71. Конкурс тәсілімен мемлекеттік сатып алу шеңберінде шарттық міндеттемелерді орындау үшін қажетті материалдық және еңбек ресурстары осы Қағидаларға сәйкес біліктілік талаптарында көрсетіледі.
Ескерту. 71-тармақ жаңа редакцияда - ҚР Қаржы министрінің м.а. 04.03.2025 № 102 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
72. Егер Қазақстан Республикасының рұқсаттар және хабарламалар туралы заңнамасына сәйкес орындауға (көрсетуге) бірінші немесе екінші санаттағы тиісті рұқсаттың болуы талап етілетін жұмыстар немесе көрсетілетін қызметтер мемлекеттік сатып алу нысанасы болып табылған жағдайда, материалдық және еңбек ресурстарына ие болу бөлігінде біліктілік талабы ұсынылмайды.
73. Тауарларды мемлекеттік сатып алуға қатысатын әлеуетті өнім берушілерге материалдық және еңбек ресурстарына ие болу бөлігінде біліктілік талабы қойылмайды.
Жекелеген тауарларды, жұмыстарды, қызметтерді мемлекеттік сатып алуды жүзеге асыру кезінде материалдық және еңбек ресурстарына ие болу бөлігіндегі біліктілік талабы Заңның 12-бабының 8-тармағына сәйкес әзірленетін және бекітілетін үлгілік конкурстық құжаттамада (аукциондық құжаттамада) көзделеді.
Ескерту. 73-тармақ жаңа редакцияда - ҚР Қаржы министрінің 09.12.2024 № 809 (01.01.2025 бастап қолданысқа енгізіледі) бұйрығымен.
74. Заңның 11-бабы 1-тармағының 4) тармақшасына сәйкес жұмыстарды, көрсетілетін қызметтерді мемлекеттік сатып алуда тапсырыс беруші әлеуетті өнім берушіден жұмыстарды орындау, көрсетілетін қызметтер орны бойынша облыстың, республикалық маңызы бар қалалардың және астананың шекараларында тиісті әкімшілік-аумақтық бірлікте тіркелген шарт бойынша міндеттемелерді орындау үшін жеткілікті материалдық және еңбек ресурстарының болуын талап етуге құқылы.
Бұл ретте бұл талап рейтингтік-балдық жүйені пайдалана отырып, конкурс тәсілімен мемлекеттік сатып алуды жүзеге асырған жағдайда белгіленбейді.
75. Материалдық және еңбек ресурстарына ие болу бөлігінде, мынадай:
1) мемлекеттік сатып алуға әлеуетті өнім берушілердің қатысуын шектейтін және негізсіз күрделендіретін;
2) шарт бойынша, техникалық ерекшелік туралы міндеттемелерді орындау қажеттілігінен тікелей туындамайды.
76. Егер конкурстық құжаттамада материалдық ресурстардың болуы жөніндегі талап қамтылған жағдайда, онда мұндай талапқа сәйкестік материалдық ресурстардың меншік немесе жалға алу құқығын растайтын құжатпен жүзеге асырылады. Материалдық ресурстарды жалға алған жағдайда қосымша жалдау шартының электрондық көшірмесі ұсынылады. Бұл ретте, шарттар бойынша жалдау мерзімі конкурстық құжаттамада белгіленген қызметтерді көрсету, жұмыстарды орындау мерзімінен кем емес.
Материалдық ресурстарды жалдау шартының электрондық көшірмесін бірнеше әлеуетті өнім берушілерге бір конкурста ұсынуға жол берілмейді.
77. Алдын ала жалдау шартының немесе материалдық ресурстарды қосалқы жалдау шартының электрондық көшірмесін ұсынуға жол берілмейді.
78. Егер конкурстық құжаттамада еңбек ресурстарының болуы жөніндегі талап қамтылған жағдайда, онда еңбек ресурстарының болуы қызметкердің біліктілігі туралы құжаттың электрондық көшірмесімен, сондай-ақ қызметкердің электрондық цифрлық қолтаңбасы не еңбек шарттарын есепке алудың бірыңғай жүйесі арқылы расталады.
Еңбек өтілі бойынша талап болған жағдайда, аударылған міндетті зейнетақы жарналары туралы бірыңғай жинақтаушы зейнетақы қорынан үзінді көшірменің немесе жүргізілген әлеуметтік аударымдар туралы Мемлекеттік әлеуметтік сақтандыру қорынан мәліметтердің электрондық көшірмесі және Қазақстан Республикасы Еңбек кодексінің 35-бабының 1), 2), 3), 4), 5) және 8) тармақшаларында көзделген құжаттардың бірі қызметкердің еңбек өтілін растайтын құжат болып табылады.
Бұл ретте қызметкердің соңғы он жыл ішіндегі жұмыс өтілі ескеріледі.
79. Әлеуетті өнім берушінің қызметкерлерінің алдында жалақы төлеу бойынша мерзімі өткен берешекті веб-портал еңбек жөніндегі уәкілетті мемлекеттік органның мәліметтері негізінде автоматты түрде айқындайды.
80. Сатып алынатын жұмыстар мен көрсетілетін қызметтер нарығында әлеуетті өнім берушінің жұмыс тәжірибесінің болуы бөлігінде, оның ішінде ұқсас (ұқсас) түрлер, жұмыстар, көрсетілетін қызметтер бойынша біліктілік талаптары осы Қағидаларда белгіленген талаптарды ескере отырып, конкурстық құжаттамада белгіленуі мүмкін.
81. Егер Қазақстан Республикасының рұқсаттар және хабарламалар туралы заңнамасына сәйкес бірінші немесе екінші санаттағы тиісті рұқсаттың болуы талап етілетін жұмыстар және (немесе) көрсетілетін қызметтер мемлекеттік сатып алу нысанасы болып табылған жағдайда, осы Қағидаларда көзделген жағдайларды қоспағанда, жұмыс тәжірибесінің болуы бойынша біліктілік талабы қойылмайды.
82. Жұмыс тәжірибесінің болуы бөлігінде біліктілік талабы тауарларды мемлекеттік сатып алуға қатысатын әлеуетті өнім берушілерге қойылмайды.
83. Сатып алынатын жұмыстар нарығында әлеуетті өнім берушінің жұмыс тәжірибесінің болуы бөлігінде, оның ішінде осы Қағидалардың 81-тармағының талаптарын ескере отырып, ұқсас (ұқсас) жұмыс түрлері бойынша біліктілік талаптары қажет болған жағдайда осы Қағидаларға 3-қосымшаға сәйкес тізбе бойынша белгіленеді.
84. Әлеуетті өнім берушінің сатып алынатын жұмыстар нарығында жұмыс тәжірибесінің болуы бөлігінде, оның ішінде осы Қағидалардың 81-тармағының талаптарын ескере отырып, ұқсас (ұқсас) жұмыстар түрлері бойынша біліктілік талабы конкурстық құжаттамада мынадай өлшемшарттарға сәйкес қажет болған жағдайда белгіленеді:
1) егер конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің жиырма бес мың еселенген мөлшерінен асатын болса, бір жылды;
2) егер конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің елу мың еселенген мөлшерінен асатын болса, екі жылды;
3) егер конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің жүз мың еселенген мөлшерінен асып кетсе, үш жылды;
4) егер конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің жүз елу мың еселенген мөлшерінен асып кетсе, төрт жылды;
5) егер конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің екі жүз мың еселенген мөлшерінен асатын болса, бес жылды құрайды.
Ескерту. 84-тармақ жаңа редакцияда - ҚР Қаржы министрінің м.а. 04.03.2025 № 102 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
85. Егер әлеуетті өнім берушінің құрылыс-монтаждау жұмыстарға арналған конкурсқа қатысуға өтінімнің бағасы Қазақстан Республикасының заңнамасына сәйкес сараптамадан өткен жобалау-сметалық құжаттамада көрсетілген бағадан екі пайыздан астам төмен болған жағдайда, ол демпингтік болып танылады.
86. Егер әлеуетті өнім берушінің автомобиль жолдарын орташа жөндеу жөніндегі жұмыстарға арналған конкурсқа қатысуға өтінімнің бағасы Қазақстан Республикасының заңнамасына сәйкес сараптамадан өткен техникалық құжаттамада көрсетілген бағадан бес пайыздан астам төмен болса, ол демпингтік болып танылады.
87. Әлеуетті өнім берушінің ғимараттар мен құрылыстарды ағымдағы жөндеу жөніндегі жұмыстарға арналған конкурсқа қатысуға өтінімінің бағасы, егер ол конкурсқа бөлінген бағадан жиырма пайыздан астам төмен болса, демпингтік болып танылады.
88. Техникалық-экономикалық негіздемені, жобалау (жобалау-сметалық) және қала құрылысы жобалары құжаттаманы әзірлеу бойынша қатысуға арналған конкурсқа қатысуға өтінімінің бағасы Қазақстан Республикасы Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитеті төрағасының 2022 жылғы 1 желтоқсандағы № 223-нқ бұйрығымен бекітілген ҚР ҚНБҚ 8.01-08-2022 "Қазақстан Республикасындағы құрылыстың сметалық құнын айқындау тәртібі" құрылыстағы баға белгілеу жөніндегі нормативтік құжатқа сәйкес тапсырыс беруші есептеген бағадан он пайыздан астам төмен болған жағдайда, ол демпингтік болып танылады.
89. Әлеуетті өнім берушінің (аккредиттелген сараптамалық ұйымның) "Объектілер құрылысының жобаларына ведомстводан тыс кешенді сараптама, сондай-ақ әртүрлі деңгейдегі аумақтардың қала құрылысын жоспарлау жобаларына кешенді қала құрылысы сараптамасын жүргізу жөніндегі жұмыстардың құнын айқындау қағидаларын бекіту туралы" Қазақстан Республикасы Ұлттық экономика министрінің м.а. 2015 жылғы 21 желтоқсандағы № 780 бұйрығына (Нормативтік құқықтық актілерді мемлекеттік тіркеу тізілімінде № 12681 болып тіркелген) сәйкес белгіленген бағадан ол төмен болса, демпингтік деп танылады.
90. Егер әлеуетті өнім берушінің құрылыс-монтаждау жұмыстарына инжинирингтік қызметтер (техникалық және авторлық қадағалау, жобаны басқару) көрсетуге арналған конкурстық өтінімінің бағасы бекітілген мемлекеттік нормативтерге сәйкес есептелген бағадан он пайыздан астамға төмен болған жағдайда, ол демпингтік деп танылады.
91. Әлеуетті өнім берушінің автомобиль жолдарын орташа жөндеуді техникалық қадағалау жөніндегі инжинирингтік қызметтер көрсетуге арналған конкурсқа қатысуға өтінімнің бағасы, егер ол бекітілген мемлекеттік нормативтерге сәйкес есептелген бағадан он пайыздан артық төмен болған жағдайда, демпингтік болып танылады.
Ескерту. 91-тармақ жаңа редакцияда - ҚР Қаржы министрінің 09.12.2024 № 809 (01.01.2025 бастап қолданысқа енгізіледі) бұйрығымен.
92. Әлеуетті өнім берушінің мемлекеттік әлеуметтік тапсырыста көзделген қызметтер көрсетуге арналған конкурсқа қатысуға өтінімнің бағасы, егер ол конкурсқа бөлінген бағадан он пайыздан астам төмен болған жағдайда, демпингтік деп танылады.
93. Егер ол конкурсқа бөлінген бағадан он пайыздан астам төмен болған жағдайда, әлеуетті өнім берушінің тамақпен қамтамасыз ету жөніндегі қызметтер көрсетуге арналған конкурсқа қатысуға өтінімінің бағасы демпингтік болып танылады.
Ескерту. 93-тармақ жаңа редакцияда - ҚР Қаржы министрінің м.а. 04.03.2025 № 102 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
94. Әлеуетті өнім берушінің тауарларға, жұмыстарға (осы қағидалардың 85, 86, 87, 88 және 89-тармақтарында көзделген жұмыстарды қоспағанда), көрсетілетін қызметтерге (осы Қағидалардың 90, 91, 92 және 93-тармақтарында көзделген қызметтерді қоспағанда) конкурсқа қатысуға өтінімнің бағасы, егер ол конкурсқа бөлінген бағадан он пайыздан астам төмен болған жағдайда, демпингтік деп танылады.
95. Әлеуетті өнім беруші шарттың орындалуын қамтамасыз етуге қосымша, демпингтік деп танылмайтын, рұқсат етілетін ең төмен бағадан төмендетілген сомаға тең мөлшердегі соманы енгізу шартымен осы Қағидалардың 94-тармағында көзделген тауарлар, жұмыстар, көрсетілетін қызметтерді мемлекеттік сатып алу бойынша демпингтік баға ұсынуға рұқсат етіледі.
96. Осы Қағидалардың 85, 86, 87, 88, 89, 90, 91, 92 және 93-тармақтарымен көзделген жағдайларда демпингтік баға ұсынылмайды.
97. Баға ұсыныстарын сұрату тәсілімен мемлекеттік сатып алуға қатысатын әлеуетті өнім берушінің баға ұсынысы, егер ол баға ұсыныстарын сұрату тәсілімен мемлекеттік сатып алуды жүзеге асыру үшін бөлінген бағадан он пайыздан астам төмен болса, демпингтік болып танылады.
98. Осы Қағидалардың 97-тармағында көзделген тауарларды, жұмыстарды, көрсетілетін қызметтерді мемлекеттік сатып алу бойынша демпингтік бағаны әлеуетті өнім беруші шарттың орындалуын қамтамасыз етуге қосымша демпингтік деп танылмайтын ең төменгі жол берілетін бағадан төмендетілген сомаға тең мөлшерде соманы енгізген жағдайда ұсынуға жол беріледі.
99. Электрондық дүкенде орналастырылған тауарға әлеуетті өнім берушінің баға ұсынысы, егер ол көрсетілген тауарға ақпарат орналастырған әлеуетті өнім берушілердің барлық баға ұсыныстарының орташа арифметикалық бағасынан отыз пайыздан астам төмен болса, демпингтік деп танылады.
Орташа арифметикалық баға Заңның 7-бабына сәйкес шектеуі жоқ және мемлекеттік сатып алудың жылдық жоспарында көзделген бағадан аспайтын әлеуетті өнім берушілердің баға ұсыныстары арасында есептеледі.
Заңның 13-бабының 2-тармағына сәйкес мұндай баға ұсынысын электрондық дүкен автоматты түрде қабылдамауға тиіс.
Ескерту. 99-тармақ жаңа редакцияда - ҚР Қаржы министрінің 09.12.2024 № 809 (01.01.2025 бастап қолданысқа енгізіледі) бұйрығымен.
100. Заңды тұлғалардың уақытша бірлестіктері (консорциум) мемлекеттік сатып алуға қатысқан жағдайда, осы консорциумның қатысушылары болып табылатын заңды тұлғалар өз біліктілік талаптарын растау үшін осы Қағидаларда белгіленген құжаттармен қатар мынадай құжаттардың электрондық көшірмелерін, не электрондық құжаттарды ұсынады:
1) заңды тұлғалардың мүшелері арасында жасалған бірлескен шаруашылық қызмет туралы шарт (консорциялық келісім);
2) бірлескен шаруашылық қызмет туралы шартта көзделген қызмет бөлігінде тауарларды ұсыну, жұмыстарды орындау құқығына лицензия.
Консорциум конкурсқа қатысқан жағдайда конкурстық баға ұсынысына әсер ететін критерийлерді есептеу консорциалдық келісіммен айқындалған консорциумның негізгі қатысушысына қатысты қолданылады.
Бұл ретте шарт конкурстық баға ұсынысына әсер ететін өлшемшарт қолданылған консорциумның қатысушысымен жасалады.
101. Консорциумның барлық қатысушылары Заңның 11-бабы 1-тармағының 1), 2) және 3) тармақшаларында көзделген біліктілік талаптарына сәйкес болуға тиіс, сондай-ақ Заңның 7-бабында көзделген шектеулері болмауға тиіс.
