16.02.2021 – Темір ауданы әкімдігінің «Темір ауданының елді мекендеріне бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидаларын бекіту туралы» қаулысының жобасына баспа-сөз релизі

16.02.2021 – Темір ауданы әкімдігінің «Темір ауданының елді мекендеріне бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидаларын бекіту  туралы» қаулысының жобасына баспа-сөз релизі

 

Қазақстан Республикасының 2015 жылғы 23 қарашадағы Еңбек кодексінің 18, 139 баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабына сәйкес, Темір ауданының әкімдігі ҚАУЛЫ ЕТЕДІ:

Қазақстан Республикасының 1997 жылғы 16 сәуірдегі «Тұрғын үй қатынастары туралы» Заңының 10-3 бабының 2 тармағының 11) тармақшасына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 31 бабының 1 тармағының 16-5) тармақшасына, Қазақстан Республикасының 2001 жылғы 16 шілдедегі «Қазақстан Республикасындағы сәулет, қала құрылысы және құрылыс қызметі туралы» Заңына сәйкес Темір ауданының әкімдігі  ҚАУЛЫ ЕТЕДІ:

1. Қоса беріліп отырған:

1) Осы қаулының 1-қосымшасына сәйкес Темір ауданының елді мекендеріне бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидалары;

2) Осы қаулының 2-қосымшасына сәйкес көп пәтерлі тұрғын үйлер үшін ауданның бас сәулетшісі орнатқан бірыңғай сәулет келбеті;

3) Осы қаулының 3-қосымшасына сәйкес Темір ауданында орналасқан көп пәтерлі үйлердің тізбесі бекітілсін.

Осы нормативтік құқықтық акт жергілікті бюджет шығыстарының көбеюін немесе түсімдерінің қысқаруын көздейді.

Қаулы жобасы ашық нормативтік құқықтық актілердің интернет порталында көпшілік талқылау үшін 16.02.20201 жылы орналастырылды. Нормативтік құқықтық актінің жобасын көпшілік талқылау мерзімі 02.03.2021 жылға дейін.

 

 

Темір ауданының әкімі                                                           С.Аманбаев

 

 

 

 

 

 

Темір ауданы әкімдігінің

«____»_______2021 жылғы

№___ қаулысына 1-қосымша

 

 

Темір ауданының елді мекендеріне бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидалары

 

 

1. Жалпы ереже

 

1. Осы Темір ауданына бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу қағидалары (бұдан әрі - Қағадалар) «Тұрғын үй қатынастары туралы» Қазақстан Республикасының 1997 жылғы 16 сәуірдегі Заңының 10-3 бабының 2 тармағының 11) тармақшасына сәйкес (бұдан әрі - Заң) әзірленді және өзгеде нормативтік құқықтық актілермен Темір ауданының елді мекендеріне бірыңғай сәулеттік келбет беруге бағытталған, көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды ұйымдастыру және жүргізу  тәртібін  айқындайды.
2. Осы Қағидаларда келесі  негізгі  ұғымдар қолданылады:

1) бірыңғай сәулеттік келбет - көп пәтерлі тұрғын үйлер үшін ауданның бас сәулетшісі орнатқан қасбеттер мен шатырлардың түсі, материалы және конструкцияларының түрі бойынша талаптарға жауап беретін ғимараттар мен құрылыстардың сыртқы эстетикалық көрінісі;

2) кондоминиум объектісі – дара (бөлек) меншіктегі пәтерлерден, тұрғын емес үй-жайлардан және дара (бөлек) меншікте болмайтын және пәтерлердің, тұрғын емес үй-жайлардың меншік иелеріне көппәтерлі тұрғын үй тұрған біртұтас бөлінбейтін жер учаскесін және (немесе) үй жанындағы жер учаскесін қоса алғанда, ортақ үлестік меншік құқығымен тиесілі ортақ мүліктен тұратын біртұтас мүліктік кешен;

3) кондоминиум объектісінің ортақ мүлкі – дара (бөлек) меншіктегі пәтерлерден, тұрғын емес үй-жайлардан басқа, кондоминиум объектісінің бөліктері (қасбеттер, кіреберістер, вестибюльдер, холдар, дәліздер, баспалдақ марштары мен баспалдақ алаңдары, лифтілер, шатырлар, шатырастылар, техникалық қабаттар, жертөлелер, үйге ортақ инженерлік жүйелер мен жабдықтар, абоненттік пошта жәшіктері, көппәтерлі тұрғын үй тұрған жер учаскесі және (немесе) үй жанындағы жер учаскесі, абаттандыру элементтері және ортақ пайдаланылатын басқа да мүлік);

