«Коммуналдық тұрғын үй қорының тұрғын үйін жобалау және (немесе) салу, реконструкциялау бюджеттік бағдарламасы» бағдарламасынан «Ақтөбе облысы Шалқар қаласынан екі қабатты сегіз пәтерлік 3 жалдамалы-коммуналдық тұрғын үйлер құрылысын салу»  құрылыс-монтаждау жұмыстарын жүргізу бойынша облыстық бюджеттен 100000,0 мың теңге және аудандық бюджеттен 92586,8 мың теңге  бөлініп, облыстық бюджеттен 76216,1 мың теңге және аудандық бюджеттен 92586,8 мың теңге  игерілді. Облыстық бюджет қаржысынан 23783,9 мың теңге игерусіз қалды. Нысан жұмыстары 2024 жылға ауыспалы мерзіммен жүргізілуде.

 «Коммуналдық тұрғын үй қорының тұрғын үйлерін сатып алу»  2023 жылға Ұлттық қордан 96000,0 мың теңге бөлініп, толығымен игерілді. Нәтижесінде 15 пәтер сатып алынып қолданысқа берілді.

 «Cпорт объектілерін дамыту бюджеттік бағдарламасы» бойынша «Ақтөбе облысы Шалқар ауданы Байқадам ауылындағы спорт залының құрылысы»  ЖСҚ дайындалып, оң сараптамасының қорытындысы алынды. Аудандық бюджеттен 2924,4 мың теңге бөлініп, толығымен игерілді.

 «Аудандық маңызы бар автомобиль жолдарын және  елді-мекендердің көшелерін күрделі және орташа жөндеу» бағдарламасы бойынша облыстық бюджеттен 808544,0 мың теңге бөлініп, 578751,0 мың теңге игеріліп, 229793,0 мың теңге игерілмей қалды. Ал, аудандық бюджеттен 23287,8 мың теңге бөлініп, 23287,3 мың теңге игерілді, 0,5 мың теңге үнем қалды. Оның ішінде:

• «Шалқар ауданы Байқадам ауылына кіре беріс жолды күрделі жөндеу» жұмыстары жүргізіліп, қабылдаудан өтті.

Облыстық бюджеттен 142133,0 мың теңге бөлініп, толығымен игерілді.

Аудандық бюджеттен 1521,0 мың теңге бөлініп, аталған нысанның жұмыс көлеміне сараптама жүргізіліп және сынақтан өткізу жұмыстары жүргізілді.

• «Шалқар ауданы Аққайтым ауылына кіре беріс жолды күрделі жөндеу» жұмыстары жүргізіліп, қабылдаудан өтті.

Облыстық бюджеттен 152069,0 мың теңге бөлініп, 152068,8 мың теңге  игерілді, 0,2 мың теңге үнем қалды.

Аудандық бюджеттен 1521,0 мың теңге бөлініп, аталған нысанның жұмыс көлеміне сараптама жүргізіліп және сынақтан өткізу жұмыстары жүргізілді.

• «Шалқар ауданы Қотыртас ауылына кіре беріс жолды күрделі жөндеу» жұмыстары графиктен қалыс қалуына байланысты экономикалық сотқа беріліп, қаржысы 2024 жылға ауыстырылды.

Облыстық бюджеттен 67970,0 мың теңге бөлініп, 69969,3 мың теңге  игерілді, 0,7 мың теңге үнем қалды.

4) «Шалқар ауданы Мөңке ауылына кіре беріс жолды күрделі  жөндеу» бойынша жол жиектемесі мен жол үстіне разметка жасау жұмыстары қалып қойғандықтан қабылдаудан өтпеді. Экономикалық сотқа беріліп қаралуда.

Облыстық бюджеттен 40712,0 мың теңге бөлініп, 40710,8 мың теңге  игерілді, 1,2 мың теңге қалдық қалды.

Аудандық бюджеттен 1132,5 мың теңге бөлініп, аталған нысанның жұмыс көлеміне сараптама жүргізіліп және сынақтан өткізу жұмыстары жүргізілді.

• «Шалқар ауданы Бегімбет ауылына кіре беріс жолды күрделі жөндеу» жөндеу жұмыстары толық жүргізбеу салдарынан тоқтап тұр, экономикалық сотқа берілді.

Облыстық бюджеттен 405660,0 мың теңге бөлініп, 175869,3 мың теңге  игерілді, 229790,7 мың теңге игерусіз қалды.

Аудандық бюджеттен 462,9 мың теңге бөлініп, аталған нысанның жұмыс көлеміне сараптама жүргізіліп және сынақтан өткізу жұмыстары жүргізілді.

6) Сонымен қатар 12 жоба дайындалып, сараптамадан қорытындылары алынды, оның ішінде Шалқар қаласының 4 көшесіне, 3 жоба ауылдық кіреберіс жолдарға, 5 жоба ауылішілік көшелердің автомобиль жолдарын жөндеу жоспарланаған. Аудандық бюджеттен 18650,4 мың теңге бөлініп, толығымен игерілді.