Ол түрлі құқық бұзушылықтарға, жол-көлік оқиғаларына және денсаулықтың нашарлауына себеп болуы мүмкін. Сондықтан салауатты өмір салтын ұстанып, ішімдіктен бас тарту – әрбір азаматтың дұрыс таңдауы.
1 шілдеден бастап жалға берілетін электр самокаттарын пайдалануға қатысты жаңа талаптар күшіне енді. Енді әрбір жалға берілетін электр самокатына тіркеу нөмірі беріледі. Соның нәтижесінде жол қозғалысы ережесін бұзған самокат жүргізушілері бейнебақылау камералары арқылы анықталатын болады. Сонымен қатар электр самокатын пайдаланатын әрбір азамат үшін сақтандыру полисінің болуы міндеттелді.
Сондай-ақ кикшеринг компаниялары электр самокаттарының техникалық жарамдылығын қамтамасыз етуге, олардың жылдамдығы мен орналасқан жерін бақылауға, арнайы белгіленген аумақтарда жылдамдықты автоматты түрде шектеуге, самокаттардың ретсіз қалдырылуына жол бермеуге, олардың есебін жүргізуге және қажетті мәліметтерді ішкі істер органдарына ұсынуға міндетті.
Бұл туралы Ақтөбе облысы Полиция департаменті Әкімшілік полиция басқармасының бастығы Еркін Өтеген өңірлік коммуникациялар қызметінде өткен баспасөз мәслихатында мәлімдеді.
«Егер самокат пайдаланушысының жүргізуші куәлігі болмаса, оған автомобиль жүретін жолмен жүруге рұқсат етілмейді. Бұл талаптың сақталуын кикшеринг қызметі қатаң бақылауы қажет», – деді спикер.
Мемлекеттік қызметтерді үйден не жұмыс орныңыздан шықпай-ақ алыңыз: «Жеке менеджер» қызметі қалай жұмыс істейді «Азаматтарға арналған үкімет» Мемлекеттік корпорациясы азаматтардың қажеттіліктеріне қарай мемлекеттік қызметтерді көрсету форматтарын үнемі жетілдіріп келеді. Солардың бірі – «Жеке менеджер» сервисі. «Жеке менеджер» қызметі халыққа қызмет көрсету орталықтарында, көшпелі қызмет көрсету форматында да қолжетімді. Аталған қызмет әсіресе кішкентай баласы бар ата-аналарға, жұмыс кестесі тығыз азаматтарға, кәсіпкерлерге және денсаулығына байланысты қозғалысы шектеулі жандарға өте қолайлы, яғни Халыққа қызмет көрсету орталығына келуге мүмкіндігі жоқ азаматтардың барлығына арналған. «Жеке менеджер» қызметі 2024 жылдан бастап іске қосылды және қазіргі таңда көптеген мемлекеттік қызметтерді үйде, кеңседе немесе сіз үшін ыңғайлы кез келген жерде алуға мүмкіндік береді. Тек жеке куәлік, төлқұжат, жүргізуші куәлігі мен көлік құралын тіркеу қызметтері бұл сервис арқылы көрсетілмейді. Қызмет көрсететін маман сіздің өтінішіңіздің негізінде, алдын ала келісілген уақытта келеді. Қызмет құны – 7447 теңге, оған ұйымдастыру мен жеткізу шығындары кіреді. Қызметті пайдалану үшін Мемлекеттік корпорацияның ресми сайтына кіріп, «Жеке менеджер» бөліміндегі «Өтінім қалдыру» батырмасын басып, қажетті ақпаратты енгізу керек. Одан кейін «Азаматтарға арналған үкімет» мамандары сізбен хабарласып, келу уақытын нақтылайды. Сондай-ақ, өтінімді «ЦОН» мобильдік қосымшасы және 1414 байланыс орталығы арқылы да беруге болады. Операторлар кеңес беріп болған соң, сізге сілтеме жазылған жеке SMS-хабарлама жіберіледі. Сілтемеге өтіп, өтінімді онлайн беруге болады.Айта кетейік, Халыққа қызмет көрсету орталықтарының өзінде де «Жеке менеджер» сервисі қарастырылған. Бұл қызметті орталықта қолдансаңыз, сізге басымдығы бар талон беріледі. Одан кейін қызмет көрсету туралы келісімшарт жасалады. Халыққа қызмет көрсету орталықтарында бұл қызметтің құны – 5697 теңге, ал мамандандырылған халыққа қызмет көрсету орталығында – 6306 теңгені құрайды.Ақтөбе облысы бойынша 2026 жылдың басынан бері аталған сервиспен халыққа қызмет көрсету орталықтарында 2657 келісімшарт жасалған (оның ішінде қалалық бөлімдер – 1186, аудандық бөлімдер – 1471). Мамандандырылған бөлімінде – 402 келісімшарпен қызмет көрсетілген. Сонымен қатар, жыл басталғалы «Жеке менеджер» сервисіне көшпелі қызмет көрсету форматында 14 қызметалушы жүгінген. Мемлекеттік корпорация азаматтардың қажеттіліктерін ескеретін және мемлекетпен өзара байланысты жеңілдететін қызметтерді кезең-кезеңімен енгізуді жалғастырады.
Министр ата-аналардың балаларын жекеменшік мектептерге немесе қосымша білім беру орталықтарына беруіне қатысты сұраққа жауап берді.
Оқу-ағарту министрі Жұлдыз Сүлейменова «Ана тілі» газетіне берген сұхбатында мемлекеттік мектептерге деген сенімнің әлсіреуі және қоғамның оларға деген көзқарасы туралы өз пікірін білдірді.
Бүгіннен бастап Қазақстанда республикалық референдумда қабылданған жаңа Конституция күшіне енді. Жаңартылған Ата заңға сәйкес, теңге Қазақстан Республикасының бірден-бір ұлттық валютасы ретінде ресми түрде бекітілді. Сондай-ақ теңгені шығаруға (эмиссиялауға) айрықша құқық тек Қазақстан Республикасына тиесілі екені Конституцияда нақты белгіленді.
Еуропа Кеңесі Парламенттік Ассамблеясында (ЕКПА) «Қазақстандағы конституциялық референдум: реформалардың жаңа кезеңі» атты жазбаша декларация қабылданып, онда 2026 жылғы 15 наурызда өткен республикалық референдумның қорытындылары негізінде Қазақстанда жүргізіліп жатқан саяси реформаларға қолдау білдірілді.
🌱 Богослов тас жолы бойында өткен ауқымды экологиялық акция өңірдегі ең ірі бастамалардың біріне айналды. Шараға жас экобелсенділер, волонтерлар, жастар ұйымдарының мүшелері, «Жасыл ел» еңбек жасақтарының сарбаздары және қоғам белсенділері қатысып, табиғатты тазарту ісіне өз үлестерін қосты.