102. Консорциумның бір немесе бірнеше қатысушысы тиісті материалдық және еңбек ресурстарының болуы, сондай-ақ Қазақстан Республикасының Рұқсаттар және хабарламалар туралы заңнамасына сәйкес, айналысу үшін рұқсат алу қажет болатын, жекелеген қызмет түрлерін жүзеге асыратын құқық қабілеттілігі болуы бөлігінде көрсетілген талаптарға сәйкес болған жағдайда, консорциум біліктілік талаптарына сәйкес деп танылады.
Бұл ретте, консорциумның негізгі қатысушысының Қазақстан Республикасының Рұқсаттар және хабарламалар туралы заңнамасына сәйкес, айналысу үшін рұқсат алу қажет болатын, жекелеген қызмет түрлерін жүзеге асыратын құқықтық қабілеттілігі өткізілетін мемлекеттік сатып алу нысанасына сәйкес болады.
103. Консорциумның негізгі қатысушысы көрсетілген талаптарға сәйкес болған жағдайда консорциум Заңның 11-бабы 1-тармағының 5) тармақшасында көзделген біліктілік талаптарына сәйкес деп танылады.
104. Конкурс, аукцион тәсілімен мемлекеттік сатып алуға қатысуға өтінімді қамтамасыз ету осы Қағидаларда көзделген шарттарға сәйкес тауарларды, жұмыстарды, көрсетілетін қызметтерді сатып алу үшін бөлінген соманың бір пайызы мөлшерінде енгізіледі.
Баға ұсыныстарын сұрату тәсілімен мемлекеттік сатып алу жүзеге асырылған жағдайда әлеуетті өнім беруші тауарларды, жұмыстарды, көрсетілетін қызметтерді сатып алу үшін бөлінген соманың үш пайызы мөлшерінде мемлекеттік сатып алуға қатысуға өтінімді қамтамасыз етуді енгізеді.
"Толық бітіріп берілетін құрылыс бойынша конкурс" тәсілімен мемлекеттік сатып алу жүзеге асырылған жағдайда әлеуетті өнім беруші конкурсқа бөлінген соманың үш пайызы мөлшерінде мемлекеттік сатып алуға қатысуға өтінімді қамтамасыз етуді енгізеді.
Конкурсқа, аукционға, бірнеше лот бойынша баға ұсыныстарын сұратуға қатысқан жағдайда әлеуетті өнім беруші конкурсқа, аукционға қатысуға өтінімді қамтамасыз етуді, әрбір лотқа баға ұсыныстарын сұратуды жеке ұсынады.
Конкурсқа, аукционға, баға ұсыныстарын сұратуға қатысуға өтінімді қамтамасыз етудің сәйкестігін әлеуетті өнім беруші қатысуға тиісті өтінімді берген кезде веб-портал автоматты түрде айқындайды.
Ескерту. 104-тармақ жаңа редакцияда - ҚР Қаржы министрінің 14.07.2025 № 358 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
105. Әлеуетті өнім беруші конкурсқа, аукционға, баға ұсыныстарын сұратуға қатысуға өтінімді қамтамасыз етудің мынадай түрлерінің бірін таңдайды:
1) әлеуетті өнім берушінің электрондық әмиянындағы ақша;
2) электрондық құжат нысанында ұсынылатын банк кепілдігі. Заңның 26-бабында көзделген жағдайларда қағаз жеткізгіште банк кепілдігін беруге жол беріледі.
Әлеуетті өнім берушінің үшінші тұлғаларда тұтастай не электрондық әмияндағы ақшаның бір бөлігінде талап ету құқығының туындауына әкеп соғатын іс-әрекеттер жасауына жол берілмейді.
Осы Қағидалардың 107 және 108-тармақтарында көрсетілген жағдайларды қоспағанда, бірыңғай оператордың электрондық әмияндағы ақшаны пайдалануына жол берілмейді.
106. Тиындарда есептелген конкурсқа, аукционға, баға ұсыныстарын сұратуға қатысуға өтінімді қамтамасыз ету сомасы дөңгелектенеді. Бұл ретте елу тиыннан аз сома нөлге дейін дөңгелектенеді, ал елу тиынға тең және одан жоғары сома бір теңгеге дейін дөңгелектенеді.
107. Электрондық банк кепілдігі түрінде енгізілген конкурсқа, аукционға, баға ұсыныстарын сұратуға қатысуға өтінімді қамтамасыз етуді ұйымдастырушы мынадай жағдайлардың бірі басталған кезде әлеуетті өнім берушіге қайтармайды:
1) конкурстың, аукционның, баға ұсыныстарын сұратудың жеңімпазы болып айқындалған әлеуетті өнім беруші шарт жасасудан жалтарған;
2) конкурстың, аукционның, баға ұсыныстарын сұратудың жеңімпазы шарт жасаса отырып, конкурстық құжаттамада, шарттың орындалуын қамтамасыз етуді, авансты қамтамасыз етуді (егер шартта аванс көзделген жағдайда) және (немесе) Заңның 13-бабының 2-тармағына сәйкес соманы енгізу және (немесе) енгізу мерзімдері туралы хабарландыруда белгіленген талаптарды орындамады не тиісінше орындамады, оның ішінде уақтылы орындамады.
108. Электрондық әмиян арқылы енгізілген конкурсқа, аукционға, баға ұсыныстарын сұратуға қатысуға өтінімді қамтамасыз етуді бірыңғай оператор бұғаттайды және мынадай жағдайлардың бірі туындаған кезде әлеуетті өнім берушіге қайтарылмайды:
1) конкурстың, аукционның, баға ұсыныстарын сұратудың жеңімпазы болып айқындалған әлеуетті өнім беруші шарт жасасудан жалтарған;
2) конкурстың, аукционның, баға ұсыныстарын сұратудың жеңімпазы шарт жасасып, конкурстық (аукциондық) құжаттамада, шарттың орындалуын қамтамасыз етуді енгізу мерзімдеріне өзгерістер (немесе) енгізу туралы хабарландыруда, авансты қамтамасыз етуде (шартта аванс көзделген жағдайда) және (немесе) белгіленген талаптарды орындамады не тиісінше орындамады, оның ішінде уақтылы орындамады) Заңның 13-бабының 2-тармағына сәйкес сомалар.
109. Осы Қағидалардың 107 және 108-тармақтарында көзделген жағдайлардың бірі басталған кезде конкурсқа, аукционға, баға ұсыныстарын сұратуға қатысуға өтінімді қамтамасыз ету сомасы тиісті бюджеттің, дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі мемлекеттік кәсіпорынның, заңды тұлғаның немесе олармен үлестес тұлғалардың кірісіне есептеледі заңды тұлғалар.
110. Бірыңғай оператор тапсырыс берушіден өтініш келіп түскен күннен бастап бес жұмыс күні ішінде, егер әлеуетті өнім беруші шарт жасасудан жалтарса немесе шарт жасаса, шарттың орындалуын қамтамасыз етуді, авансты (егер шартта аванс көзделген жағдайда) және (немесе) Заңның 13-бабының 2-тармағына сәйкес соманы қамтамасыз етуді енгізбесе, веб-портал арқылы әлеуетті өнім берушінің электрондық әмиянынан конкурсқа, аукционға, баға ұсыныстарын сұратуға қатысуға өтінімді қамтамасыз ету жөніндегі бұғатталған ақшаны тапсырыс берушінің өтінішінде көрсетілген шотқа аударуды жүзеге асырады.
Ескерту. 110-тармақ жаңа редакцияда - ҚР Қаржы министрінің 09.12.2024 № 809 (01.01.2025 бастап қолданысқа енгізіледі) бұйрығымен.
111. Ұйымдастырушы әлеуетті өнім берушіге ол енгізген конкурсқа, аукционға қатысуға, баға ұсыныстарын сұратуға өтінімді қамтамасыз етуді электрондық банк кепілдігі түрінде мынадай жағдайлардың бірі басталған күннен бастап үш жұмыс күні ішінде қайтарады:
1) осы әлеуетті өнім беруші өзінің конкурсқа, аукционға қатысуға өтінімін қайтарып алған, конкурсқа, аукционға қатысуға өтінімдер берудің, баға ұсыныстарын сұратудың соңғы мерзімі өткенге дейін баға ұсыныстарын сұратқан жағдайларда ашу хаттамасын орналастырған;
2) Заңның 25-бабында көзделген шағымдану мерзімдерін ескере отырып, конкурс, аукцион тәсілімен мемлекеттік сатып алу, баға ұсыныстарын сұрату қорытындылары туралы хаттамаға қол қойылғаннан кейін тоқтатылады. Көрсетілген жағдай конкурсқа, аукционға қатысушыға, конкурс, аукцион жеңімпазы деп айқындалған баға ұсыныстарын сұратуға, баға ұсыныстарын сұратуға қолданылмайды;
3) әлеуетті өнім беруші шартқа қол қойған және ол шарттың орындалуын қамтамасыз етуді, авансты (егер шартта аванс көзделген жағдайда) және (немесе) Заңның 13-бабының 2-тармағына сәйкес соманы (болған жағдайда) қамтамасыз етуді енгізген жағдайларда жүзеге асырылады.
112. Бірыңғай оператор үш жұмыс күні ішінде әлеуетті өнім берушіге конкурсқа, аукционға, баға ұсыныстарын сұратуға қатысуға өтінімді бұғатталған қамтамасыз етуді автоматты түрде мынадай жағдайларда ашады:
1) конкурсқа, аукционға, баға ұсыныстарын сұратуға қатысуға өтінімдерді ұсынудың соңғы мерзімі өткенге дейін осы әлеуетті өнім берушінің өзінің конкурсқа, аукционға қатысуға өтінімін кері қайтарып алуы;
2) Заңның 25-бабында көзделген шағымдану мерзімдерін ескере отырып, конкурс, аукцион, баға ұсыныстарын сұрату тәсілімен мемлекеттік сатып алу қорытындылары туралы хаттамаға қол қою. Көрсетілген жағдай конкурсқа, аукционға қатысушыға, конкурс жеңімпазы айқындаған баға ұсыныстарын сұратуға, баға ұсыныстарын сұратуға қолданылмайды;
3) әлеуетті өнім берушінің шартқа қол қоюы және ол шарттың орындалуын қамтамасыз етуді, авансты қамтамасыз етуді (егер шартта аванс көзделген жағдайда) және (немесе) Заңның 13-бабының 2-тармағына сәйкес соманы енгізуі (болған жағдайда).
Ескерту. 112-тармақ жаңа редакцияда - ҚР Қаржы министрінің 09.12.2024 № 809 (01.01.2025 бастап қолданысқа енгізіледі) бұйрығымен.
113. Әлеуетті өнім берушінің электрондық әмиянына орналастырылған ақшаны қайтару туралы талабы бойынша бірыңғай оператор бұғаттау немесе бұғаттау тоқтатылған көрсетілген ақшаны осындай талап келіп түскен күннен бастап үш жұмыс күні ішінде қайтарады.
114. Конкурсты ұйымдастыру және өткізу мынадай дәйекті кезеңдердің орындалуын көздейді:
1) тапсырыс беруші мен ұйымдастырушы бір тұлға болатын жағдайларды және тапсырыс берушінің алдағы конкурста соңғысының мүддесін білдіретін уәкілетті өкілін қоспағанда, тапсырыс берушінің ұйымдастырушыны (бірыңғай ұйымдастырушыны) айқындауы;
2) тапсырыс берушінің веб-портал арқылы ұйымдастырушыға (бірыңғай ұйымдастырушыға) конкурсты ұйымдастыру және өткізу үшін ақпаратты және құжаттарды қамтитын орталықтандырылған мемлекеттік сатып алуды өткізуге өтінімді (өтінімдерді) ұсынуы;
3) конкурстық комиссияның құрамын, сараптама комиссиясының не сарапшының құрамын (қажет болған кезде) айқындау және бекіту, конкурстық комиссияның хатшысын айқындау;
4) конкурстық құжаттаманың жобасын бекіту;
5) веб-порталда конкурсты жүзеге асыру туралы хабарландыруды, сондай-ақ конкурстық құжаттама жобасының мәтінін орналастыру;
6) веб-портал арқылы конкурстық құжаттаманың жобасын алдын ала талқылау және веб-порталда конкурстық құжаттаманың жобасын, сондай-ақ конкурстық құжаттаманың мәтінін алдын ала талқылау хаттамасын орналастыру;
7) әлеуетті өнім берушілердің конкурсқа қатысуға өтінімдерді электрондық құжат нысанында ұсынуы және оларды веб-порталда автоматты түрде тіркеуі;
8) өтінімдерді автоматты түрде ашу және веб-порталда тиісті ашу хаттамасын орналастыру;
9) конкурстық комиссияның веб-портал арқылы әлеуетті өнім берушілердің конкурсқа қатысуға өтінімдерін олардың біліктілік талаптарына және конкурстық құжаттама талаптарына сәйкестігі тұрғысынан қарауы, сондай-ақ Заңның 7-бабында көзделген шектеулердің болмауы;
10) біліктілік талаптары мен конкурстық құжаттаманың талаптарына сәйкес келетін әлеуетті өнім берушілерді айқындау және оларды конкурсқа қатысушылар деп тану, сондай-ақ конкурсқа қатысушылардың конкурстық баға ұсыныстарына критерийлердің салыстырмалы мәндерін қолдану;
11) веб-порталдың конкурсқа қатысушылардың шартты бағаларын автоматты түрде салыстыру, конкурс жеңімпазын, оның ішінде ең төменгі шартты баға негізінде, сондай-ақ екінші орын алған әлеуетті өнім берушіні айқындау және конкурс тәсілімен мемлекеттік сатып алу қорытындылары туралы хаттаманы веб-порталда орналастыру.
Осы тармақтың 6) тармақшасында көзделген іс-шаралар олар туралы мәліметтер Қазақстан Республикасының мемлекеттік құпиялар туралы заңнамасына сәйкес мемлекеттік құпияларды құрайтын және (немесе) таратылуы шектелген қызметтік ақпаратты қамтитын мемлекеттік сатып алу кезінде жүзеге асырылмайды.
Осы тармақтың 3), 8) және 9) тармақшаларында көзделген іс-шаралар рейтинг-балдық жүйені пайдалана отырып, конкурс тәсілімен мемлекеттік сатып алуға қолданылмайды.
115. Орталықтандырылған мемлекеттік сатып алуды жүзеге асыру мынадай дәйекті кезеңдерді сақтай отырып жүргізіледі:
1) тапсырыс берушінің осы Қағидалардың 8-тарауының 2-параграфында белгіленген құжаттары бар мемлекеттік сатып алуды ұйымдастыру және өткізу үшін бірыңғай ұйымдастырушыға сатып алуға өтінімді ұсынуы;
2) тапсырыс берушінің осы Қағидалардың 8-тарауының 2-параграфында белгіленген құжаттарды қамтитын, Тапсырыс беруші ұсынған сатып алуға арналған өтінім негізінде конкурстық құжаттаманы әзірлеуі және бірыңғай ұйымдастырушының бекітуі;
3) бірыңғай ұйымдастырушының конкурстық комиссияның құрамын және конкурстық комиссияның хатшысын айқындауы және бекітуі.
