Бүгін Ақтөбе облысының тілдерді дамыту басқармасының ұйымдастыруымен ономастика саласындағы жұмыстарды ұйымдастырудың өзекті мәселелерін ортаға салу, талқылау, тәжірибе алмасу мақсатында «Ономастика: ұлттық танымға бетбұрыс» атты өңіраралық іс-шара өтуде.

Іс-шара барысында алдағы жұмыс жоспарымен қоса саладағы идеологиялық тұрғыдан ескірген, қайталанатын атаулар талдауы, елді мекендердегі нысан атауларын сәйкестендіру, облыстық ономастика комиссиясы қарауына ұсыныстар енгізудің заңнамалық тәртібінің және атау беру талаптары мен критерийлердің сақталуы секілді бірқатар өзекті мәселелер қаралуда.

 

Ономастика – мемлекеттікті нығайтуға зор үлесін қосатын басымдықтардың бірі. Мемлекеттің ұлттық сипатын танытатын ономастика саласы қоғамдық-саяси ғана емес, ғылыми-практикалық, мәдени-тарихи маңызға ие.