Страницы

Статья

Ақтөбе облысы әкімдігі денешынықтыру және спорт басқармасының «Қандыағаш қаласының мамандандырылған балалар-жасөспірімдер спорт мектебі» коммуналдық мемлекеттік мекемесі.

Қандыағаш қаласының мамандандырылған балалар-жасөспірімдер спорт мектебі туралы мәлімет

Қандыағаш қаласының мамандандырылған балалар-жасөспірімдер спорт мектебі дене шынықтыру мен дене мәдениеті дәрежесін толықтыру мақсатында 1985 жылы құрылды. 1986 жылы мұнайшылар құзырындағы ғимарат қолданысқа ынғайландырылған тұрғыда пайдалануға берілген.

«Қандыағаш қаласының балалар-жасөспірімдер спорт мектебі» коммуналдық мемлекеттік мекемесінің атауы 2016 жылдың 22 желтоқсанда Ақтөбе облысы әкімдігінің №539 қаулысымен «Қандыағаш қаласының мамандандырылған балалар -жасөспірімдер спорт мектебі» болып өзгертілді

Мектептің алға қойған негізгі мақсаты - оқушылармен жаттықтыру және тәрбие жұмыстарын жүргізіп, спорт түрлері бойынша жақсы жетістіктерге жетуге тәрбиелеу. Оқушылардың денсаулықтарын нығайтып, таңдап алған спорт түрлерінен қабілеттерін шыңдай білу, халықаралық аренада спорт түрлерінен халқының, елінің намысын қорғайтын мықты ұл-қыздар өсіру, дене тәрбиесі мен спорт бағытында белсенді оқушылар дайындау, жалпы білім беретін мектептерге көпшілік спорт бағытында көмек беру спорт мектебінің міндетіне кіреді. Міне, осындай аудандағы бірден-бір өзіндік орны қалыптасқан Қандыағаш қаласының мамандандырылған балалар-жасөспірімдер спорт мектебінің де спорт саласына қосып жатқан өзіндік үлесі зор.

Қандыағаш қаласының мамандандырылған балалар жасөспірімдер спорт мектебінде

37 жатықтырушы жұмыс жасайды. Спорттың 10 түрі бойынша оның ішінде олимпиадалық спорт түрлері бойынша еркін күрес, бокс, дзюдо, волейбол, қол добы, футбол, ауыр атлетика. Олимпиадалық емес спорт түрлері бойынша пауэрлифтинг, қазақ күресі, шахмат бойынша барлығы 85 топта 1280 оқушы қамтылған. Мектеп филиалдары: Сағашилі, Ақкемер, Жұрын ауылдары және Қандыағаш қаласының мектептерінде жұмыс істейді.