Осы Қағидалардың 40-тармағында көзделген жағдайда бірыңғай ұйымдастырушы айқындайтын және бекітетін конкурстық комиссияның құрамы бірыңғай ұйымдастырушының уәкілетті өкілдерінен ғана тұрады;
4) қажет болған жағдайда тапсырыс берушінің және (немесе) бірыңғай ұйымдастырушының конкурстық құжаттамаға өзгерістер және (немесе) толықтырулар енгізуі;
5) бірыңғай ұйымдастырушының веб-порталда мемлекеттік сатып алуды өткізу туралы хабарландыруды орналастыруы;
6) веб-портал арқылы конкурстық құжаттаманың жобасын алдын ала талқылау және веб-порталда конкурстық құжаттаманың жобасын, сондай-ақ конкурстық құжаттаманың мәтінін алдын ала талқылау хаттамасын орналастыру;
7) әлеуетті өнім берушілердің конкурсқа қатысуға өтінімдерді электрондық құжат нысанында ұсынуы және оларды веб-порталда автоматты түрде тіркеуі;
8) өтінімдерді автоматты түрде ашу және веб-порталда тиісті ашу хаттамасын орналастыру;
9) конкурстық комиссияның веб-портал арқылы әлеуетті өнім берушілердің конкурсқа қатысуға өтінімдерін олардың біліктілік талаптарына және конкурстық құжаттама талаптарына сәйкестігі тұрғысынан қарауы, сондай-ақ Заңның 7-бабында көзделген шектеулердің болмауы;
10) біліктілік талаптары мен конкурстық құжаттаманың талаптарына сәйкес келетін әлеуетті өнім берушілерді айқындау және оларды конкурсқа қатысушылар деп тану, сондай-ақ конкурсқа қатысушылардың конкурстық баға ұсыныстарына критерийлердің салыстырмалы мәндерін қолдану;
11) веб-порталдың конкурсқа қатысушылардың шартты бағаларын автоматты түрде салыстыру, конкурс жеңімпазын, оның ішінде ең төменгі шартты баға негізінде, сондай-ақ екінші орын алған әлеуетті өнім берушіні айқындау және конкурс тәсілімен мемлекеттік сатып алу қорытындылары туралы хаттаманы веб-порталда орналастыру.
Осы тармақтың 6) тармақшасында көзделген іс-шаралар олар туралы мәліметтер Қазақстан Республикасының мемлекеттік құпиялар туралы заңнамасына сәйкес мемлекеттік құпияларды құрайтын және (немесе) таратылуы шектелген қызметтік ақпаратты қамтитын мемлекеттік сатып алу кезінде жүзеге асырылмайды.
Осы тармақтың 3), 8) және 9) тармақшаларында көзделген іс-шаралар рейтинг-балдық жүйені пайдалана отырып, конкурс тәсілімен мемлекеттік сатып алуға қолданылмайды.
116. Бірыңғай ұйымдастырушы мемлекеттік сатып алуды ұйымдастыруды және өткізуді Заңда және осы қағидаларда белгіленген ерекшеліктерді ескере отырып, ұйымдастырушыға қойылатын талаптарға сәйкес жүзеге асырады.
117. Ұйымдастырушы мен тапсырыс беруші бір тұлға болатын жағдайларды қоспағанда, тапсырыс беруші конкурсты өткізу үшін ұйымдастырушыға жылдық жоспардың тармағы туралы мәліметтерді, техникалық ерекшеліктің, шарттың және біліктілік талаптарының (бар болса) жобаларын қамтитын қазақ және орыс тілдерінде мемлекеттік сатып алуды өткізуге арналған өтінімді ұсынады.
118. Осы Қағидалардың 40-тармағында көзделген жағдайда конкурсты ұйымдастыруды және өткізуді бірыңғай ұйымдастырушы Тапсырыс берушінің орталықтандырылған мемлекеттік сатып алуды жүргізуге өтінім беруі негізінде жүзеге асырады, оған тапсырыс берушінің бірінші басшысы не оның міндетін атқарушы тұлға не орталық орган аппаратының басшысы немесе аппарат басшысының өкілеттігін жүзеге асыратын өзге де лауазымды адам не Бюджеттік бағдарламаның басшысы не тұлға қол қояды, оның міндетін қазақ және орыс тілдерінде атқаратындарға, конкурстық құжаттаманың ажырамас бөлігі болып табылатын жылдық жоспардың тармағы, біліктілік талаптарының, техникалық ерекшеліктің, Шарттың жобалары және оны құрған (тартқан) жағдайда сараптама комиссиясының не сарапшының құрамы туралы мәліметтер қамтылады.
119. Жобалау-сметалық құжаттаманың болуын талап ететін жұмыстарды мемлекеттік сатып алуды жүзеге асыру кезінде конкурстық құжаттамада осы Қағидалардың 117 және 118-тармақтарымен көзделген ақпарат пен құжаттардан басқа заңнамамен белгіленген тәртіппен бекітілген жобалау-сметалық құжаттама және оның ведомстводан тыс кешенді сараптаманың оң қорытындысы болуға тиіс. Бұл ретте мұндай мемлекеттік сатып алу бойынша жұмыстарды орындау мерзімдері жобаның ведомстводан тыс кешенді сараптамасының осы қорытындысында көрсетілген жұмыстарды орындау мерзімдеріне сәйкес келуге тиіс.
120. Жобалау (жобалау-сметалық) құжаттамасын әзірлеу жөніндегі жұмыстарды мемлекеттік сатып алуды жүзеге асыру кезінде конкурстық құжаттамада осы Қағидалардың 117 және 118-тармақтарымен көзделген ақпарат пен құжаттардан басқа, заңнамаға сәйкес бекітілген ғимараттар мен құрылыстардың сенімділігі мен орнықтылығын (қажет болған жағдайда) техникалық тексеру жөніндегі жобалау мен сараптамалық қорытындыға тапсырма болуға тиіс.
121. Конкурстық құжаттамада тауар белгілеріне, қызмет көрсету белгілеріне, фирмалық атауларға, патенттерге, пайдалы модельдерге, өнеркәсіптік үлгілерге, тауардың шығарылған жерінің атауына және өндірушінің атауына, сондай-ақ сатып алынатын тауардың, жұмыстың, көрсетілетін қызметтің жекелеген әлеуетті өнім берушіге тиесілігін айқындайтын өзге де сипаттамаларға мыналарды:
1) негізгі (орнатылған) жабдықты, сондай-ақ орнатылған бағдарламалық қамтылымды (лицензиялық бағдарламалық қамтылымды) толық жинақтау, жаңғырту және толық жарақтау;
2) тауарды лизингке беру бойынша көрсетілетін қызметтерді берушіні айқындау және қажеттілік туындаған жағдайда лизингтің нысанасын егжей-тегжейлі сипаттау;
3) тапсырыс берушінің қолында бар тауарды жөндеу және (немесе) оған техникалық қызмет көрсету;
4) егер техникалық көмекші (компенсаторлық) құралдар, кохлеарлық импланттар, дәрілік заттар және мамандандырылған емдік тамақтану өнімдері дәрігерлік консилиумдар қорытындыларының және медициналық-генетикалық қорытындылардың нәтижелері бойынша белгіленген медициналық көрсетілімдері (жеке төзімсіздігі, өмірлік көрсетілімдері бойынша) бар пациенттерге қатысты қолдану үшін сатып алынса, оларды сатып алу жағдайларын қоспағанда, нұсқаулардың болуына жол берілмейді.
122. Конкурсты ұйымдастыру және өткізу рәсімдерін орындау үшін ұйымдастырушы, бірыңғай ұйымдастырушы әрбір конкурсқа конкурстық комиссияны жеке бекітеді және конкурстық комиссияның хатшысын айқындайды.
123. Конкурстық комиссия құру және конкурстық комиссияның хатшысын айқындау туралы шешімді ұйымдастырушының бірінші басшысы не оның міндетін атқарушы адам, не орталық мемлекеттік органның аппарат басшысы немесе аппарат басшысының өкілеттігін жүзеге асыратын өзге лауазымды тұлға не бюджеттік бағдарламаның басшысы не оның міндетін атқарушы адам қабылдайды.
124. Егер тапсырыс берушінің өзі тікелей немесе мемлекеттік сатып алуды ұйымдастыру және өткізу рәсімдерін орындауға жауапты өзінің құрылымдық бөлімшесі (лауазымды адам) атынан ұйымдастырушы болып әрекет еткен жағдайда конкурстық комиссия құру және конкурстық комиссия хатшысын айқындау туралы шешімді тапсырыс берушінің бірінші басшысы не оның міндеттерін атқаратын адам не орталық мемлекеттік орган аппаратының басшысы немесе аппарат басшысының өкілеттігін жүзеге асыратын өзге де лауазымды адам не бюджеттік бағдарламаның басшысы не оның міндетін атқаратын адам қабылдайды.
125. Мемлекеттік сатып алуды бірыңғай ұйымдастырушы жүзеге асырған жағдайда конкурстық комиссия құру және конкурстық комиссия хатшысын айқындау туралы шешімді бірыңғай ұйымдастырушының бірінші басшысы не оның міндеттерін атқаратын адам қабылдайды.
126. Жұмыстарды мемлекеттік сатып алуды жүзеге асырған кезде ұйымдастырушы, ал егер ұйымдастырушы ретінде тапсырыс берушінің өзі тікелей не оның атынан құрылымдық бөлімшесі (лауазымды адамы) әрекет еткен жағдайда, тапсырыс беруші қажет болған кезде конкурстық комиссияның құрамына тиісті қызмет саласындағы уәкілетті органның өкілдерін, оның келісімі бойынша веб-порталда тіркелген қызметкерлерінің қатарынан енгізеді.
127. Сатып алынатын тауарлардың, жұмыстардың, көрсетілетін қызметтердің техникалық тапсырмасын және (немесе) техникалық ерекшелігін әзірлеу үшін тапсырыс беруші қажет болған кезде сараптау комиссиясын құрады не сарапшыны тартады.
128. Ұйымдастырушы қажет болған жағдайда әлеуетті өнім берушілер ұсынатын тауарлардың, жұмыстардың, көрсетілетін қызметтердің конкурстық құжаттаманың ажырамас бөлігі болып табылатын техникалық өзіндік ерекшелікке сәйкестігіне қатысты сараптамалық қорытындыны дайындау үшін сараптама комиссиясын құрады не сарапшыны айқындайды.
Орталықтандырылған мемлекеттік сатып алуды ұйымдастыру және өткізу кезінде тапсырыс беруші қажет болған жағдайда әлеуетті өнім берушілер ұсынатын тауарлардың, жұмыстардың, көрсетілетін қызметтердің конкурстық құжаттаманың ажырамас бөлігі болып табылатын техникалық ерекшелікке сәйкестігіне қатысты сараптамалық қорытынды дайындау үшін сараптама комиссиясын құрады не сарапшыны айқындайды.
129. Мыналар:
1) мемлекеттік сатып алу рәсімдерінің нәтижелеріне мүдделі;
2) тапсырыс берушімен, мемлекеттік сатып алуды ұйымдастырушымен, мемлекеттік сатып алуды бірыңғай ұйымдастырушымен не олардың ведомстволық бағынысты, еншілес және тәуелді ұйымдарымен не әлеуетті өнім берушілермен еңбек қатынастарында байланысты;
3) тапсырыс берушінің, мемлекеттік сатып алуды ұйымдастырушының, мемлекеттік сатып алуды бірыңғай ұйымдастырушының не олардың ведомстволық бағынысты, еншілес және тәуелді ұйымдарының бірінші басшыларының жақын туысы, жұбайы (зайыбы) немесе жекжаты болып табылатын адам сарапшы болмайды.
Осы тармақтың үшінші бөлігінде белгіленген талаптарға сәйкес келетін сарапшылар болмаған кезде мемлекеттік сатып алуды ұйымдастырушы не тапсырыс беруші жұмыс берушімен келісім бойынша сарапшы ретінде тиісті бейіндегі мемлекеттік қызметшілерді не сатып алынатын тауарларға, жұмыстарға, көрсетілетін қызметтерге мамандығы сәйкес келетін өзге де мамандарды тартады.
Мемлекеттік қызметшілер сарапшылар ретінде өтеусіз негізде тартылады, ал өзге мамандар тараптардың уағдаластығы бойынша ақылы да, өтеусіз де негізде тартылады.
Конкурстық комиссия шешім қабылдаған кезде сарапшылар дауыс бермейді.
Сарапшылар ретінде ақылы негізде тартылатын адамдарды таңдау Заңға сәйкес жүзеге асырылады.
130. Конкурстық комиссияның мүшелері конкурстық комиссияның төрағасы және басқа да мүшелері болып табылады. Конкурстық комиссияның мүшелері өтінімдерді қарайды және оның міндетін атқарушы адамның болуын қоспағанда, ауыстыруға құқығынсыз дауыс беруге қатысады.
Конкурстық комиссия мүшелерінің жалпы саны тақ санды, бірақ кемінде үш адамды құрайды.
131. Осы Қағидалардың 31-тармағымен көзделген жағдайда конкурстық комиссияның төрағасы болып тапсырыс берушінің бірінші басшысының орынбасарынан төмен емес лауазымды тұлға айқындалады.
132. Осы Қағидалардың 33, 35 және 36-тармақтарымен көзделген жағдайларда конкурстық комиссияның төрағасы болып ұйымдастырушының бірінші басшысының орынбасарынан не оның міндетін атқаратын адамнан төмен емес лауазымды адам, не орталық мемлекеттік орган аппаратының басшысы немесе аппарат басшысының өкілеттігін жүзеге асыратын өзге де лауазымды адам не бюджеттік бағдарламаның басшысы не оның міндетін атқаратын адам айқындалады.
133. Осы Қағидалардың 32 және 34-тармақтарымен көзделген жағдайларда конкурстық комиссияның төрағасы болып тапсырыс берушінің бірінші басшысының орынбасарынан не оның міндетін атқаратын адамдан төмен емес лауазымды адам, не орталық мемлекеттік орган аппаратының басшысы немесе аппарат басшысының өкілеттігін жүзеге асыратын өзге де лауазымды адам не бюджеттік бағдарламаның басшысы не оның міндетін атқаратын адам айқындалады.
134. Орталықтандырылған мемлекеттік сатып алуды жүзеге асыру кезінде бірыңғай ұйымдастырушының бірінші басшысы не оның міндетін атқарушы тұлға не бірыңғай ұйымдастырушының бірінші басшысының орынбасары конкурстық комиссияның (аукциондық комиссияның) төрағасы болып айқындалады.
135. Конкурстық комиссия төрағасы болмаған жағдайда комиссия төрағасының кандидатурасы қайта бекітіледі. Бұл ретте конкурстық комиссияның төрағасы болып бірінші басшының орынбасарынан төмен емес лауазымды адам, ал ол болмаған жағдайда – бірінші басшы айқындалады.
136. Бірыңғай ұйымдастырушы құрған конкурстық комиссияның төрағасы болмаған жағдайда, конкурстық комиссия төрағасының кандидатурасы қайта бекітіледі. Бұл ретте, конкурстық комиссияның төрағасы болып бірыңғай ұйымдастырушының бірінші басшысының міндетін атқарушы лауазымды адам не бірыңғай ұйымдастырушының бірінші басшысының орынбасары айқындалады.
137. Конкурстық комиссияның төрағасы:
1) конкурстық комиссияның қызметін басқарады;
2) осы Қағидаларда көзделген өзге де функцияларды жүзеге асырады.
138. Конкурстық комиссия оны құру туралы шешім күшіне енген күннен бастап әрекет етеді және шарт жасасқан күні өз қызметін тоқтатады.
139. Конкурстық комиссияның шешімі веб-порталды пайдалана отырып дауыс беру арқылы қабылданады және конкурстық комиссия мүшелерінің жалпы санының көпшілігі дауыс берсе, қабылданды деп есептеледі. Дауыстар тең болған жағдайда конкурстық комиссияның төрағасы дауыс берген шешім қабылданды деп есептеледі.
140. Конкурстық комиссияның шешімімен келіспеген жағдайда осы конкурстық комиссияның кез келген мүшесінің ерекше пікір айтуға құқығы бар, ол құжаттың электрондық көшірмесі нысанында веб-порталда жарияланады.
141. Конкурстық комиссияның тиісті хаттамаларында конкурстық комиссияның қандай да бір мүшесінің қолы болмаған жағдайда хатшы қолдың болмау себебін қамтитын құжатты немесе ақпаратты веб-порталда жариялайды.
142. Конкурстық комиссияның ұйымдастыру қызметін конкурстық комиссияның хатшысы қамтамасыз етеді. Конкурстық комиссия хатшысы конкурстық комиссияның мүшесі болып табылмайды және конкурстық комиссия шешімдер қабылдаған кезде дауыс беру құқығы жоқ.
143. Конкурстық комиссияның хатшысы ұйымдастырушының мемлекеттік сатып алуды ұйымдастыруға және жүргізуге жауапты құрылымдық бөлімшесінің лауазымды тұлғаларының арасынан айқындалады.
