2025 жылғы 13 шілдеде Темір ауданының Ақсай, Саркөл ауылдық округтері әкімдерінің сайлауы өтті.
«Қазақстан Республикасындағы сайлау туралы» Қазақстан Республикасының Конституциялық заңының 14-бабының 9) тармақшасына, 44-бабының 2-тармағына, 45-бабына,113-10-бабына сәйкес учаскелік сайлау комиссияларының Ақсай, Саркөл ауылдық округтері әкімдері сайлауының нәтижелері туралы хаттамалары негізінде Темір аудандық аумақтық сайлау комиссиясы сайлаудың қорытындысын шығарды:
Ақсай сайлау округі
Ақсай ауылдық округі әкімінің сайлауы бойынша:
Сайлау округі бойынша сайлаушылар тізіміне 638 азамат енгізілді, олардың 479 дауыс берді. Жарамсыз бюллетеньдер саны - 13, «Бәріне қарсымын» деген жолда белгі қойылғаны - 3.
Әрбір кандидат үшін берілген дауыстар саны:
Бегимов Е.Н - 285, Есжанов Ш.С – 112, Ниетова А.Ә – 66.
Бегимов Еламан Нагашыбаевич, 1973 жылы дүниеге келген, «Ақсай ауылдық округі» ММ-нің әкімі, Темір ауданы Ақсай ауылының тұрғыны, «AMANAT» партиясынан ұсынылған, Ақсай ауылдық округінің әкімі болып сайланды.
Саркөл сайлау округі
Саркөл ауылдық округі әкімінің сайлауы бойынша:
Сайлау округі бойынша сайлаушылар тізіміне 3301 азамат енгізілді, олардың 2260 дауыс берді. Жарамсыз бюллетеньдер саны - 13, «Бәріне қарсымын» деген жолда белгі қойылғаны - 4.
Әрбір кандидат үшін берілген дауыстар саны:
Мухиева Г.А. - 256, Сатаев Е.М – 458, Шуиншалин М.Ж. – 1529.
Шуиншалин Мади Жаксылыкович, 1975 жылы дүниеге келген, «Саркөл ауылдық округі» ММ-нің әкімі, Темір ауданы Саркөл ауылының тұрғыны, «АМАNAT» партиясынан ұсынылған, Саркөл ауылдық округінің әкімі болып сайланды.
Темір аудандық аумақтық сайлау комиссиясы