Акция өз мәресіне жетті

Шараға облысымыздағы кәсіптік нысан басшыларымен қатар Ақтөбе облысының тілдерді дамыту басқармасының маманы А.Нұрбаева және тіл жанашырлары мен мамандары қатысты. Қоғамдық қор өкілі Г.Кабиева акция аясындағы іс-шаралар бойынша есеп беріп, жоба барысы туралы егжей-тегжейлі баяндады. Кейін қатысушылар мен басқарма маманы А.Нұрбаева сөз сөйлеп, мұндай жобалардың өткізілуі алдағы уақытта да өзектілігін жоғалтпайтынына сенімділігін білдірді.

Қорытынды отырыс соңында «Көркем тіл – көрікті жарнама» акциясының үздіктері арнайы сертификаттармен және естелік сыйлықтармен марапатталды:

«Мемлекеттік тілде үздік қызмет көрсетуші» номинациясы - «Sarqyt» мейрамханасы (Ақтөбе қ.);

«Ең үздік аударма» номинациясы - «AlgaMegaCom» жауапкершілігі шектеулі серіктестігі (Алға қ.);

«Тіл жанашыры» номинациясы - «LifeDecor» баспаханасы (Ақтөбе қ.);

«Қырағы көз» номинациясы - «Шебер» құрылыс гипермаркеті (Ақтөбе қ.).