Конкурстық комиссияның хатшысы болмаған жағдайда конкурстық комиссияның хатшысы қайта бекітіледі.
144. Мемлекеттік сатып алуды бірыңғай ұйымдастырушы жүзеге асырған жағдайда конкурстық комиссияның хатшысы бірыңғай ұйымдастырушының лауазымды адамдары арасынан айқындалады.
145. Конкурстық комиссияның хатшысы:
1) веб-порталда конкурстық құжаттаманың жобасын қалыптастырады және жариялайды;
2) веб-порталда конкурс өткізілетіні туралы хабарландыруды, конкурстық құжаттаманың жобасын алдын-ала талқылау хаттамасын, конкурсқа қатысуға өтінімдерді ашу хаттамасын, бар болған кезде конкурсқа қатысуға алдын ала рұқсат беру хаттамасын, конкурс тәсілімен мемлекеттік сатып алу қорытындысы туралы хаттаманы, сондай-ақ болған кезде басқа да құжаттарды жариялайды;
3) веб-порталда бар болған жағдайда сараптау комиссиясының немесе сарапшының қорытындысын жариялайды;
4) осы Қағидаларда көзделген өзге де функцияларды жүзеге асырады.
146. Конкурс тәсілімен мемлекеттік сатып алуды ұйымдастыру және жүргізу кезінде ұйымдастырушы қажет болған жағдайда әлеуетті өнім берушілер ұсынған тауарлардың, жұмыстардың, көрсетілетін қызметтердің конкурстық құжаттаманың ажыратылмас бөлігі болып табылатын техникалық ерекшелікке сәйкестігіне қатысты сараптамалық қорытындыны дайындау үшін сараптау комиссиясын құрады не сарапшыны айқындайды
147. Осы Қағидалардың 40-тармағымен көзделген жағдайда тапсырыс беруші қажеттілігіне орай әлеуетті өнім берушілер ұсынған тауарлардың, жұмыстардың, көрсетілетін қызметтердің конкурстық құжаттаманың ажыратылмас бөлігі болып табылатын техникалық ерекшелікке сәйкестігіне қатысты сараптамалық қорытындыны дайындау үшін сараптау комиссиясын не сарапшыны бекітеді.
148. Рейтингтік-балдық жүйе пайдаланылатын конкурс тәсілімен мемлекеттік сатып алуды ұйымдастыру және өткізу кезінде сараптама комиссиясы құрылмайды, сарапшы тартылмайды.
149. Сараптау комиссиясын құру не сарапшыны тарту туралы шешімді ұйымдастырушының бірінші басшысы не оның міндетін атқаратын адам, не бюджеттік бағдарламаның басшысы не оның міндетін атқаратын адам қабылдайды.
150. Осы Қағидалардың 40-тармағымен көзделген жағдайларда сараптау комиссиясын құру туралы шешімді тапсырыс берушінің бірінші басшысы не оның міндетін атқаратын адам, не бюджеттік бағдарламаның басшысы не оның міндетін атқаратын адам қабылдайды.
151. Конкурсты өткізу басталғанға дейін конкурстық комиссия мүшелері, конкурстық комиссияның хатшысы, сондай-ақ сараптау комиссиясы не сарапшы конкурстық құжаттаманың жобасымен және оның қосымшаларымен танысады.
152. Сараптау комиссиясының төрағасы, төрағасының орынбасары және басқа мүшелері сараптау комиссиясының мүшелері болып табылады. Төраға болмаған уақытта оның функцияларын төрағаның орынбасары орындайды. Сараптау комиссиясының жалпы саны тақ санды құрауы және кемінде үш адам болады.
153. Конкурс тәсілімен мемлекеттік сатып алуды ұйымдастырған және өткізген кезде сараптау комиссиясы не сарапшы әлеуетті өнім берушілер ұсынған тауарлардың, жұмыстардың, көрсетілетін қызметтердің конкурстық құжаттама талаптарына сәйкестігіне сараптамалық қорытынды береді және конкурстық комиссия шешім қабылдаған кезде дауыс беру құқығы болмайды.
154. Конкурстық комиссия сараптау комиссиясының не сарапшының қорытындысын, егер ол конкурстық құжаттамада көзделген талаптар шегінде құрылған жағдайда ғана міндетті түрде ескереді. Сараптамалық қорытындыға сараптау комиссиясының мүшелері не сараптау комиссиясын құрмай-ақ сарапшыны анықтаған жағдайда, сарапшы қол қояды және конкурстық комиссия хатшысының электрондық цифрлық қолтаңбасымен расталған құжаттың электрондық көшірмесі нысанында веб-порталдағы конкурсқа қатысуға алдын ала рұқсат беру туралы хаттамасына, мемлекеттік сатып алулардың қорытындысы туралы хаттамаға қоса беріледі.
Сарапшының қорытындысына міндетті түрде сарапшының біліктілігін растайтын құжаттар (білімі туралы диплом, сертификат, аттестат не өзге құжат) қоса берілуі тиіс.
155. Сараптау комиссиясының әлеуетті өнім берушілер ұсынатын тауарлардың, жұмыстардың, көрсетілетін қызметтердің конкурстық құжаттама талаптарына сәйкестігі тұрғысынан айқындауы ашық дауыс берумен жүзеге асырылады және егер оған сараптау комиссиясы мүшелерінің жалпы санының көпшілігі дауыс берсе, қабылданды деп есептеледі.
156. Дауыстар тең болған жағдайда сараптау комиссиясының төрағасы немесе ол болмаған жағдайда төрағаның орынбасары дауыс берген шешім қабылданды деп есептеледі.
157. Сараптау комиссиясының қорытындысымен келіспеген жағдайда осы сараптау комиссиясының кез келген мүшесінің ерекше пікір айтуға құқығы бар, ол сараптау комиссиясының қорытындысына қоса беріледі және құжаттың электрондық көшірмесі нысанында веб-порталда жарияланады.
158. Тиісті сараптамалық қорытындыда сараптау комиссиясының қандай да бір мүшесінің қолы болмаған жағдайда конкурстық комиссияның хатшысы қолдың болмау себебін қамтитын құжатты немесе ақпаратты веб-порталда жариялайды.
159. Ұйымдастырушы не бірыңғай ұйымдастырушы конкурс жүргізудің шарттары мен тәртібін анықтау үшін осы Қағидаларға 4-қосымшаға сәйкес веб-порталда қазақ және орыс тілдерінде конкурстық құжаттаманың жобасын қалыптастырады және мынадай:
1) тапсырыс беруші мен ұйымдастырушы бір тұлғаны білдіретін;
2) конкурс тәсілімен мемлекеттік сатып алуды бірыңғай ұйымдастырушы жүзеге асыратын жағдайларды қоспағанда, оны тапсырыс берушімен келіседі.
160. Ұйымдастырушы әзірлеген конкурстық құжаттаманың жобасын тапсырыс берушінің бірінші басшысы не оның міндеттерін атқарушы тұлға, не орталық мемлекеттік органның аппарат басшысы немесе аппарат басшысының өкілеттігін жүзеге асыратын өзге де лауазымды адам не бюджеттік бағдарламаның басшысы не оның міндетін атқаратын адам бекітеді.
161. Осы Қағидалардың 40-тармағына сәйкес айқындалатын мемлекеттік сатып алуды бірыңғай ұйымдастырушы әзірленген конкурстық құжаттаманың жобасын бірыңғай ұйымдастырушының бірінші басшысы немесе оның міндеттерін атқаратын тұлға бекітеді.
162. Бірыңғай ұйымдастырушы әзірлеген және бекіткен конкурстық құжаттаманың жобасы конкурстық құжаттаманың ажыратылмас бөлігі болып табылатын техникалық ерекшелікті, шарт жобасын және сараптау комиссияның құрамын не сарапшыны (бар болса) қамтиды.
163. Ұйымдастырушы конкурстық құжаттаманың жобасы бекітілген күннен бастап үш жұмыс күнінен кешіктірмей конкурс тәсілімен мемлекеттік сатып алуды жүзеге асыру туралы хабарландырудың мәтінін, сондай-ақ конкурстық құжаттаманың жобасын веб-порталда орналастырады.
164. Әлеуетті өнім берушілердің конкурсқа қатысуға өтінімдерін ұсынатын мерзімнің соңғы күні конкурстық құжаттаманың жобасын алдын ала талқылау хаттамасын және бекітілген конкурстық құжаттаманың мәтінін орналастырған күннен бастап кем дегенде бес жұмыс күнді құрайды.
Рейтингтік-балдық жүйе пайдаланылатын конкурс тәсілімен мемлекеттік сатып алуды жүзеге асыру кезінде әлеуетті өнім берушілердің конкурсқа қатысуға өтінімдер беруінің түпкілікті күнінің мерзімі конкурстық құжаттаманың жобасын алдын ала талқылау хаттамасы және бекітілген конкурстық құжаттаманың мәтіні орналастырылған күннен бастап кемінде үш жұмыс күнін құрайды.
165. Тапсырыс беруші әлеуетті өнім берушілердің конкурсқа қатысуға арналған өтінімдерді ұсыну мерзімі өткенге дейін конкурстық құжаттамаға өз бастамасы бойынша өзгерістер енгізуге құқылы. Мұндай жағдайларда конкурстық құжаттама осы Қағидалармен айқындалған тәртіппен алдын ала талқылауға жатады.
166. Егер осы Қағидалардың 164-тармағына сәйкес конкурстық құжаттаманың жобасын алдын ала талқылау жүзеге асырылмаған жағдайда, әлеуетті өнім берушілердің конкурсқа қатысуға өтінімдерін ұсынатын мерзімнің соңғы күні конкурс тәсілімен мемлекеттік сатып алуды жүзеге асыру туралы хабарламаның мәтінін орналастырған күннен бастап бес жұмыс күннен кем болмауы тиіс.
167. Қайта мемлекеттік сатып алуды өткізуге байланысты мемлекеттік сатып алу туралы шартты орындау мерзімін ұлғайтуды қоспағанда, конкурс тәсілімен мемлекеттік сатып алу қайтадан жүзеге асырған жағдайда, ұйымдастырушы конкурсқа қатысуға өтінімдер ұсынудың соңғы күніне дейін кемінде үш жұмыс күні бұрын веб-порталда өткізілмеген конкурстың конкурстық құжаттамасының өзгермеуі шартымен, конкурс тәсілімен мемлекеттік сатып алуды қайтадан жүзеге асыру туралы хабарландырудың мәтінін орналастырады.
168. Конкурстық құжаттамаға өзгерістер мен (немесе) толықтырулар енгізілген жағдайда мемлекеттік сатып алу осы Қағидалардың 163-тармағына сәйкес жүргізіледі.
169. Қазақстан Республикасының мемлекеттік құпиялар туралы заңнамасына сәйкес олар туралы мәліметтер мемлекеттік құпияларды құрайтын және (немесе) таралуы шектеулі қызметтік ақпаратты қамтитын мемлекеттік сатып алуды жүзеге асыру жағдайларын қоспағанда, конкурстық құжаттаманы бекітудің міндетті талабы әлеуетті өнім берушілердің конкурстық құжаттаманың жобасын алдын ала талқылауы болып табылады.
170. Конкурстық құжаттаманың жобасына ескертулерді, сондай-ақ конкурстық құжаттаманың ережелерін түсіндіру туралы сұрау салуларды әлеуетті өнім берушілер веб-портал арқылы мемлекеттік сатып алуды жүзеге асыру туралы хабарландыру орналастырылған күннен бастап екі жұмыс күнінен кешіктірмей тапсырыс берушіге, ұйымдастырушыға, бірыңғай ұйымдастырушыға жіберуі мүмкін.
171. Конкурстық құжаттаманың жобасына ескертулер, сондай-ақ конкурстық құжаттаманың ережелерін түсіндіру туралы сұрау салулар болмаған кезде мемлекеттік сатып алуды жүзеге асыру туралы хабарландыру жарияланған күннен бастап екі жұмыс күні ішінде конкурстық құжаттама бекітілді деп есептеледі.
172. Тапсырыс беруші, ұйымдастырушы, бірыңғай ұйымдастырушы ескертулер, сондай-ақ конкурстық құжаттаманың ережелерін түсіндіру туралы сұрау салулар болған кезде конкурстық құжаттаманы алдын ала талқылау мерзімі өткен күннен бастап екі жұмыс күні ішінде мынадай шешімдерді қабылдайды:
1) конкурстық құжаттаманың жобасына өзгерістер және (немесе) толықтырулар енгізеді;
2) конкурстық құжаттаманың жобасына ескертпелерді қабылдамай, оларды қабылдамау негіздемелері мен себептерін көрсетеді;
3) конкурстық құжаттаманың ережелеріне түсінік береді.
Конкурстық құжаттаманың жобасына өзгерістер және (немесе) толықтырулар енгізілген жағдайда, осы Қағидалардың 163 және 164-тармақтарымен белгіленген тәртіппен веб-порталда өзгертілген конкурстық құжаттаманы бекіту туралы шешім қабылданады.
Осы тармақтың 2) және 3) тармақшаларында көзделген шешімдер қабылданған күннен бастап, конкурстық құжаттама бекітілді деп есептеледі.
173. Ұйымдастырушы, бірыңғай ұйымдастырушы конкурстық құжаттама бекітілген күннен бастап бір жұмыс күнінен кешіктірмей осы Қағидаларға 5-қосымшаға сәйкес нысан бойынша веб-порталда конкурстық құжаттаманың жобасын алдын ала талқылау хаттамасын орналастырады.
Бұл ретте конкурстық құжаттаманы алдын ала талқылау хаттамасы жұмыс күндері жұмыс уақытында (Астана қаласының уақыты бойынша 09.00-ден 18:00-ге дейін) орналастырылады.
Бұл ретте, өтінімдерді қабылдау алдын ала талқылау хаттамасы орналастырылған күннен кейін келесі жұмыс күні (Астана қаласының уақыты бойынша сағат 09.00-ден бастап) жүзеге асырылады.
174. Осы Қағидалардың 172-тармағы 1) тармақшасына сәйкес конкурстық құжаттаманың жобасына өзгерістер және (немесе) толықтырулар енгізілген жағдайда, ұйымдастырушы, бірыңғай ұйымдастырушы конкурстық құжаттаманың жобасын алған әлеуетті өнім берушілерді автоматты түрде хабардар ете отырып, конкурстық құжаттаманың жобасын алдын ала талқылау хаттамасымен бірге конкурстық құжаттаманың бекітілген мәтінін орналастырады.
175. Конкурстық құжаттаманың жобасын алдын ала талқылау хаттамасы конкурстық құжаттаманың жобасына қатысты келіп түскен ескертпелер туралы ақпаратты және олар бойынша қабылданған шешімдерді қамтиды.
176. Конкурстық құжаттаманың жобасын алдын ала талқылау хаттамасына тапсырыс берушінің бірінші басшысы не оның міндеттерін атқаратын тұлға, не орталық мемлекеттік органның аппарат басшысы немесе аппарат басшысының өкілеттігін жүзеге асыратын өзге де лауазымды адам не бюджеттік бағдарламаның басшысы не оның міндетін атқаратын адам қол қояды.
177. Мемлекеттік сатып алуды бірыңғай ұйымдастырушы жүргізген жағдайда конкурстық құжаттаманың жобасын алдын ала талқылау хаттамасына конкурстық комиссияның төрағасы қол қояды.
178. Осы Қағидалардың 33, 35-тармақтары мен 36-тармағының екінші бөлігінде көзделген жағдайларда, конкурстық құжаттаманың жобасын алдын ала талқылау хаттамасына ұйымдастырушының бірінші басшысы не оның міндеттерін атқаратын тұлға, не орталық мемлекеттік органның аппарат басшысы немесе аппарат басшысының өкілеттігін жүзеге асыратын өзге де лауазымды адам бюджеттік бағдарламаның басшысы не оның міндетін атқаратын адам қол қояды.
