Білім беру жүйесінің басты міндеті-білімнің басты құндылықтарына сәйкес жеке тұлғаның дамуы мен қалыптасу сапасын арттыру, жалпы адами және ұлттық құндылықтар негізінде оларды толыққанды дамыту, білім алуға мемлекеттік кепілдіктері мен қанағаттандыру болып табылады.
Ақтөбе қаласында 27601 баланы қамтитын 236 мектепке дейінгі ұйым қызмет жасайды, өткен жылға қарағанда мемлекеттік тапсырыс негізіндегі балабақшалар саны 12-ге артты.
27601 баланың 100% мемлекеттік білім беру тапсырысын алады.
Анықтама үшін: мемлекеттік – 47 (10259 бала), жеке – 187 (17267 бала), мектеп балабақшада - 1 (50 бала), 1 шағын орталық (25 бала).
Балаларды толық қамту мақсатында облыс әкімдігімен бекітілген қадамдық жоспарда 2029 жылға дейін 9000 орынға 90 балабақша ашу жоспарланған. Оның ішінде 1800 орынға 18 балабақша 2025 жылға қаралған.
25 мамырдағы жағдай бойынша 413 орынға(23%) 9 мектепке дейінгі ұйым (50%) ашылды. 4 балабақша 350 орынға қосымша орын алды. Ашылған балабақшалар негізінен және қосымша орындарға мемлекеттік тапсырыс берілді.
Нәтижесінде 2-6 жасқа дейінгі балаларды қамту 91,6%-ға жетті (жоспар - 94%).
- 1-6 жас – 80,4%
- 3 жастан 6 жасқа дейін - 100%.