Халықтың денсаулығын жануарлар мен адамға ортақ аурулардан қорғау, ветеринариялық - санитариялық қауіпсіздікті қамтамасыз ету ветеринария саласындағы негiзгi мiндеттердің бірі болып саналады.
2021 жылға облыс бойынша қала және аудандық ауылдық округтерде 44 типтік жобада салынған мал қорымы және 122 сібір жарасы көміндісі тіркелген. Қазақстан Республикасы Ауыл шаруашылығы министрінің 2015 жылғы 29 маусымдағы № 7-1/587 бұйрығының 11-параграфы, мал қорымына (биотермиялық шұңқырларға) қойылатын талаптарына сәйкес мал қорымдары мемлекеттік жер кадастры автоматтандырылған жүйесіне енгізілген. сібір жарасынан өлген жануарлардың өлекселері көмілген мал қорымдарына адамдар мен жануарлар кіре алмайтындай етіп бүкіл периметрі бойынша биіктігі кем дегенде 1,5 метр болатын қоршаумен қоршалған, "Сібір жарасы" деген жазуы бар тақтайшалармен (аурудың пайда болған күні) белгіленген.
2021 жылы 3 мал қорымын салуға (Темір ауданы-Шұбаршы, Ақсай, Мәртөк ауданы – Сарыжар ауылдық округтеріне) облыстық бюджеттен құрылыс жұмыстарына қаржы бөлініп, мал қорымдарының құрылысы аяқталды.