179. Ұйымдастырушы, қажет болған кезде әлеуетті өнім берушілердің сұрау салуларына немесе ескертпелеріне жауап ретінде конкурстық құжаттамаға өзгерістер және (немесе) толықтырулар енгізеді.
Конкурстық құжаттамаға өзгерістер және (немесе) толықтырулар енгізуді осы Қағидалардың 174-тармағымен белгіленген тәртіппен тапсырыс беруші бекітеді.
180. Конкурстық құжаттаманың ажыратылмас бөлігі болып табылатын біліктілік талаптарының жобасына, техникалық ерекшелікке немесе шарттың жобасына өзгерістер және (немесе) толықтыруларды қоспағанда бірыңғай ұйымдастырушы, қажет болған кезде конкурстық құжаттаманың жобасын алдын ала талқылау мерзімі өткен күннен бастап бес жұмыс күні ішінде, веб-порталға қатысушы әлеуетті өнім берушілердің сұрау салуларына не ескертулеріне жауап ретінде конкурстық құжаттаманың жобасына өзгерістер және (немесе) толықтырулар енгізеді. Конкурстық құжаттаманың ажыратылмас бөлігі болып табылатын біліктілік талаптарының жобасына, техникалық ерекшелікке және шарттың жобасына өзгерістер және (немесе) толықтырулар енгізуді қоспағанда, конкурстық құжаттамаға өзгерістер және (немесе) толықтырулар енгізуді осы Қағидалардың 161-тармағымен белгіленген тәртіппен бірыңғай ұйымдастырушы бекітеді.
181. Конкурстық құжаттаманың ажырамас бөлігі болып табылатын техникалық ерекшеліктің, шарттың және біліктілік талаптарының (болған жағдайда) жобаларына өзгерістер және (немесе) толықтырулар енгізу туралы шешім қабылдаған жағдайда, тапсырыс беруші бекітілген шешімді конкурстық құжаттаманың жобасын алдын ала талқылау мерзімі өткен күннен бастап екі жұмыс күнінен кешіктірмей бірыңғай ұйымдастырушыға жібереді.
Ескерту. 181-тармақ жаңа редакцияда - ҚР Қаржы министрінің м.а. 04.03.2025 № 102 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
182. Бірыңғай ұйымдастырушы тапсырыс беруші бекіткен конкурстық құжаттаманың ажыратылмас бөлігі болып табылатын біліктілік талаптарының жобасына, техникалық ерекшелікке және шарттың жобасына өзгерістер және (немесе) толықтырулар енгізу туралы осы Қағидалардың 181-тармағымен көзделген тапсырыс берушінің бекітілген шешімі негізінде конкурстық құжаттаманың жобасын алдын ала талқылау мерзімі өткен күннен бастап бір жұмыс күннен кешіктірмей конкурстық құжаттаманың ажыратылмас бөлігі болып табылатын біліктілік талаптарының жобасына, техникалық ерекшелікке немесе шарттың жобасына өзгерістер және (немесе) толықтырулар енгізеді.
183. Конкурстық құжаттаманың жобасына ескертулерді қабылдамау туралы шешім қабылданған жағдайда, осы Қағидалардың 172-тармағы 2) тармақшасына сәйкес конкурстық құжаттаманың жобасын алдын ала талқылау хаттамасында оларды қабылдамау себептерінің егжей-тегжей негіздемелері көрсетіледі.
184. Әлеуетті өнім берушілерден веб-портал арқылы конкурстық құжаттаманың ережелерін түсіндіру туралы сұрау салулар келіп түскен жағдайда, осы Қағидалардың 172-тармағы 3) тармақшасына сәйкес конкурстық құжаттаманың ережелеріне түсіндірме беру мәтіні конкурстық құжаттаманың жобасын алдын ала талқылау хаттамасында көрсетіледі.
185. Осы Қағидалардың 40-тармағында көзделген жағдайда, конкурстық құжаттаманың ажырамас бөлігі болып табылатын техникалық ерекшеліктің, шарттың және біліктілік талаптарының (болған кезде) жобаларына ескертулер мен сұрау салуларды қабылдамау тапсырыс беруші жүзеге асырады.
186. Конкурстық құжаттаманың ажыратылмас бөлігі болып табылатын біліктілік талаптары жобасының, техникалық ерекшеліктің және шарт жобасының ережелеріне түсіндірме беру мәтіні конкурстық құжаттаманың жобасын алдын ала талқылау хаттамасында көрсетіледі.
187. Конкурс өткізу туралы хабарландыру орналастырылған күннен бастап барлық ниет білдірушілерге алдын ала талқылау үшін және алдын ала талқылау нәтижелері бойынша бекітілген конкурстық құжаттаманың жобасын веб-портал арқылы тегін алу мүмкіндігі беріледі.
188. Веб-порталда конкурс өткізу туралы хабарлау сәтіне дейін конкурстық құжаттаманы не конкурстық құжаттаманың жобасын беруге жол берілмейді.
189. Конкурсқа қатысуға өтінім электрондық құжат нысанында веб-портал арқылы конкурстық құжаттамада көрсетілген оны берудің соңғы мерзімі өткенге дейін беріледі және әлеуетті өнім берушінің конкурстық құжаттамада белгіленген талаптарға және шарттарға келісім беру, сондай-ақ әлеуетті өнім берушінің біліктілік талаптары мен Заңның 7-бабында белгіленген шектеулерге сәйкестігін растайтын, өзі туралы мәліметтер алуға келісу нысаны болып табылады.
190. Конкурсқа қатысуға үміткер әлеуетті өнім берушінің ұйымдастырушыға, бірыңғай ұйымдастырушыға беретін конкурсқа қатысуға өтінімі конкурстық құжаттаманың нысанында тізбеленген құжаттарды қамтиды, сондай-ақ әлеуетті өнім берушінің:
1) Заңның 7-бабымен көзделген шектеулерді бұзушылықтардың болмағандығы туралы;
2) өзінің және тапсырыс берушінің не ұйымдастырушының (бірыңғай ұйымдастырушының) арасында Заңмен жол берілмейтін қарым-қатынастардың болмағандығы туралы растауды қамтиды.
191. Конкурсқа қатысуға өтінім конкурсқа қатысуға өтінім берген әлеуетті өнім берушінің тиісті хабарламасын веб-порталмен автоматты түрде жіберу сәтінде қабылданған болып есептеледі.
192. Әлеуетті өнім беруші конкурсқа қатысуға бір ғана өтінім береді.
193. Әлеуетті өнім берушінің конкурсқа қатысуға өтінімі мынадай:
1) әлеуетті өнім беруші осы конкурсқа қатысуға бұрын өтінім берген;
2) конкурсқа қатысуға өтінім веб-порталға осы конкурсқа қатысуға өтінімдерді қабылдаудың соңғы мерзімі өткеннен кейін келіп түскен;
3) конкурстық баға ұсынысы осы тауарларды, жұмыстарды, көрсетілетін қызметтерді сатып алу үшін бөлінген сомадан асып түскен;
4) Заңның 7-бабы 1-тармағының 1), 3), 4), 5), 6), 7), 9) және 13) тармақшаларымен көзделген жағдайларда, веб-портал оны автоматты түрде кері қайтаруға тиіс.
Конкурсқа қатысу үшін әлеуетті өнім беруші ұсынатын конкурсқа қатысуға өтінімнің қолданылу мерзімі конкурсқа қатысуға өтінімдер ашылған күннен бастап кем дегенде күнтізбелік алпыс күнді құрайды және конкурстық құжаттамада белгіленген талап етілетін мерзімге сәйкес келеді.
193-1. Дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі мемлекеттік кәсіпорындар, мемлекеттік мекемелер, заңды тұлғалар болып табылатын конкурсқа қатысуға әлеуетті өнім берушілердің өтінімдерін жеке кәсіпкерлік субъектілері болып табылатын әлеуетті өнім берушілерден кемінде екі өтінім болған жағдайда веб-портал автоматты түрде қабылдамауға тиіс.
Заңды тұлға акцияларының (қатысу үлестерінің) мемлекетке тиесілігі құрылтайшы немесе құрылтайшылардың құрамы туралы мәліметтерді қамтитын құрылтай құжаты бойынша не қатысушы/акционер ретінде Қазақстан Республикасының Үкіметі, Қазақстан Республикасы Қаржы министрлігінің Мемлекеттік мүлік және жекешелендіру комитеті, акциялардың мемлекеттік пакеттерін және ұйымдарға қатысудың мемлекеттік үлестерін иелену және пайдалану құқықтары берілген орталық мемлекеттік орган немесе жергілікті атқарушы орган көрсетілетін акцияларды ұстаушылар тізілімінен үзінді көшірме бойынша айқындалады.
Ескерту. 8-тарау 193-1-тармақпен толықтырылды - ҚР Қаржы министрінің 09.12.2024 № 809 (01.01.2025 бастап қолданысқа енгізіледі) бұйрығымен.
194. Әлеуетті өнім берушінің конкурсқа қатысуға өтінімі веб-порталда автоматты түрде тіркеледі.
195. Әлеуетті өнім беруші қажет болған кезде өзі енгізген конкурсқа қатысу өтінімін қамтамасыз етуді қайтаруға құқықтарын жоғалтпастан, конкурсқа қатысуға өтінімдерді ұсынудың соңғы мерзімі өткенге дейін кез келген уақытта өзінің конкурсқа қатысуға өтінімін өзгертеді немесе кері қайтарып алады.
196. Конкурсқа қатысуға өтінімдерді ұсынудың соңғы мерзімі өткеннен кейін оны қайтарып алуға жол берілмейді.
197. Конкурсқа қатысуға өтінімдер берудің соңғы мерзімі аяқталғаннан кейін оған өзгерістер және (немесе) толықтырулар енгізуге жол берілмейді.
198. Әлеуетті өнім берушіге конкурстық құжаттамаға сәйкес талап етілетін мемлекеттік ақпараттық жүйелерге және (немесе) мемлекеттік дерекқорға жүгіну арқылы не электрондық нысанды толтырып, веб-порталды пайдалану арқылы алынған жекелеген құжаттарды ұсынуға жол беріледі.
199. Конкурсқа қатысуға өтінімдерді ашуды конкурсқа қатысуға өтінімдерді ұсынудың түпкілікті мерзімі өткеннен кейін веб-портал автоматты түрде бес минут ішінде жүзеге асырады.
200. Осы Қағидаларға 6-қосымшаға сәйкес конкурсқа қатысу өтінімдерді ашу хаттамасын оны ашу жүргізілген кезден бастап веб-портал автоматты түрде орналастырады. Бұл ретте конкурсқа қатысуға өтінім берген конкурстық комиссия мүшелеріне, әлеуетті өнім берушілерге веб-портал хабарламаларды автоматты түрде жібереді.
201. Конкурсқа қатысуға өтінім берген әлеуетті өнім берушілерге конкурс қорытындылары туралы хаттама орналастырылғаннан кейін конкурстық баға ұсыныстарын қоспағанда, басқа әлеуетті өнім берушілердің осы конкурсқа қатысуға берген өтінімдерін көруге қолжетімділік қамтамасыз етіледі.
Ескерту. 201-тармақ жаңа редакцияда - ҚР Қаржы министрінің м.а. 04.03.2025 № 102 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
202. Конкурстық комиссия, біліктілік талаптарына және конкурстық құжаттама талаптарына сай келетін әлеуетті өнім берушілерді айқындау мақсатында, веб-портал арқылы конкурсқа қатысуға өтінімдерді қарайды.
203. Конкурсқа қатысуға өтінімдерді ашқан күннен бастап бір жұмыс күнінен кешіктірмей конкурстық комиссияның хатшысы, олар құрылған (тартылған) жағдайда, сараптау комиссиясына не сарапшыға әлеуетті өнім берушілер ұсынатын тауарлардың, жұмыстардың, көрсетілетін қызметтердің техникалық ерекшеліктерін олардың конкурстық құжаттама талаптарына сәйкестігін анықтау мақсатында ұсынады.
204. Конкурсқа қатысуға арналған өтінімдерді әлеуетті өнім берушілердің біліктілік талаптары мен конкурстық құжаттаманың талаптарына сәйкестігі тұрғысынан қарау кезінде конкурстық комиссия:
1) қажет болған кезде веб-портал арқылы әлеуетті өнім берушілерден конкурсқа қатысуға өтінімдерді қарауды, бағалауды және салыстыруды оңайлату үшін олардың өтінімдеріне байланысты материалдар мен түсіндірмелер сұратады;
2) конкурсқа қатысуға өтінімдерде қамтылған мәліметтерді нақтылау мақсатында, тиісті жеке немесе заңды тұлғалардан, мемлекеттік органдардан қажетті ақпаратты жазбаша нысанда және (немесе) электрондық құжат нысанында сұратады;
3) әлеуетті өнім берушілердің конкурсқа қатысуға өтінімдерін олардың біліктілік талаптарына және конкурстық құжаттама талаптарына сәйкестігі тұрғысынан қарайды;
4) біліктілік талаптарына және конкурстық құжаттама талаптарына сәйкес келетін және (немесе) сәйкес келмейтін әлеуетті өнім берушілерді айқындайды.
Конкурсқа қатысуға өтінімді жетіспейтін құжаттармен толықтыруға, конкурсқа қатысуға өтінімде ұсынылған құжаттарды ауыстыруға, тиісінше ресімделмеген құжаттарды сәйкес келтіруге байланысты сұрау салуды және конкурстық комиссияның өзге де әрекеттерін жіберуге жол берілмейді.
205. Әлеуетті өнім берушілердің банкроттық не тарату рәсіміне қатысы жоқ бөлігінде біліктілік талаптарына сәйкестігін нақтылау мақсатында конкурстық комиссия банкроттық не тарату рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарайды.
206. Әлеуетті өнім беруші конкурсқа қатысуға өтінімдерді біліктілік талаптары мен конкурстық құжаттаманың талаптарына сәйкес келтіргеннен кейін, егер:
1) ол және (немесе) ол тартатын қосалқы мердігер (бірлесіп орындаушы) біліктілік талаптарына және Заңда және осы Қағидаларда айқындалған негіздер бойынша конкурстық құжаттаманың шарттарына сәйкес емес деп айқындалса;
2) ол Заңның 7-бабымен көзделген талаптарды бұзған болса конкурсқа қатысуға (конкурсқа қатысушы деп танылмайды) жіберілмейді.
207. Егер әлеуетті өнім беруші осы Қағидалардың 206-тармағының 2) тармақшасымен көзделген негіздер бойынша конкурсқа қатысуға жіберілмесе, онда конкурс тәсілімен мемлекеттік сатып алу қорытындысы туралы хаттамада конкурсқа қатысуға өтінімді қабылдамау үшін негіз болған, растайтын мәліметтер мен құжаттар көрсетіле отырып, мұндай әлеуетті өнім берушінің конкурсқа қатысуға өтінімін қабылдамаудың негіздемелері көрсетіледі.
208. Конкурстық комиссия конкурсқа қатысуға өтінімдерді қарау нәтижелері бойынша:
1) біліктілік талаптарына және конкурстық құжаттаманың талаптарына сәйкес келетін әлеуетті өнім берушілерді айқындайды және конкурсқа қатысушылар деп таниды;
2) конкурстық баға ұсынысына әсер ететін өлшемшарттарды қолданады және есептейді;
3) конкурсқа қатысуға өтінімдер ашылған күннен бастап үш жұмыс күні ішінде осы Қағидаларға 7-қосымшаға сәйкес конкурс тәсілімен мемлекеттік сатып алу қорытындылары туралы хаттаманы ресімдейді.
Ескерту. 208-тармақ жаңа редакцияда - ҚР Қаржы министрінің м.а. 04.03.2025 № 102 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
209. Конкурс тәсілімен мемлекеттік сатып алудың қорытындысының хаттамасына электрондық көшірме нысанындағы конкурстық құжаттаманың талаптарына сәйкес келетіні туралы сарапшының қорытындысы, бар болған жағдайда сараптау комиссиясы мүшесінің ерекше пікірі тіркеледі.
