Сұрақ. Жастарды жұмыспен қамту бағдарламалары бойынша
Жауап. «Дипломмен ауылға!» бағдарламасына - білім беру, денсаулық сақтау, мәдениет, спорт, ауылшаруашылық, мемлекеттік қызмет саласындағы мамандығы бар жастар қатыса алады.
Ол үшін, Сізге жеке куәлігіңіз бен дипломыңызды алып, жұмыс жасаймын деген аудан әкімдігінің экономика бөліміне жолығуыңыз қажет.
Айта кететін жайт, бағдарлама аясында жас маманға 100 АЕК көтерме жәрдемақы төлеу түріндегі әлеуметтік қолдау шаралары көрсетіледі.
Сондай-ақ, әлеуметтік қолдау шараларының қатарында тұрғын үй алуға 1500 АЕК аспайтын сомада 15 жыл мерзімге 0,01 пайыздық мөлшер бойыншабюджеттік несие қарастырылған.
Қазақстан Республикасы Үкіметінің 2016 жылғы 29 желтоқсандағы №919 қаулысымен бекітілген 2017-2021 жылдарға арналған нәтижелі жұмыспен қамту мен жаппай кәсіпкерлікті дамыту бағдарламасына сәйкес, түлектердің оқу бітірген соң 3 жыл ішінде өзінің алған мамандығы бойынша, ұзақтығы алты айдан аспайтын «Жастар тәжірибесі» бағдарламасына қатысып, жұмыс тәжірибесін жинақтауға мүмкіндік бар.
Сонымен қатар, жұмыспен қамту орталықтарына жолығу түсіндіріледі.