4) кондоминиум объектісінің ортақ мүлкін ағымдағы жөндеу – мерзімінен бұрын тозуын болғызбау және ақауларын жою мақсатында жүргізілетін, көппәтерлі тұрғын үйдің нормативтік және техникалық құжаттамада белгіленген құрама бөліктері мен инженерлік жабдықтарын ауыстыру немесе қалпына келтіру жөніндегі уақтылы техникалық іс-шаралар мен жұмыстар кешені;

5) кондоминиум объектісінің ортақ мүлкін күрделі жөндеу – көппәтерлі тұрғын үйдің ресурсын қалпына келтіру мақсатында жүргізілетін, көппәтерлі тұрғын үйдің тозған конструкцияларын, бөлшектерін және инженерлік жабдықтарын жаңа немесе анағұрлым мықты және үнемді, жөнделетін объектілердің пайдалану көрсеткіштерін жақсартатын түрлеріне ауыстыру жөніндегі іс-шаралар мен жұмыстар кешені;

6) кондоминиум объектісінің ортақ мүлкін күтіп-ұстау – кондоминиум объектісінің ортақ мүлкін техникалық пайдалану, санитариялық күтіп-ұстау және ағымдағы жөндеу бойынша жұмыстар немесе көрсетілетін қызметтер кешені;

7) көппәтерлі тұрғын үй – ортақ үлестік меншік болып табылатын кондоминиум объектісінің ортақ мүлкінен және көппәтерлі тұрғын үйге іргелес жатқан жер учаскесіне не кондоминиум объектісі ортақ мүлкінің өзге де бөліктеріне дербес шығатын жерлері бар екі және одан көппәтерлерден, тұрғын емес үй-жайлардан тұратын, біртұтас бөлінбейтін жер учаскесінде біртұтас іргетасы бар жеке тұрған ғимарат;

8) көппәтерлі тұрғын үй кондоминиумы (бұдан әрі – кондоминиум) – Қазақстан Республикасының заңнамасында айқындалған тәртіппен тіркелген меншік нысаны, бұл ретте пәтерлер, тұрғын емес үй-жайлар дара (бөлек) меншікте болады, ал дара (бөлек) меншікте емес бөліктер пәтерлердің, тұрғын емес үй-жайлардың меншік иелеріне көппәтерлі тұрғын үй тұрған біртұтас бөлінбейтін жер учаскесін және (немесе) үй жанындағы жер учаскесін қоса алғанда, ортақ үлестік меншік құқығымен тиесілі болады;

9) көппәтерлі тұрғын үй мүлкінің меншік иелері бірлестігі (бұдан әрі – мүліктің меншік иелері бірлестігі) – коммерциялық емес ұйым болып табылатын, бір көппәтерлі тұрғын үй пәтерлерінің, тұрғын емес үй-жайларының меншік иелері құрған, кондоминиум объектісін басқаруды жүзеге асыратын, оны күтіп-ұстауды қаржыландыратын және оның сақталуын қамтамасыз ететін заңды тұлға;

10) көппәтерлі тұрғын үй пәтерлері, тұрғын емес үй-жайлары меншік иелерінің жиналысы (бұдан әрі – жиналыс) – пәтерлер, тұрғын емес үй-жайлар меншік иелерінің кондоминиум объектісін басқаруға және кондоминиум объектісінің ортақ мүлкін күтіп-ұстауға байланысты шешімдерді ұжымдық талқылауын және дауыс беру арқылы қабылдауын қамтамасыз ететін кондоминиум объектісін басқарудың жоғары органы;

11) шатыр - ғимаратты атмосфералық жауын-шашынның енуінен сақтайтын, су өткізбейтін қабаттан және негізден (торлардан, тұтас төсемеден, кермеден) тұратын, көтергіш конструкцияларға немесе жылытқышқа (шатырсыз шатырларда) салынатын жабынның жоғарғы элементі.

3. Осы Қағидалар Темір ауданының немесе оның бір бөлігіне бірыңғай сәулеттік келбет беруге бағытталмаған, көппәтерлі тұрғын үйлерге ағымдағы немесе күрделі жөндеуді ұйымдастыруға және жүргізуге таратылмайды.