210. Конкурс тәсілімен мемлекеттік сатып алу қорытындысы туралы хаттама мынадай ақпаратты қамтиды:
1) осы Қағидалардың 204-тармағына сәйкес конкурстық комиссияның сұрау салулары туралы;
2) конкурсқа қатысуға берілген өтінімдері қабылданбаған әлеуетті өнім берушілердің өтінімдерін қабылдамау себептері егжей-тегжейлі сипатталып, оның ішінде біліктілік талаптары мен конкурстық құжаттаманың талаптарына сәйкес келмейтінін растайтын мәліметтер мен құжаттар көрсетіле отырып, олар туралы ақпарат;
3) конкурстық комиссияның конкурстық құжаттамада көзделген конкурстық баға ұсынымына әсер ететін өлшемшарттарды қолдануы туралы:
4) конкурс жеңімпазын айқындау туралы мәліметтер қамтылуға тиіс.
Конкурс тәсілімен мемлекеттік сатып алу қорытындылары туралы хаттама мынадай ақпаратты қамтиды:
1) осы Қағидалардың 204-тармағына сәйкес конкурстық комиссияның сұрау салулары туралы;
2) конкурсқа қатысуға өтінімдері қабылданбаған әлеуетті өнім берушілер туралы, олардың қабылданбау себептерін егжей-тегжейлі сипаттай отырып, оның ішінде олардың біліктілік талаптары мен конкурстық құжаттама талаптарына сәйкес растайтын мәліметтер мен құжаттарды көрсете отырып;
3) конкурстық комиссияның конкурстық құжаттамада көзделген конкурстық баға ұсынысына әсер ететін өлшемшарттарды қолдануы туралы;
4) жеңімпазды анықтау туралы.
211. Конкурс тәсілімен мемлекеттік сатып алудың қорытындысы туралы хаттамаға веб-порталда конкурстық комиссияның барлық мүшелері қол қояды және оны конкурстық комиссияның хатшысы конкурсқа қатысуға өтінім берген барлық әлеуетті өнім берушілерді автоматты түрде хабардар ете отырып, конкурс тәсілімен мемлекеттік сатып алудың қорытындысы туралы шешім қабылданған күні веб-порталда жариялайды.
212. Әлеуетті өнім беруші (конкурсқа қатысушы болып танылмайды) конкурсқа жіберілмейді егер:
1) ол және (немесе) оның қосалқы мердігері не бірлесіп орындаушысы келесі негіздемелер бойынша біліктілік талаптарына сәйкес келмейді деп айқындалса:
мемлекеттік органдардың ақпараттық жүйесінде олар туралы мәліметтер расталатын рұқсаттар мен хабарламалар туралы Қазақстан Республикасының заңнамасына сәйкес алынған (бағытталған) рұқсаттардың (хабарламалардың) болмауы. Мемлекеттік органдардың ақпараттық жүйесінде мәліметтер болмаған жағдайда әлеуетті өнім беруші рұқсаттар мен хабарламалар туралы Қазақстан Республикасының заңнамасына сәйкес алынған (бағытталған) тиісті рұқсаттардың (хабарламалардың) нотариалдық куәландырылған көшірмесін ұсынады;
әлеуетті өнім берушінің сатып алынатын тауарларды өндіруге, қайта өңдеуге, жеткізуге және сатуға, жұмыстарды орындауға, қызметтерді көрсетуге құқығын растайтын патенттердің, куәліктердің, сертификаттардың, басқа да құжаттардың электрондық көшірмелерін ұсынбауы;
мемлекеттік кірістер органының мәліметтерінің негізінде веб-порталмен автоматты түрде анықталатын тиісті қаржы жылына республикалық бюджет туралы заңда белгіленген айлық есептік көрсеткіштің алты еселеген мөлшерінен асатын салық берешегі және міндетті зейнетақы жарналары, міндетті кәсіптік зейнетақы жарналары мен әлеуметтік аударымдары бойынша берешегі туралы болуы;
жұмыскерлер алдында жалақы төлеу бойынша мерзімі өткен берешектің болуы;
конкурстық құжаттамаға 9, 10, 11 және 12-қосымшаларға сәйкес біліктілігі туралы мәліметтерді ұсынбауы, сондай-ақ толық емес ұсынуы;
конкурстық құжаттамамен белгіленген сатып алынатын тауарлар, жұмыстар, көрсетілетін қызметтер нарығында жұмыс тәжірибесінің болмауы;
әлеуетті өнім берушінің конкурстық құжаттамада көрсетілген, шарт бойынша міндеттемелерді орындау үшін жеткілікті материалдық және еңбек ресурстарына ие болу бөлігінде біліктілік талаптарына сәйкес келмеуі;
біліктілік талаптары бойынша дұрыс емес ақпарат ұсыну фактісі анықталса. Бұл ретте мұндай фактіні Заңның 14-бабының 2-тармағына сәйкес уәкілетті орган не мемлекеттік аудит және қаржылық бақылау органдары, оның ішінде тапсырыс беруші, мемлекеттік сатып алуды ұйымдастырушы, мемлекеттік сатып алуды бірыңғай ұйымдастырушы ұсынған мәліметтер мен құжаттар негізінде мемлекеттік сатып алуды жүзеге асырудың кез келген сатысында белгілеуі мүмкін;
банкроттық не тарату рәсіміне жатса;
2) егер оның конкурсқа қатысуға өтінімі келесі негіздемелер бойынша конкурстық құжаттаманың талаптарына сәйкес келмейді деп айқындалса:
техникалық ерекшелікті ұсынбау;
әлеуетті өнім берушінің конкурстық құжаттаманың талаптарына сәйкес келмейтін техникалық ерекшелікті ұсынуы, сондай-ақ техникалық ерекшелікте талап етілетін құжаттарды ұсынбауы;
конкурста сатып алу мәні болып табылатын жұмыстарды, сондай-ақ конкурстық құжаттамаға 20-қосымшаға сәйкес әлеуетті өнім беруші қосалқы мердігерлерге (бірлесіп орындаушыларға) беретін жұмыстар мен қызметтердің түрлерін орындау жөніндегі қосалқы мердігерлер (қызметтер көрсету кезіндегі бірлесіп орындаушылар) туралы мәліметтерді бермеу (әлеуетті өнім беруші қосалқы мердігерлерді (бірлесіп орындаушыларды) тартқан жағдайда);
қосалқы мердігерлер туралы мәліметтер ұсынылған жағдайда, әлеуетті өнім берушінің қосалқы мердігерлерге (бірлесіп орындаушыларға) орындалатын жұмыстардың немесе көрсетілетін қызметтердің жалпы көлемінің жиынтығында отыз пайыздан астамын қосалқы мердігерлікке (бірлесіп орындауға) беру;
конкурстық құжаттаманың және осы Қағидалардың талаптарына сәйкес конкурсқа қатысуға өтінімді қамтамасыз етуді бермеу;
конкурстық өтінімде ұсынылған құжаттар бойынша дәйексіз мәліметтер ұсыну фактісі анықталса. Бұл ретте мұндай фактіні Заңның 14-бабының 2-тармағына сәйкес уәкілетті орган не мемлекеттік аудит және қаржылық бақылау органдары, оның ішінде тапсырыс беруші, мемлекеттік сатып алуды ұйымдастырушы, мемлекеттік сатып алуды бірыңғай ұйымдастырушы ұсынған мәліметтер мен құжаттар негізінде мемлекеттік сатып алуды жүзеге асырудың кез келген сатысында белгілеуі мүмкін;
3) мемлекеттік сатып алуларға қатысуға байланысты Заңның 7-бабында көзделген шектеулер болса. Заңның 7-бабы 1-тармағының 1), 3), 4), 5), 6), 7), 8), 9) және 13) тармақшаларымен көзделген мемлекеттік сатып алуға қатысумен байланысты шектеулер бойынша, әлеуетті өнім берушінің конкурсқа қатысуға өтінімі веб-порталмен автоматты түрде кері қайтаруына жатады. Заңның 7-бабы 1-тармағының 10), 11), және 12) тармақшаларымен көзделген мемлекеттік сатып алуға қатысумен байланысты шектеулер бойынша, конкурстық комиссия тиісті уәкілетті органдардың интернет-ресурстарындағы ақпаратты қарастырады.
213. Егер тауарлардың (көрсетілетін қызметтердің) неғұрлым үздік функционалдық, техникалық, пайдалану және сапалық сипаттамалары, технологиялық шешімдер және (немесе) жұмыстарды үздік материалдардан орындау ұсынылса, әлеуетті өнім берушінің тауарларына, жұмыстарына, көрсетілетін қызметтеріне техникалық ерекшеліктің конкурстық құжаттамада көрсетілген техникалық ерекшелікке сәйкес келмеуіне жол беріледі.
214. Егер конкурсқа қатысуға өтінімде ұсынылған конкурсқа қатысуға өтінімнің мәнін қозғамай түзетуге болатын грамматикалық немесе арифметикалық қателер болса, ол конкурстық құжаттаманың талаптарына сай келеді деп танылады.
215. Сараптау комиссиясы не сарапшы конкурстық комиссияның төрағасы белгілеген мерзімде, бірақ конкурсқа қатысу өтінімдерді қарау мерзімінен кешіктірмей:
1) өз құзыретінің шегінде әлеуетті өнім берушілер ұсынатын тауарлардың, жұмыстардың, көрсетілетін қызметтердің конкурстық құжаттама талаптарына сәйкестігін растау үшін олар берген құжаттардың толықтығы мен дұрыс ресімделуі тұрғысынан қарайды және зерделейді;
2) әлеуетті өнім берушілер ұсынатын тауарлардың, жұмыстардың, көрсетілетін қызметтердің конкурстық құжаттаманың ажырамас бөлігі болып табылатын техникалық ерекшелікке сәйкестігі немесе сәйкес келмеуі туралы сараптама қорытындысын ресімдейді, оған қол қояды және конкурстық комиссияның хатшысына ұсынады.
Сараптамалық қорытындыда әлеуетті өнім берушілер ұсынатын тауарлардың, көрсетілетін қызметтердің (олар болған жағдайда) функционалдық мүмкіндіктері, техникалық параметрлері, сапалық сипаттамалары мен пайдалану шарттары конкурстық құжаттаманың техникалық ерекшелігінде көрсетілген тауарлардың, көрсетілетін қызметтердің сипаттамаларына қарағанда асып түсетіні туралы ақпаратты қамтиды.
216. Сараптамалық қорытындыға сарапшы ерекше пікірін білдіретін жағдайларды қоспағанда, барлық сарапшылар қол қояды және әр бетіне бұрыштама соғады.
Сараптамалық қорытындыны алғаннан кейін конкурстық комиссияның хатшысы сараптамалық қорытындыны веб-порталда орналастырады және веб-портал арқылы хабарламаларды конкурстық комиссияның барлық мүшелеріне таратады. Конкурстық комиссия конкурсқа қатысуға өтінімдерді сараптамалық қорытындыны ескере отырып қарайды.
217. Конкурс тәсілімен мемлекеттік сатып алуды жүзеге асыру кезінде конкурстық баға ұсынысына әсер ететін мынадай өлшемшарттар қолданылады:
1) әлеуетті өнім берушіде өткізілетін мемлекеттік сатып алудың нысанасы болып табылатын жұмыстар, көрсетілетін қызметтер нарығында жұмыс тәжірибесінің болуы;
2) төленген салықтар көрсеткіші;
3) әлеуетті өнім берушінің жұмыстарды орындау орны бойынша облыстың, республикалық маңызы бар қалалардың және астананың шекараларындағы тиісті әкімшілік-аумақтық бірлікте болуы;
4) әлеуетті өнім берушінің аудиттелген жылдық қаржылық есептілікті қаржылық есептілік депозитарийіне орналастыруы;
5) тауарлардың функционалдық, техникалық, сапалық және пайдалану сипаттамалары және (немесе) сатып алынатын тауарларды пайдалануға, оған техникалық қызмет көрсетуге және жөндеуге арналған шығыстар;
6) теріс мәндер;
7) әлеуетті өнім берушінің қазақстандық тауар өндірушілердің тізілімінде болуы.
Ескерту. 217-тармақ жаңа редакцияда - ҚР Қаржы министрінің 24.06.2025 № 321 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
218. Конкурсқа қатысатын әлеуетті өнім берушінің жұмыс тәжірибесінің болуы мәселесін қарау кезінде конкурстық комиссия осы конкурста сатып алынатын жұмыстарды орындау және қызметтерді көрсету нарығында ғана, оның ішінде жұмыстар мен көрсетілетін қызметтердің ұқсас түрлері бойынша жұмыс тәжірибесін қарайды.
219. Конкурсқа қатысуға бір өтінім берілген жағдайларды қоспағанда, конкурстық комиссия конкурс тәсілімен мемлекеттік сатып алудың қорытындысы туралы хаттаманы қалыптастыру кезінде, осы Қағидалардың 217-тармағына сәйкес конкурсқа қатысуға өтінім берген әрбір әлеуетті өнім берушіге қолданылатын, конкурстық құжаттамада көзделген өлшемдерге сәйкес шартты жеңілдіктерді анықтайды.
Әлеуетті өнім беруші осы өлшемдерді растайтын құжаттарды бермеген жағдайда конкурстық комиссия мұндай әлеуетті өнім берушіге тиісті шартты жеңілдікті қолданбайды.
220. Осы Қағидаларда көрсетілген құжаттардан басқа, біріктіру, қосылу және қайта құру жолымен қайта ұйымдастыру нәтижесінде алынған әлеуетті өнім берушінің жұмыс тәжірибесін әлеуетті өнім беруші заңды тұлғаларды тіркеу жөніндегі уәкілетті мемлекеттік органның ақпараттық жүйесінен алынған осындай тұлғаларды қайта ұйымдастыру туралы мәліметтер негізінде веб-портал арқылы растайды.
Заңды тұлғалар қайта ұйымдастырылған жағдайда (қосылу, бірігу) қайта ұйымдастырылатын заңды тұлғалардың бірінің ең үлкен жұмыс тәжірибесі ескеріледі.
Жұмыс тәжірибесінің тізілімін пайдаланбай мемлекеттік сатып алуды жүзеге асыру кезінде әлеуетті өнім берушінің бірігуі, қосылуы және қайта құрылуы жолымен қайта ұйымдастыру нәтижесінде алынған жұмыс тәжірибесін қайта ұйымдастырылатын заңды тұлғалардың қаржылық орнықтылығы көрсеткіштерінің веб-порталында жаңартылғаннан (біріктірілгеннен) кейін конкурстық комиссия қарайды.
221. Осы Қағидалардың мақсаттары үшін қайта ұйымдастырылған заңды тұлғаның жұмыс тәжірибесі мынадай жағдайлардың бірі болған кезде электрондық депозитарийге енгізілмейді, сондай-ақ конкурстық баға ұсынысына әсер ететін өлшемшарттарды есептеу кезінде ескерілмейді:
1) егер әлеуетті өнім берушінің мәлімделген жұмыс тәжірибесі басқа заңды тұлғадан бөлу немесе бөліп шығару жолымен қайта ұйымдастыру нәтижесінде алынған болса;
2) егер әлеуетті өнім берушінің мәлімделген жұмыс тәжірибесі қайта ұйымдастырудың бірнеше реттілікті түрлері (бөлу, бөліп шығару, біріктіру, қосу, қайта құру) нәтижесінде алынған болса;
3) егер әлеуетті өнім берушінің мәлімделген жұмыс тәжірибесі заңды тұлғалардың қайта ұйымдастыру (біріктіру, қосу, қайта құру) нәтижесінде алынған болса, мұнда қайта ұйымдастырылатын заңды тұлғалардың бірінде Заңның 7-бабы 1-тармағының 3), 4), 5), 6) және 7) тармақшаларымен көзделген шектеулері бар болса;
4) егер әлеуетті өнім берушінің мәлімделген жұмыс тәжірибесі заңды тұлғалардың қайта ұйымдастырудың (біріктіру, қосу, қайта құру) нәтижесінде алынған болса, мұнда қайта ұйымдастырылатын заңды тұлғалардың бірі мемлекеттік сатып алу нысанасына сәйкес келетін қызмет түрлерін жүзеге асыруға лицензиясынан (рұқсатынан) айырылған болса.
