Ақтөбе облысының азаматтарын жұмысқа орналастыру үшін 2023 жылға квота белгілеу туралы жоба

2023 жылға ата-анасынан кәмелеттік жасқа толғанға дейін айырылған немесе ата-анасының қамқорлығынсыз қалған, білім беру ұйымдарының түлектері болып табылатын жастар қатарындағы азаматтарды, бас бостандығынан айыру орындарынан босатылған адамдарды, пробация қызметінің есебінде тұрған адамдарды жұмысқа орналастыру үшін Ақтөбе облысының жұмыс орындарына квота белгілеу туралы

Қазақстан Республикасы Әлеуметтік кодексінің 107-бабының 1 тармағы 2, 3, 4-тармақшаларына, «Ата-анасынан кәмелеттік жасқа толғанға дейін айырылған немесе ата-анасының қамқорлығынсыз қалған, білім беру ұйымдарының түлектері болып табылатын жастар қатарындағы азаматтарды, бас бостандығынан айыру орындарынан босатылған адамдарды, пробация қызметінің есебінде тұрған адамдарды жұмысқа орналастыру үшін жұмыс орындарын квоталау қағидаларын бекіту туралы» Қазақстан Республикасы Еңбек және халықты әлеуметтік қорғау министрінің 2023 жылғы 17 қазандағы  № 446 (Нормативтік құқықтық актілерді мемлекеттік тіркеу тізілімінде № 33564 тіркелген) бұйрығына сәйкес Ақтөбе облысы әкімдігі ҚАУЛЫ ЕТЕДІ:

1. Осы қаулыға 1-қосымшаға сәйкес 2023 жылға ата-анасынан кәмелеттік жасқа толғанға дейін айырылған немесе ата-анасының қамқорлығынсыз қалған, білім беру ұйымдарының түлектері болып табылатын жастар қатарындағы азаматтарды жұмысқа орналастыру үшін Ақтөбе облысының жұмыс орындарына квота белгіленсін.
2. Осы қаулыға 2-қосымшаға  сәйкес 2023 жылға бас бостандығынан айыру орындарынан босатылған адамдарды жұмысқа орналастыру үшін Ақтөбе облысының жұмыс орындарына квота белгіленсін.
3. Осы қаулыға 3-қосымшаға сәйкес 2023 жылға пробация қызметінің есебінде тұрған адамдарды жұмысқа орналастыру үшін Ақтөбе облысының жұмыс орындарына квота белгіленсін.
4. «Ақтөбе облысының жұмыспен қамтуды үйлестіру және әлеуметтік бағдарламалар басқармасы» мемлекеттік мекемесі заңнамада белгіленген тәртіппен осы қаулыны мемлекеттік және орыс тілінде Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына Қазақстан Республикасы нормативтік құқықтық актілерінің Эталондық бақылау банкіне ресми жариялауға жолдауды қамтамасыз етсін.
5. Осы қаулының орындалуын бақылау Ақтөбе облысы әкімінің жетекшілік ететін орынбасарына жүктелсін.
6. Осы қаулы алғашқы ресми жарияланғанынан кейін қолданысқа енгізіледі.

Ақтөбе облысының әкімі                                                                                                                   А. Шахаров