 

 

2. Көппәтерлі тұрғын үйлердің  қасбеттерін,  шатырларын  ағымдағы  немесе  күрделі  жөндеу жөніндегі іс-шараларды ұйымдастыру және жүргізу тәртібі

 

4. «Темір аудандық тұрғын-үй коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесі (ауданның тұрғын үй инспекциясы) Қазақстан Республикасының «Мемлекеттік сатып алу туралы» Заңына сәйкес ғимараттар мен құрылыстарды техникалық тексеру бойынша көрсетілетін қызметтерді сатып алуды Қазақстан Республикасының Заңы «Рұқсаттар және хабарламалар туралы» негізінде аккредиттелген ұйымдар арқылы жүзеге асырады.
5. Техникалық тексерудің мақсаты ақау актісін жасай отыра және жөндеудің бірінші кезектілігін көрсете отырып, физикалық тозу дәрежесін анықтау, жұмыстардың құрамы мен көлемін белгілеу, және, жөндеу түрін айқындау болып табылады.

Бұл ретте кезектілік 3 кезеңге бөлінеді:

- 81-ден 100 %-ге дейін тозу;

 - 61-ден 80 %-ге дейін тозу;

- 40-тан 61%-ге дейін тозу.

6. Түпкілікті ақау актісі меншік иелері бірлестігінің төрағасымен немесе жай серіктестіктің сенім білдірілген тұлғасымен (кондоминиум объектісін басқару органымен) келісіледі.
7. Техникалық тексеру қорытындылары бойынша ауданның тұрғын үй инспекциясы Қазақстан Республикасының «Мемлекеттік сатып алу туралы» Заңына сәйкес, ағымдағы жөндеудің сметалық есебін әзірлеу және кейіннен ведомстводан тыс сараптама қорытындысын ала отырып күрделі жөндеуге жобалау-сметалық құжаттаманы дайындау жөніндегі жұмыстарға мемлекеттік сатып алуды жүзеге асырады.
8. Бұл ретте күрделі жөндеуге жобалау-сметалық құжаттаманы әзірлеу жөніндегі жұмыстарды сатып алу Қазақстан Республикасының «Рұқсаттар және хабарламалар туралы» Заңына сәйкес жобалау қызметіне рұқсаты бар ұйымдармен жүзеге асырылады.
9. Сметалық есепті және күрделі жөндеуге арналған жобалау-сметалық құжаттаманы әзірлегеннен кейін ауданның тұрғын үй инспекциясы оларды «бюджет қаражаты және мемлекеттік инвестициялардың өзге де нысандары есебінен объектілерді салуға арналған жобаларды (техникалық-экономикалық негіздемелерді мен жобалау-сметалық құжаттаманы) бекіту Қағидаларының (Қазақстан Республикасы Ұлттық экономика министрінің 2015 жылғы 2 сәуірдегі №304 бұйрығымен бекітілген) негізінде бекітеді.
10. Күрделі жөндеуді техникалық қадағалау жөніндегі жұмыстарды сатып алу Қазақстан Республикасының «Рұқсаттар және хабарламалар туралы» Заңы негізінде аккредиттелген ұйымдармен жүзеге асырылады.
11. Ауданның тұрғын үй инспекциясы ағымдағы жөндеу бойынша жұмыстарды қабылдауды конкурстық құжаттаманың ажырамас бөлігі болып табылатын техникалық ерекшелікте көрсетілген мерзімде және сметалық есепте көрсетілген бағалар, жұмыстардың құрамы мен көлемі негізінде жүзеге асырады.
12. Күрделі жөндеу кезінде ауданның тұрғын үй инспекциясы, техникалық және авторлық қадағалаушылар қабылдауды қорытындыда көрсетілген мерзімдерге және жобалау-сметалық құжаттамада көрсетілген бағаларға, жұмыстардың құрамы мен көлемдеріне сәйкес жүзеге асырады.
13. Өз кезегінде ағымдағы немесе күрделі жөндеу, техникалық және авторлық қадағалау жөніндегі жұмыстарды сатып алу Қазақстан Республикасының «Мемлекеттік сатып алу туралы» Заңына сәйкес жүзеге асырылады.

 

 

Қорытынды ережелер

 

14. Темір ауданының елді мекендеріне бірыңғай сәулеттік келбет беруге бағытталған көппәтерлі тұрғын үйлердің қасбеттерін, шатырларын ағымдағы немесе күрделі жөндеу жөніндегі іс-шараларды қаржыландыру бюджет комиссиясының мақұлдау алынған және аудандық мәслихат сессиясында бекітілген кезде жергілікті бюджет қаражаты есебінен жүзеге асырылады.