Қазақстан Республикасы Конституциялық Сотының 2023 жылғы 25 қыркүйектегі № 29-НҚ нормативтік қаулысымен Қылмыстық процестік кодексінің 482-бабы бірінші бөлігінің (сотталғандардың шағымдарын қарау) бірінші сөйлемін Қазақстан Республикасының Конституциясына сәйкес келмейді деп таныды.
Атап айтқанда, іс сотталған адамның адвокат арқылы сотқа шағым беру құқығына қатысты болды.
Соттар бұған дейін шағымды тек сотталған адамның өзі ғана бере алады деп шешкен.
Конституциялық Сот әркімнің сот арқылы қорғалуға және білікті заң көмегін алуға құқығы бар екенін атап өтті.
Соттың пікірінше, үкім орындалу кезеңінде де адвокат сотталған адамның мүддесін қорғап, оның атынан шағым бере алуы тиіс.
Нәтижесінде ҚПК-нің аталған нормасы Конституцияға қайшы деп танылып, Үкіметке заңнамаға өзгерістер енгізу тапсырылды.
Аталған қаулы қабылданған күннен бастап күшіне енді және бүкіл ел аумағында міндетті.
Ойыл ауданының прокуратурасы