Ақтөбе облысы Мұғалжар ауданының аумағын аймақтарға бөлу туралы

«Ветеринария туралы» Қазақстан Республикасы Заңының 10-бабының    1-тармағы 5) тармақшасына, Қазақстан Республикасы Ауыл шаруашылығы министрінің міндетін атқарушының 2009 жылғы 31 желтоқсандағы                      № 767 «Өңірлендіру, аумақты аймақтарға, компартментке бөлу қағидаларын бекіту туралы» (Нормативтік құқықтық актілерді мемлекеттік тіркеу тізілімінде         № 6027 тіркелген) бұйрығына сәйкес, Ақтөбе облысы бас мемлекеттік ветеринариялық-санитариялық инспекторының 2021 жылғы 20 қазандағы        № 02-01-4/1686 ұсынысы негізінде, Ақтөбе облысының әкімдігі             ҚАУЛЫ ЕТЕДІ:

  1. Ақтөбе облысы Мұғалжар ауданының аумағы мынадай аймақтарға бөлінсін:

1) қолайсыз аймақ - Ащысай ауылдық округі Сабындыкөл ауылының аумағын қамтитын эпизоотиялық ошақтан 3 километр радиустағы аймақ;

2) буферлік аймақ - Құмсай ауылдық округі Құмсай ауылының, Ащысай ауылдық округінің Ащысай, Амангелді, Ақсу, Қаракөл ауылдарының аумағын қамтитын қолайсыз аймақ шекарасынан 25 километр радиустағы аймақ;

3) бақылау аймағы - Егіндібұлақ ауылдық округі Бұлақты, Былқылдақ ауылдарының аумағын қамтитын буферлік аймақтың шекарасынан 55 километр радиустағы аймақ;

4) қолайлы аймаққа - Мұғалжар ауданының қолайсыз, буферлік аймақтардан және бақылау аймағының шегінен тыс жатқан аумақтар қолайлы аймаққа жатқызылсын.

  1. «Ақтөбе облысының ветеринария басқармасы» мемлекеттік мекемесі заңнамада белгіленген тәртіппен осы қаулы ресми жариялағаннан кейін Ақтөбе облысы әкімдігінің интернет-ресурсында орналастыруды қамтамасыз етсін.

  2. Осы қаулының орындалуын бақылау Ақтөбе облысы әкімінің жетекшілік ететін орынбасарына жүктелсін.

  3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Ақтөбе облысы Мұғалжар ауданының аумағын аймақтарға бөлу туралы
Дата публикации
06 апреля 2022