222. Егер конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің екі жүз мың еселенген мөлшерінен аспаған жағдайда, осы өлшемшарттың конкурсқа қатысуға өтінімнің шартты бағасына жиынтық пайыздық әсер бес пайыздан аспайды.
223. Егер жобалау (жобалау-сметалық) құжаттамасын әзірлеу жөніндегі жұмыстар бойынша конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің жиырма мың еселенген мөлшерінен аспаған жағдайда, осы өлшемшарттың конкурсқа қатысуға өтінімнің шартты бағасына жиынтық пайыздық әсер бес пайыздан аспайды.
224. Егер конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің екі жүз мың еселенген мөлшерінен асқан жағдайда, осы өлшемшарттың конкурсқа қатысуға өтінімнің шартты бағасына жиынтық пайыздық әсер он пайыздан аспайды.
225. Егер жобалау (жобалау-сметалық) құжаттамасын әзірлеу жөніндегі жұмыстар бойынша конкурс (лот) тәсілімен мемлекеттік сатып алуды жүзеге асыруға бөлінген сома тиісті қаржы жылына белгіленген айлық есептік көрсеткіштің жиырма мың еселенген мөлшерінен асқан жағдайда, осы өлшемшарттың конкурсқа қатысуға өтінімнің шартты бағасына жиынтық пайыздық әсер он пайыздан аспайды.
226. Егер әлеуетті өнім берушінің бас мердігер (жобалаушы) ретінде жұмыс тәжірибесі болған жағдайда, веб-портал әлеуетті өнім берушінің сатып алынатын жұмыстар нарығында, оның ішінде конкурстың нысанасы болып табылатын осындай (ұқсас) жұмыс түрлері бойынша жұмыс тәжірибесі болған әрбір жыл үшін бір пайыз (1%) мөлшерінде шартты жеңілдік автоматты түрде береді.
227. Егер әлеуетті өнім берушінің қосалқы мердігер (қосалқы жобалаушы) ретінде жұмыс тәжірибесі болса, веб-портал сатып алынатын жұмыстар нарығында, оның ішінде конкурстың нысанасы болып табылатын осындай (ұқсас) жұмыс түрлері бойынша жұмыс тәжірибесі болған әрбір жыл үшін нөл бүтін оннан бес пайыз (0,5%) мөлшерінде шартты жеңілдік автоматты түрде береді.
228. Егер бір жыл ішінде әлеуетті өнім беруші конкурста, оның ішінде осындай (ұқсас) жұмыс түрлері бойынша бірнеше құрылыс объектісінде сатып алынатын жұмыстарды орындаған жағдайда, веб-портал әрбір келесі құрылыс объектісі үшін нөл бүтін оннан екі пайыз (0,2 %) мөлшерінде шартты жеңілдік береді. Егер осы жұмыстарды әлеуетті өнім беруші қосалқы мердігер (қосалқы жобалаушы) ретінде орындаған болса, конкурстық комиссия әрбір келесі құрылыс объектісі үшін нөл бүтін оннан бір пайыз (0,1 %) мөлшерінде шартты жеңілдік береді.
Құрылыс-монтаждау жұмыстары бойынша жұмыс тәжірибесін растайтын құжат Мемлекеттік сатып алу саласында тізілімдерді қалыптастырудың және жүргізудің қағидаларына сәйкес жұмыс тәжірибесі тізіліміне енгізілетін құжаттардың электрондық көшірмелері болып табылады.
229. Егер конкурстың мәні жаңа объектілердің құрылысы болып табылған жағдайда, тек жаңа объектілердің құрылысының жұмыс тәжірибесі ескеріледі.
230. Егер конкурстың мәні автомобиль жолдарының және (немесе) инженерлік желілердің жаңа құрылысы болып табылған жағдайда, автомобиль жолдарын және (немесе) инженерлік желілерді реконструкциялау жөніндегі жұмыс тәжірибесі ескеріледі.
231. Егер конкурстың мәні кеңейту, жаңғырту, техникалық қайта жарақтандыру және реконструкциялау болып табылған жағдайда, күрделі жөндеуді қоспағанда, жаңа объектілерді салу, қолданыстағы объектілерді кеңейту, жаңғырту, техникалық қайта жарақтандыру және реконструкциялау жұмыс тәжірибесі ескеріледі.
232. Егер күрделі жөндеу конкурстың нысанасы болып табылған жағдайда, онда жаңа объектілерді салу, қолданыстағы объектілерді кеңейту, жаңғырту, техникалық қайта жарақтандыру, реконструкциялау және күрделі жөндеу жұмысының тәжірибесі ескеріледі.
233. Егер жобалау (жобалау-сметалық) құжаттамасын әзірлеу жөніндегі жұмыстар конкурстың мәні болып табылған жағдайда жобалау (жобалау-сметалық) құжаттамасын әзірлеу жөніндегі жұмыс тәжірибесі ескеріледі.
234. Егер конкурстың мәні жобалау (жобалау-сметалық) құжаттамасын түзету немесе байланыстыру жөніндегі жұмыстар болып табылған жағдайда, жобалау (жобалау-сметалық) құжаттамасын әзірлеу, түзету, байланыстыру жөніндегі жұмыс тәжірибесі ескеріледі.
235. Құрылыс-монтаждау жұмыстары және жобалау (жобалау-сметалық) құжаттамасын әзірлеу жөніндегі жұмыстар бойынша жұмыс тәжірибесі құрылыс объектілерінің функционалдық мақсатына (құрылыс түрлері бойынша бұрын орындалған жұмыстардың ұқсастығы немесе ұқсастығы) және олардың Қазақстан Республикасы Ұлттық экономика министрінің 2015 жылғы 28 ақпандағы № 165 бұйрығымен бекітілген (Нормативтік құқықтық актілерді мемлекеттік тіркеу тізілімінде № 10666 болып тіркелген) Ғимараттар мен құрылыстарды техникалық және (немесе) технологиялық жағынан күрделі объектілерге жатқызудың жалпы тәртібін айқындау қағидаларына сәйкес айқындалған техникалық күрделілігіне қарай есептеледі.
236. Құрылыс-монтаждау жұмыстары және әлеуетті өнім берушінің жобалау (жобалау-сметалық) құжаттамасын әзірлеу жөніндегі жұмыстар бойынша жұмыс тәжірибесін есептеу кезінде жиынтығында:
1) ғимараттар мен құрылыстардың жауапкершілік деңгейі (біріншісі – жоғары, екіншісі – қалыпты, үшіншісі – төмен).
Егер бірінші (жоғары) жауапкершілік деңгейіндегі ғимараттар мен құрылыстар конкурстың нысанасы болып табылған жағдайда, тек бірінші (жоғары) жауапкершілік деңгейіндегі ғимараттар мен құрылыстардың жұмыс тәжірибесі ескеріледі.
Егер екінші (қалыпты) жауапкершілік деңгейіндегі ғимараттар мен құрылыстар конкурстың нысанасы болып табылған жағдайда бірінші (жоғары) және екінші (қалыпты) жауапкершілік деңгейіндегі ғимараттар мен құрылыстардың жұмыс тәжірибесі ескеріледі.
Егер конкурстың мәні жауапкершіліктің үшінші (төмендетілген) деңгейінің ғимараттары мен құрылыстары болып табылған жағдайда, бірінші (жоғары), екінші (қалыпты) және үшінші (төмендетілген) жауапкершілік деңгейінің ғимараттары мен құрылыстарының жұмыс тәжірибесі ескеріледі;
2) объектілердің техникалық күрделілігі (техникалық жағынан күрделі объектілерге жататын ғимараттар мен құрылыстар, техникалық жағынан күрделі объектілерге жатпайтын ғимараттар мен құрылыстар).
Егер конкурстың мәні техникалық жағынан күрделі объектілер болып табылған жағдайда, тек техникалық жағынан күрделі объектілердің жұмыс тәжірибесі ескеріледі.
Егер конкурстың мәні техникалық жағынан күрделі объектілерге (кешендерге) жатпайтын ғимараттар мен құрылыстар болып табылған жағдайда, техникалық жағынан күрделі объектілерге жатпайтын техникалық жағынан күрделі объектілер мен ғимараттар мен құрылыстардың жұмыс тәжірибесі ескеріледі;
3) функционалдық мақсаты (өнеркәсіптік объектілер, өндірістік ғимараттар, құрылыстар, тұрғын үй-азаматтық мақсаттағы объектілер, өзге де құрылыстар);
4) бұрын орындалған жұмыстардың ұқсастығы немесе ұқсас болуы, олар тұрғын үй-азаматтық мақсаттағы объектілердегі жұмыстарды қоспағанда, конкурс нысанасымен Рұқсаттар және хабарламалар туралы заңның бірінші санатындағы рұқсаттар (лицензиялар) тізбесінің 5 және 6-бөлімдерінде көзделген лицензияланатын қызмет түрінің тиісті кіші түрінің бір тармақшасында болған жағдайда ескеріледі.
Электрмен жабдықтауға, электр жарығына және электр жылытуға байланысты бұрын орындалған жұмыстардың ұқсастығы немесе ұқсас болуы олардың конкурс нысанасымен Рұқсаттар және хабарламалар туралы заңның бірінші санатындағы рұқсаттар (лицензиялар) тізбесінің 5 және 6-бөлімдерінде көзделген лицензияланатын қызмет түрінің тиісті кіші түрінің әртүрлі тармақшаларында болуына қарамастан ескеріледі.
Автомобиль жолдарының құрылысына байланысты бұрын орындалған жұмыстардың ұқсастығы немесе ұқсас болуы олардың конкурс нысанасымен Рұқсаттар және хабарламалар туралы заңның бірінші санаттағы рұқсаттар (лицензиялар) тізбесінің 5 және 6-бөлімдерінде көзделген лицензияланатын қызмет түрінің тиісті кіші түрінің әртүрлі тармақшаларында болуына қарамастан ескеріледі.
237. Инженерлік желілер мен жүйелердің қолданыстағы объектілерін (инженерлік желілер мен жүйелердің бірнеше түрі) жаңа салу, кеңейту, техникалық қайта жарақтандыру, жаңғырту, реконструкциялау, реставрациялау және күрделі жөндеу кезіндегі жұмыс тәжірибесі өткізілетін мемлекеттік сатып алу нысанасына сәйкес келетін инженерлік желілер және (немесе) жүйелер түрлерінің кем дегенде біреуінің болуы негізге алына отырып есептеледі.
238. Инженерлік желілерді және (немесе) жүйелерді (инженерлік желілердің және (немесе) жүйелердің бірнеше түрін) қайта құру жөніндегі жұмыс тәжірибесі инженерлік желілерді және (немесе) жүйелерді (инженерлік желілердің және (немесе) жүйелердің бірнеше түрін) жаңа салу кезінде ескеріледі.
239. Қолданыстағы автомобиль жолдары объектілерін және инженерлік желілер мен жүйелерді (инженерлік желілер мен жүйелердің бірнеше түрі) жаңа салу, кеңейту, техникалық қайта жарақтандыру, жаңғырту, реконструкциялау, қалпына келтіру және күрделі жөндеу кезіндегі жұмыс тәжірибесі, жұмыс тәжірибесі автомобиль жолдарының жұмыс тәжірибесінің болуы және инженерлік желілер мен жүйелердің ең болмағанда бір түрінің болуы негізге алына отырып есептеледі.
240. Бір жылдан астам мерзімі бар шарттар бойынша жұмыс тәжірибесін есептеу кезінде объектіні пайдалануға қабылдау актісінің күніне сәйкес құрылыс аяқталған жылы танылады.
241. Растайтын құжаттардың электрондық көшірмелерін ұсыну тек конкурстық құжаттамада көрсетілу көзделген мәліметтер бойынша ғана міндетті.
242. Құрылыс-монтаждау жұмыстарын, жобалау (жобалау-сметалық) құжаттамасын әзірлеу жөніндегі жұмыстарды, сондай-ақ конкурстық баға ұсынысына әсер ететін мәліметтерді толтыру бөлігінде мемлекеттік сатып алуға қатысатын әлеуетті өнім берушінің өтінімі нысанасына форматтық-логикалық бақылауды ескере отырып, веб-порталда қалыптастырылады веб-портал автоматты түрде анықтайтын келесі критерийлерге (белгілерге) сәйкестік:
1) "Расталды" мәртебесімен жұмыс тәжірибесі тізіліміндегі әлеуетті өнім берушінің жұмыс тәжірибесін растайтын мәліметтер мен құжаттар;
2) құрылыс объектілерінің жауапкершілік деңгейі;
3) құрылыс объектілерінің техникалық күрделілігі;
4) функционалдық мақсаттағы;
5) тұрғын үй-азаматтық мақсаттағы объектілердегі жұмыстарды қоспағанда, әлеуетті өнім беруші мәлімдеген жұмыс тәжірибесіне сәйкес келетін Рұқсаттар және хабарламалар туралы заңының бірінші санатындағы рұқсаттар (лицензиялар) тізбесінің 5 және 6-бөлімдерінде көзделген лицензияланатын қызмет түрінің кіші түрлері;
6) құрылыс түрі;
7) құрылыс-монтаждау жұмыстары және жобалау (жобалау-сметалық) құжаттамасын әзірлеу жөніндегі жұмыстар бойынша әлеуетті өнім берушінің мәртебесі (бас мердігер (жобалаушы), қосалқы мердігер (қосалқы жобалаушы).
243. Құрылыс-монтаждау жұмыстарын, жобалау (жобалау-сметалық) құжаттамасын әзірлеу жөніндегі жұмыстарды, мемлекеттік сатып алуды жүзеге асыру кезінде "расталған" мәртебесімен жұмыс тәжірибесінің тізіліміндегі әлеуетті өнім берушінің жұмыс тәжірибесін растайтын мәліметтер мен құжаттарды веб-портал автоматты түрде есептейді және шағымданады Заңның 25-бабының тәртібімен жатпайды.
244. Конкурстық комиссия әлеуетті өнім берушінің осы Қағидаларға 6-қосымшаға сәйкес тізбе бойынша сатып алынатын жұмыстар нарығында жұмыс тәжірибесі болған әрбір жыл үшін бір пайыз (1%) мөлшерінде шартты жеңілдік береді.
245. Конкурстық комиссия әлеуетті өнім берушінің сатып алынатын жұмыстар нарығында, оның ішінде конкурстың мәні болып табылатын ұқсас (ұқсас) жұмыс түрлері бойынша жұмыс тәжірибесі болған әрбір жыл үшін бір пайыз (1%) мөлшерінде шартты жеңілдік береді.
Егер бір жыл ішінде әлеуетті өнім беруші конкурста сатып алынатын, оның ішінде ұқсас (ұқсас) жұмыс түрлері бойынша бірнеше жұмысты орындаған жағдайда, конкурстық комиссия сатып алынатын жұмыс түрлеріне ұқсас (ұқсас болу) әрбір келесі орындалған жұмыс үшін нөл бүтін оннан екі пайыз (0,2%) мөлшерінде шартты жеңілдік береді.
246. Құрылыс-монтаждау жұмыстарымен байланысты емес жұмыстарды мемлекеттік сатып алу бойынша қосалқы мердігер ретіндегі жұмыс тәжірибесі есепке алынбайды.
247. Егер конкурстың мәні автомобиль жолын орташа жөндеу болып табылса, онда құрылыс-монтаждау жұмыстарының және автомобиль жолдарын орташа жөндеудің жұмыс тәжірибесі ескеріледі.
248. Егер әлеуетті өнім беруші құрылыс-монтаждау жұмыстарының жұмыс тәжірибесін мәлімдеген болса, жұмыс тәжірибесін растайтын құжат Мемлекеттік сатып алу саласында тізілімдерді қалыптастырудың және жүргізудің қағидаларына сәйкес жұмыс тәжірибесінің тізіліміне енгізілетін құжаттардың электрондық көшірмелері болып табылады.
Бұл ретте мұндай жұмыс тәжірибесі ол туралы "Расталды" мәртебесімен жұмыс тәжірибесі тізіліміндегі мәліметтер мен құжаттар болған кезде ескеріледі.
