Темір аудандық білім, дене шынықтыру және спорт бөлімі бойынша спорт туралы мәлімет

Темір аудандық білім, дене шынықтыру және спорт бөлімі бойынша спорт туралы мәлімет.

 Темір аудандық білім, дене шынықтыру және спорт бөлімі бойынша 25 білім беру ұйымы бар. Аудан мектептерінің 18-і спорт залдармен қамтылған. 2020-2021 жылға №1 Шұбарқұдық гимназиясы, №6 Шұбарқұдық негізгі мектебі, Сарыкөл жалпы орта білім беру мектебі, Ж.Кереев атындағы жалпы орта білім беру мектебі және Еңбекші негізгі мектеп балабақшаларына спорт зал салу үшін жобалық-сметалық құжаттар дайындалу үшін аудандық сәулет, қала құрылысы және құрылыс бөліміне жергілікті бюджеттен 16,0 млн теңге қаржы бөлінді. Жобалау сметалық құжаттар дайындалуда.

Темір ауданында Темір балалар жасөспірімдер спорт мектебі жұмыс жасайды. Спорт мектебі 4 спорт залмен қамтылған. Темір ауданы Шұбарқұдық кенті Қызылжар көшесінің бойынан «Дене шынықтыру сауықтыру кешені» бой көтеріп, 2020 жылдың аяғында қолданысқа беріледі деп жоспарлануда.

Ауданда 1 атқыштар тирі, 4 хоккей корттары, 67 алаңдар, 24 спорт зал, 7 теннистік корттар бар. Ауыл жастарының салауатты өмір салтын  қалыптастыру, дене шынықтыру мен  спортты дамыту мақсатында спортпен шұғылдануға мүмкіншіліктер қарастырылған.