Журналдың жаңа саны баспаға жіберілді
Тілдерді дамыту басқармасының тапсырысымен шығарылатын мерзімді баспа өнімі "Күншуақ" журналының 3 саны басқарманың талқылау отырысынан кейін баспаға жіберуге келісім алды.
Күншуақ журналы 2013 жылдан бері облысымыздың кішкене бүлдіршіндерінің әдебиет әлеміне деген қызығушылығын арттырып, таным- түсінігінің дамуында жетекші рөл атқарушы құралға айналды.
Журналдың әрбір саны тіл дамыту сабақтары, қазақша ертегілер, ұйқасты сөз орамдары, қолөнер мен балақайлардың шығармалары мен суреттерінен құралған қызықты айдарлармен әрленеді.
Журналдың ағымдағы жылғы алғашқы 2 саны баспадан шығып, Ақтөбе қаласы мен 12 аудандағы мектептер мен балабақшаларға таратылды.