249. Мемлекеттік органдар, мемлекеттік мекемелер, сондай-ақ дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі мемлекеттік кәсіпорындар, заңды тұлғалар және олармен үлестес тұлғалар тапсырыс берушілер болып табылатын объектілер бойынша орындалған жұмыстар актілерінің тиісті электрондық көшірмелері автомобиль жолдарын орташа жөндеу жөніндегі жұмыс тәжірибесін растайтын құжаттар болып табылады заңды тұлғалар.
250. Орындау мерзімі бір жылдан асатын жұмыс тәжірибесін есептеу кезінде орындалған жұмыстар актісінің күніне сәйкес жұмыстар аяқталған жыл не объектіні пайдалануға қабылдау актісінің күніне сәйкес құрылыс аяқталған жыл танылады.
251. Веб-портал әлеуетті өнім берушінің құрылыс-монтаждау жұмыстарын техникалық қадағалау бойынша сатып алынатын қызметтер нарығында жұмыс тәжірибесі болған әрбір жыл үшін бір пайыз (1%) мөлшерінде шартты жеңілдік береді, бірақ бес пайыздан аспайды.
Құрылыс-монтаждау жұмыстарын техникалық қадағалау бойынша инжинирингтік қызметтердің жұмыс тәжірибесін растайтын құжаттар Мемлекеттік сатып алу саласында тізілімдерді қалыптастырудың және жүргізудің қағидаларына сәйкес жұмыс тәжірибесінің тізіліміне енгізілетін құжаттардың электрондық көшірмелері болып табылады.
Конкурстық баға ұсынысына әсер ететін мәліметтерді толтыру бөлігінде құрылыс-монтаждау жұмыстарын техникалық қадағалау жөніндегі инжинирингтік қызметтерді мемлекеттік сатып алуға қатысатын әлеуетті өнім берушінің өтінімі форматты-логикалық бақылауды ескере отырып, веб-порталда автоматты түрде қалыптастырылады.
Ескерту. 251-тармақ жаңа редакцияда - ҚР Қаржы министрінің м.а. 04.03.2025 № 102 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
252. Құрылыс-монтаж жұмыстары бойынша техникалық қадағалау бойынша инжинирингтік қызметтерді мемлекеттік сатып алуды жүзеге асыру кезінде тізілімде тұрған әлеуетті өнім берушінің жұмыс тәжірибесі "расталды" мәртебесімен жұмыс тәжірибесі веб-порталмен автоматты түрде есептеледі және Заңның 25-бабының тәртібімен шағымдануға жатпайды.
253. Қызмет көрсету мерзімімен бір жылдан астам жұмыс тәжірибесін есептеу кезінде объектіні пайдалануға қабылдау актісінің күніне сәйкес қызмет аяқталған жылы танылады.
254. Егер әлеуетті өнім берушінің төленген салық көрсеткіші үш пайыздан асқан жағдайда, веб-портал автоматты түрде әрбір оннан бір (0,1) пайыздан асатын, бірақ үш пайыздан аспайтын мөлшерде шартты жеңілдік береді.
255. Өлшемшарт – тауарлардың функционалдық, техникалық, сапалық және пайдалану сипаттамалары және (немесе) сатып алынатын тауарларды пайдалануға, оларға техникалық қызмет көрсетуге және жөндеуге арналған шығыстар сараптама комиссиясының не сарапшының (ол болған кезде) қорытындысына сәйкес қолданылады. Конкурсқа қатысуға өтінімнің шартты бағасына жиынтық пайыздық әсер он пайыздан аспайды.
256. Егер конкурсқа қатысуға өтінімде әлеуетті өнім берушілер ұсынған техникалық ерекшеліктегі тауарлардың функционалдық сипаттамалары конкурстық құжаттаманың техникалық ерекшелігінде белгіленген тауарлар мүмкіндіктерінің шегінен асып кеткен жағдайда, конкурстық комиссия әрбір мүмкіндік үшін нөл бүтін оннан бес пайызды (0,5 %) белгілейді. Конкурсқа қатысуға өтінімнің шартты бағасына жиынтық пайыздық әсер үш пайыздан (3%) аспайды.
257. Егер конкурсқа қатысуға өтінімде әлеуетті өнім берушілер ұсынған техникалық ерекшеліктегі тауарлардың техникалық сипаттамалары конкурстық құжаттаманың техникалық ерекшелігінде белгіленген тауарлардың параметрлерінен асып кеткен (жақсартылған) жағдайда, конкурстық комиссия әрбір асып кеткен параметр үшін нөл бүтін оннан бес пайызды (0,5 %) белгілейді. Конкурсқа қатысуға өтінімнің шартты бағасына жиынтық пайыздық әсер үш пайыздан (3%) аспайды.
258. Егер конкурсқа қатысуға өтінімде әлеуетті өнім берушілер ұсынған техникалық ерекшеліктегі тауарлардың сапалық сипаттамалары конкурстық құжаттаманың техникалық ерекшелігінде белгіленген талаптардан және тауардың мақсатынан асып кетсе (жақсартса), конкурстық комиссия осы сипаттама үшін бес пайызды (5%) белгілейді.
259. Егер конкурсқа қатысуға өтінімде әлеуетті өнім берушілер ұсынған техникалық ерекшелікте Белгіленген тауарлардың пайдалану сипаттамалары (пайдалану мерзімі, тасымалдау, сақтау шарттары, пайдалануға, техникалық қызмет көрсетуге және жөндеуге арналған шығыстар) конкурстық құжаттаманың техникалық ерекшелігінде белгіленген шарттардан асып кеткен (жақсартылған) жағдайда, конкурстық комиссия нөл бүтін бесті белгілейді әрбір асып кеткен шарт үшін пайыздың оннан бір бөлігі (0,5%). Конкурсқа қатысуға өтінімнің шартты бағасына жиынтық пайыздық әсер үш пайыздан (3%) аспайды.
260. Сараптама комиссиясының немесе сарапшының қорытындысы болмаған жағдайда, осы Қағидалардың 256, 257, 258 және 259-тармақтарымен көзделген өлшемшарттарды конкурс комиссиясы қолданбайды.
261. Мемлекеттік сатып алуды жүзеге асыру, сондай-ақ шағын және орта кәсіпкерлік субъектілерін қолдау мақсаттары үшін жұмыстарды орындау, қызметтер көрсету орны бойынша облыстың, республикалық маңызы бар қалалардың және астананың шекараларында тиісті әкімшілік-аумақтық бірлікте әлеуетті өнім берушінің болуы түріндегі конкурстық баға ұсынысына әсер ететін өлшемшарт осы Қағидаларға 8-қосымшаға сәйкес қолданылады.
Егер жұмыстарды, көрсетілетін қызметтерді мемлекеттік сатып алуды жүзеге асыру үшін бөлінген сома осы Қағидалардың 8-қосымшасында көзделген мемлекеттік сатып алу сомасының шегінен аспаған және әлеуетті өнім беруші облыстың, республикалық маңызы бар қалалардың және астананың шекараларында жұмыстарды орындау, көрсетілетін қызметтер орны бойынша тиісті әкімшілік-аумақтық бірлікте болған жағдайда, онда мұндай әлеуетті өнім берушіге екі пайыздық шартты жеңілдік (2 %) тағайындалады.
262. Әлеуетті өнім берушінің тиісті әкімшілік-аумақтық бірлікте жұмыстарды орындау, қызметтер көрсету орны бойынша облыстың, республикалық маңызы бар қалалардың және астананың шекараларында болуын әлеуетті өнім берушінің қаржылық орнықтылығын айқындау мақсаттары үшін осы мәліметтерді қолдану жылының алдындағы 1 қазаннан кешіктірмей ұсынылған үш жылдық кезеңнің соңғы есептелген жылы үшін бастапқы/кезекті салық есептілігін тапсыру орны бойынша мемлекеттік кіріс органдарының мәліметтері негізінде конкурсқа қатысуға өтінім беру сәтінде веб-портал деректерді автоматты түрде айқындайды.
Мемлекеттік кіріс органдарының мәліметтері әлеуетті өнім берушінің қаржылық орнықтылығын айқындау мақсаттары үшін осы мәліметтер қолданылатын жылдың алдындағы жылдың 1 қазанынан кешіктірмей күнтізбелік жыл ішінде веб-порталда бір рет жаңартылады.
263. Осы Қағидалардың 261 және 262-тармақтарының ережесі жаңарту күніне дейін салық есептілігін ұсынбаған әлеуетті өнім берушілерге қатысты қолданылмайды.
264. Конкурстық баға ұсынысына әсер ететін теріс мән осы Қағидаларға 9-қосымшаға сәйкес тізбе бойынша жұмыстарды, көрсетілетін қызметтерді мемлекеттік сатып алуға қатысатын әлеуетті өнім берушілерге қолданылады.
265. Егер әлеуетті өнім берушінің орындауында ағымдағы қаржы жылында жасалған өткізілетін мемлекеттік сатып алу нысанасына сәйкес келетін шарт болса, веб-портал әрбір осындай шарт үшін осындай әлеуетті өнім берушінің конкурстық баға ұсынысына әсер ететін критерийлердің шартты жеңілдіктерінің жалпы сомасының нөл бүтін оннан екі пайызын (0,2 %) автоматты түрде алып тастайды.
266. Рейтингтік-балдық жүйені пайдалана отырып конкурс тәсілімен мемлекеттік сатып алуды жүзеге асыру кезінде веб-портал әлеуетті өнім берушінің конкурстық баға ұсынысына әсер ететін критерийлердің шартты жеңілдігінің жалпы сомасының нөл бүтін оннан екі пайызын (0,2%) осындай әлеуетті өнім беруші өткізілетін мемлекеттік сатып алудың мәніне сәйкес келетін жеңімпаз болып айқындалған ағымдағы қаржы жылының қорытындылары туралы әрбір хаттама үшін автоматты түрде алып қояды.
267. Қаржылық есептілік депозитарийінде аудиттелген жылдық қаржылық есептілікті орналастыру түріндегі өлшемшарт мемлекеттік сатып алу сомасы тиісті қаржы жылына белгіленген айлық есептік көрсеткіштің үш жүз мың еселенген мөлшерінен асқан кезде құрылыс-монтаждау жұмыстарын мемлекеттік сатып алуда қолданылады.
268. Әлеуетті өнім берушінің аудиттелген жылдық қаржылық есептілігі өткен жылдың алдындағы кемінде үш жыл үшін есепке алынады.
269. Аудиттелген жылдық қаржылық есептілікті қаржылық есептілік депозитарийінде орналастыру Қазақстан Республикасының бухгалтерлік есеп және қаржылық есептілік, сондай-ақ аудиторлық қызмет туралы заңнамасына сәйкес 31 тамыздан кешіктірілмейтін мерзімде жүзеге асырылады және мемлекеттік сатып алуды жүзеге асыру кезінде келесі күнтізбелік жылдың 1 қаңтарынан бастап ескеріледі.
270. Әлеуетті өнім берушінің аудиттелген жылдық қаржылық есептілігін уәкілетті органның ақпараттық-есепке алу орталығының мәліметтері негізінде веб-портал автоматты түрде айқындайды.
271. Көрсетілген кезеңдегі қаржылық есептілік депозитарийіне аудиттелген жылдық қаржылық есептілік болған жағдайда, веб-портал автоматты түрде әлеуетті өнім берушіге үш пайыз (3%) мөлшерінде шартты жеңілдік береді.
271-1. Әлеуетті өнім беруші қазақстандық тауар өндірушілердің тізіліміне енгізілген жағдайда, веб-портал автоматты түрде 3 (үш) пайыз мөлшерінде шартты жеңілдік береді.
Бұл ретте, осы өлшемшарттар сатып алынатын тауардың алғашқы 6 (алты) санының коды әлеуетті өнім берушінің индустриялық сертификатында көрсетілген экономикалық қызмет түрлері бойынша өнім жіктеуішіне сәйкес келген кезде қолданылады.
Ескерту. Қағидалар 271-тармақпен толықтырылды - ҚР Қаржы министрінің 24.06.2025 № 321 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
272. Конкурстық баға ұсынысын веб-портал Заңның 15-бабы 5-тармағының талаптарын ескере отырып, біліктілік талаптарына және конкурстық құжаттама талаптарына сәйкестігі мәніне конкурсқа қатысуға өтінімді қарау қорытындылары бойынша автоматты түрде ашады.
273. Веб-портал конкурсқа қатысушылардың шартты бағаларын автоматты түрде салыстырады және конкурс жеңімпазын анықтайды.
274. Конкурстық баға ұсыныстарын бағалау және салыстыру қорытындысы бойынша екінші орын алған конкурсқа қатысушы ең төмен шартты бағадан кейінгі шартты баға негізінде айқындалады.
275. Конкурстық баға ұсыныстарының шартты бағалары тең болған кезде мемлекеттік кірістер органдарының ақпараттық жүйелерінің деректеріне сәйкес веб-портал автоматты түрде айқындайтын әлеуетті өнім берушінің қаржылық орнықтылығының үлкен көрсеткіші бар конкурсқа қатысушы жеңімпаз деп танылады.
Осы Қағидалардың мақсаттары үшін әлеуетті өнім берушінің қаржылық орнықтылық көрсеткішін есептеуді веб-портал осы Қағидаларға 10, 11, 12 және 13-қосымшаларға сәйкес қаржылық орнықтылық көрсеткішін есептеу формуласы бойынша мемлекеттік кірістер органдарының ақпараттық жүйелерінің деректеріне сәйкес веб-портал автоматты түрде айқындайды.
Қаржылық орнықтылық көрсеткіштері тең болған кезде ағымдағы қаржы жылында жасалған өткізілетін мемлекеттік сатып алу мәніне сәйкес келетін мемлекеттік сатып алу туралы шарттардың ең аз жалпы сомасы бар конкурсқа қатысушы жеңімпаз деп танылады.
Ағымдағы қаржы жылында жасалған мемлекеттік сатып алу туралы қолданыстағы шарттардың жалпы сомасы тең болған кезде өткізілетін мемлекеттік сатып алу нысанасына сәйкес келетін мемлекеттік сатып алу туралы қолданыстағы шарттардың ең аз саны бар конкурсқа қатысушы жеңімпаз болып танылады.
Ағымдағы қаржы жылында жасалған мемлекеттік сатып алу туралы қолданыстағы шарттар саны тең болған кезде конкурсқа қатысушы, басқа әлеуетті өнім берушілердің конкурсқа қатысуға өтінімдерінен бұрын келіп түскен қатысуға өтінім жеңімпаз болып танылады.
276. Конкурстық баға ұсыныстарын бағалау және салыстыру нәтижелері осы Қағидалардың 210-тармағына сәйкес конкурс тәсілімен мемлекеттік сатып алу қорытындылары туралы хаттамада орналастырылады.
277. Конкурс мынадай негіздердің бірі бойынша өтпеді деп танылады:
1) конкурсқа қатысуға ұсынылған өтінімдердің болмауы;
2) егер конкурсқа қатысуға бірде-бір әлеуетті өнім беруші жіберілмесе;
3) егер конкурсқа қатысуға бір әлеуетті өнім беруші жіберілсе, конкурсқа қатысуға әлеуетті өнім берушілердің екі және одан да көп өтінімдері ұсынылған жағдайда.
278. Егер конкурсқа қатысуға біліктілік талаптарына және (немесе) конкурстық құжаттама талаптарына сәйкес келетін бір өтінім ұсынылған жағдайда конкурс тәсілімен мемлекеттік сатып алу өткізілді деп танылады. Бұл ретте жасалған шарттың бағасы конкурсқа қатысуға өтінімде көрсетілген әлеуетті өнім берушінің конкурстық баға ұсынысынан аспауға тиіс.
279. Егер конкурс тәсілімен мемлекеттік сатып алу өтпеді деп танылса, тапсырыс беруші мынадай шешімдердің бірін қабылдайды:
1) конкурс тәсілімен мемлекеттік сатып алуды қайтадан өткізу туралы;